Tomato flu; ಕೇರಳದಲ್ಲಿ ಟೊಮ್ಯಾಟೋ ಫ್ಲೂ.. ವೈರಸ್ ಲಕ್ಷಣಗಳು ಏನು?

ನಮ್ಮ ನೆರೆಯ ರಾಜ್ಯ ಕೇರಳದಲ್ಲಿ ಇದೀಗ ಹೊಸದೊಂದು ಸೋಂಕು ಕಾಣಿಸಿಕೊಂಡಿದೆ. ಅದರ ಹೆಸರು ಟೊಮ್ಯಾಟೋ ಫ್ಲೂ. ನಿಗೂಢ ಟೊಮ್ಯಾಟೋ ಫ್ಲೂ ಸಿಕ್ಕಾಪಟ್ಟೆ ಹಬ್ಬುತ್ತಿರುವ ಕಾರಣ ಸಾವುಗಳು ಕೂಡ ಸಂಭವಿಸುತ್ತಿದೆ. ಇದು ಕೇರಳದಲ್ಲಿ ಆತಂಕಕ್ಕೆ ಕಾರಣವಾಗಿದೆ.

ಐದು ವರ್ಷದೊಳಗಿನ ಮಕ್ಕಳಲ್ಲಿಯೇ ಹೆಚ್ಚಾಗಿ ಈ ಟೊಮ್ಯಾಟೋ ಸೋಂಕು ಕಂಡುಬರುತ್ತಿದೆ. ಈವರೆಗೂ 80ಕ್ಕೂ ಹೆಚ್ಚು ಮಕ್ಕಳು ಟೊಮ್ಯಾಟೋ ಫ್ಲೂನಿಂದ ಬಾಧಿತರಾಗಿದ್ದಾರೆ. ಸದ್ಯ ಕೊಲ್ಲಂ ಜಿಲ್ಲೆಯಲ್ಲಿ ಮಾತ್ರ ಈ ರೀತಿಯ ಪ್ರಕರಣಗಳು ಕಂಡುಬರುತ್ತಿವೆ.

ಏನಿದು ಟೊಮ್ಯಾಟೋ ಫ್ಲೂ.?

ಈ ವೈರಸ್ ಅನ್ನು ಟೊಮ್ಯಾಟೋ ಜ್ವರ ಎಂತಲೂ ಕರೆಯುತ್ತಾರೆ. ಇದು ಅತ್ಯಂತ ಅಪರೂಪದ ವೈರಸ್ ಎಂದು ತಜ್ಱರು ಹೇಳುತ್ತಿದ್ದಾರೆ. ಈ ಸೋಂಕು ಕಾರಣ ಚರ್ಮದ ಮೇಲೆ ಕೆಂಪು ಬೊಬ್ಬೆ ಏಳುತ್ತವೆ.ಅದು ಕೆಂಪ ಕೆಂಪಗೆ ಟೊಮ್ಯಾಟೋ ಆಕಾರದಲ್ಲಿ ಇರುವ ಕಾರಣ ಇದನ್ನು ಟೊಮ್ಯಾಟೋ ಫ್ಲೂ ಎಂದು ಕರೆಯಲಾಗುತ್ತಿದೆ.

ಟೊಮ್ಯಾಟೋ ಫ್ಲೂ ಲಕ್ಷಣಗಳು ಏನು?

ಈ ವೈರಸ್ ಸೋಕಿದ ಮಕ್ಕಳ ಶರೀರದ ತುಂಬಾ ಕಡೆ ಬೊಬ್ಬೆಗಳು ಕಾಣಿಸಿಕೊಳ್ಳುತ್ತವೆ. ಇದರ ಜೊತೆಗೆ ತೀವ್ರವಾದ ಜ್ವರ ಕೂಡ ಬರುತ್ತದೆ.ಕೆಲವು ಮಕ್ಕಳಲ್ಲಿ ಶೀತ, ಕೆಮ್ಮು, ಹೊಟ್ಟೆ ನೋವು, ವಾಂತಿಯಂತಹ ಲಕ್ಷಣಗಳು ಕೂಡ ಕಂಡು ಬಂದಿವೆ.

ಈ ಟೊಮ್ಯಾಟೋ ಫ್ಲೂಗೆ ಕಾರಣಗಳು ಏನು ಎಂಬುದು ಈವರೆಗೂ ಗೊತ್ತಾಗಿಲ್ಲ. ಸದ್ಯಕ್ಕೆ ಕೇರಳದ ಕೊಲ್ಲಂ ಜಿಲ್ಲೆಯಲ್ಲಿ ಮಾತ್ರ ಕಂಡುಬಂದಿದೆ. ಶೀಘ್ರವೇ ಇತರೆ ಪ್ರದೇಶಗಳಿಗೂ ಕೂಡ ಈ ಸೋಂಕು ಹಬ್ಬುವ ಸಾಧ್ಯತೆ ಇದೆ ಎಂದು ತಜ್ಱರು ಆತಂಕ ವ್ಯಕ್ತಪಡಿಸಿದ್ದಾರೆ. ಈಗಾಗಲೇ ತಮಿಳುನಾಡು ಸರ್ಕಾರ ಅಲರ್ಟ್ ಆಗಿದೆ. ಆದರೆ, ಕರ್ನಾಟಕ ಸರ್ಕಾರದಿಂದ ಇನ್ನೂ ಯಾವುದೇ ಪ್ರತಿಕ್ರಿಯೆ ಬಂದಿಲ್ಲ.

LEAVE A REPLY

Please enter your comment!
Please enter your name here