ಮುಸಲ್ಮಾನ ಮಹಿಳಾ ಮತದಾರರ ಬುರ್ಕಾ ತೆಗೆಸಿ ಪರಿಶೀಲನೆ -BJP ಅಭ್ಯರ್ಥಿ ಮಾಧವಿ ಲತಾ ವಿರುದ್ಧ FIR

ಮುಸಲ್ಮಾನ ಮಹಿಳಾ ಮತದಾರರ ಬುರ್ಕಾ ತೆಗೆಸಿ ಚೆಕ್ಕಿಂಗ್​ ಮಾಡಿದ ಹೈದ್ರಾಬಾದ್​ ಲೋಕಸಭಾ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಮಾಧವಿ ಲತಾ ಕೊಂಪೆಲ್ಲ ವಿರುದ್ಧ ಎಫ್​ಐಆರ್​ ದಾಖಲಾಗಿದೆ.

ಐಪಿಸಿ ಸೆಕ್ಷನ್​ 171ಸಿ, 186, 505(1)(ಸಿ) ಮತ್ತು ಜನಪ್ರತಿನಿಧಿ ಕಾಯ್ದೆಯ ಕಲಂ 132ರಡಿಯಲ್ಲಿ ಎಫ್​ಐಆರ್​ ದಾಖಲಾಗಿದೆ.

ಮಲಕಪೇಟೆಯಲ್ಲಿರುವ ಮತಗಟ್ಟೆಯಲ್ಲಿ ಬುರ್ಖಾ ಧರಿಸಿದ್ದ ಮಹಿಳೆಯ ವೋಟರ್​ ಐಡಿ ಕಾರ್ಡ್​ ಪಡೆದ ಮಾಧವಿ ಲತಾ ಅವರಿಗೆ ಬುರ್ಕಾ ತೆಗೆದು ಮುಖ ತೋರಿಸುವಂತೆ ಸೂಚಿಸಿದ್ದಾರೆ.

171 ಸಿ – ಚುನಾವಣೆಯಲ್ಲಿ ಪ್ರಭಾವ ಬೀರಲು ಯತ್ನಿಸಿದ ಆರೋಪ, 186 – ಸಾರ್ವಜನಿಕ ಅಧಿಕಾರಿಗೆ ಅವರ ಕರ್ತವ್ಯ ನಿರ್ವಹಣೆಗೆ ಅಡ್ಡಿ, 505(1)(c) – ಸಮುದಾಯಗಳ ನಡುವೆ ಪ್ರಚೋದನೆ ಉಂಟು ಮಾಡುವುದು ಮತ್ತು ಜನಪ್ರನಿಧಿ ಕಾಯ್ದೆಯ ಕಲಂ 132 ಮತಗಟ್ಟೆಯಲ್ಲಿ ಅನುಚಿತ ವರ್ತನೆ ಆರೋಪದಡಿಯಲ್ಲಿ ಎಫ್​ಐಆರ್​ ದಾಖಲಾಗಿದೆ.

ಹೈದ್ರಾಬಾದ್​ ಲೋಕಸಭಾ ಕ್ಷೇತ್ರದಲ್ಲಿ ಎಂಐಎಂನ ಅಸಾದುದ್ದೀನ್​ ಓವೈಸಿ ವಿರುದ್ಧ ಬಿಜೆಪಿ ಮಾಧವಿ ಲತಾ ಅವರನ್ನು ಕಣಕ್ಕಿಳಿಸಿದೆ.