ಬೆಂಗಳೂರು-ಮೈಸೂರು ಎಕ್ಸ್​​ಪ್ರೆಸ್​ ವೇ – ಟೋಲ್​ ದರ ಹೆಚ್ಚಳಕ್ಕೆ ತಡೆ – ಹಳೆ ಮೊತ್ತವೇ ಮುಂದುವರಿಕೆ

ಬೆಂಗಳೂರು-ಮೈಸೂರು ಎಕ್ಸ್​ಪ್ರೆಸ್​ ವೇನಲ್ಲಿ ಟೋಲ್​ ದರ ಹೆಚ್ಚಳವನ್ನು ತಡೆಹಿಡಿಯಲಾಗಿದೆ ಎಂದು ಮೈಸೂರು-ಕೊಡಗು ಸಂಸದ ಪ್ರತಾಪ್​ ಸಿಂಹ ಮಾಹಿತಿ ನೀಡಿದ್ದಾರೆ.

ಮಾರ್ಚ್​ 14ರಿಂದ ಜಾರಿಯಲ್ಲಿರುವ ಟೋಲ್​ ದರವನ್ನೇ  ವಾಹನ ಮಾಲೀಕರು ಪಾವತಿಸಬಹುದಾಗಿದೆ.

ಹೊಸ ದರ ಇವತ್ತಿನಿಂದ ಜಾರಿ ಆಗಬೇಕಿತ್ತು.

ಟೋಲ್​ ಸಂಗ್ರಹ ಆರಂಭವಾದ 17 ದಿನದಲ್ಲೇ ಬೆಂಗಳೂರು-ಮೈಸೂರು ಎಕ್ಸ್​ಪ್ರೆಸ್​ ವೇನಲ್ಲಿ ಟೋಲ್​ ಮೊತ್ತ ಹೆಚ್ಚಿಸಲಾಗಿತ್ತು.

ಇವತ್ತಿನಿಂದ ಅನ್ವಯಿಸಿ  ಟೋಲ್​ ದರದಲ್ಲಿ ಶೇಕಡಾ 22ರಷ್ಟು ಹೆಚ್ಚಳ ಮಾಡಿ ಮಾರ್ಚ್​ 27ರಂದು ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ ಸುತ್ತೋಲೆ ಹೊರಡಿಸಿತ್ತು.

ಹೊಸ ಟೋಲ್​ ದರ:

ಕಾರು/ವ್ಯಾನ್​/ಜೀಪ್​: 165 ರೂ. ದ್ವಿಮುಖ ಸಂಚಾರ – 250 ರೂ. ಹೆಚ್ಚಳ – 30 ರೂ. ಮತ್ತು 45 ರೂ.

ಟ್ರಕ್​/ ಬಸ್/​ಟ್ಯಾಕ್ಸಿ – 565 ರೂ, ದ್ವಿಮುಖ ಸಂಚಾರ – 850 ರೂ., ಹೆಚ್ಚಳ – 165 ರೂ. ಮತ್ತು 160 ರೂ.

ಲಘು ವಾಹನಗಳು/ಮಿನಿಬಸ್​: 270 ರೂ. , ದ್ವಿಮುಖ ಸಂಚಾರ -405 ರೂ. ಹೆಚ್ಚಳ – 50 ರೂ. ಮತ್ತು 75 ರೂ.

ತ್ರಿ ಆಕ್ಸೆಲ್​ ವಾಣಿಜ್ಯ ವಾಹನಗಳು: 615 ರೂ., ದ್ವಿ ಮುಖಸಂಚಾರ – 925 ರೂ. ಹೆಚ್ಚಳ – 115 ರೂ. ಮತ್ತು 225 ರೂ.

ಭಾರೀ ಕಟ್ಟಡ ನಿರ್ಮಾಣ ವಾಹಗನಳು/ಅರ್ಥ್​ಮೂವರ್ಸ್​/4-6 ಆಕ್ಸೆಲ್​ ವಾಹನಗಳು: 885 ರೂ. , ದ್ವಿಮುಖ ಸಂಚಾರ – 1,330 ರೂ. ಹೆಚ್ಚಳ -165 ರೂ. ಮತ್ತು 250 ರೂ.

7 ಅಥವಾ ಅದಕ್ಕಿಂತ ಎಕ್ಸೆಲ್​ ವಾಹನಗಳು: 1,080 ರೂ., ದ್ವಿಮುಖ ಸಂಚಾರ – 1,620 ರೂ., ಹೆಚ್ಚಳ: 200 ರೂ. ಮತ್ತು 305 ರೂ.