ಕರ್ನಾಟಕ ಚುನಾವಣೆ: ರಾಜ್ಯಕ್ಕೆ 4 ತಿಂಗಳಲ್ಲಿ ಪ್ರಧಾನಿ ಮೋದಿ ಅತೀ ಹೆಚ್ಚು ಭೇಟಿ

ಕರ್ನಾಟಕ ವಿಧಾನಸಭಾ ಚುನಾವಣೆ ಹಿನ್ನೆಲೆಯಲ್ಲಿ ಪ್ರಧಾನಿ ನರೇಂದ್ರ ಮೋದಿಯವರು ರಾಜ್ಯದಲ್ಲಿ 21 ಚುನಾವಣಾ ಸಮಾವೇಶಗಳನ್ನು ಉದ್ದೇಶಿಸಿ ಭಾಷಣ ಮಾಡಲಿದ್ದಾರೆ.

ಮೇ 6 ಮತ್ತು 8ರಂದು ಅಂದರೆ ಮತದಾನಕ್ಕೂ ಕೆಲವೇ ದಿನ ಮೊದಲು ಮೈಸೂರು ಭಾಗದಲ್ಲಿ ಪ್ರಧಾನಿ ಮೋದಿ ಚುನಾವಣಾ ಸಮಾವೇಶದಲ್ಲಿ ಭಾಗವಹಿಸಲಿದ್ದಾರೆ.

ಪ್ರತಿ ವಾರವೂ ಕರ್ನಾಟಕಕ್ಕೆ ಪ್ರಧಾನಿ ಮೋದಿ:

ಚುನಾವಣೆಯ ಹೊತ್ತಲ್ಲಿ ಕರ್ನಾಟಕಕ್ಕೆ ಮೋದಿಯವರು ಅತೀ ಹೆಚ್ಚು ಭೇಟಿ ಕೊಟ್ಟಿದ್ದಾರೆ. ಹಲವು ಸರ್ಕಾರಿ ಯೋಜನೆ ಉದ್ಘಾಟಿಸಿದ್ದಾರೆ.

ಕಳೆದ 4 ತಿಂಗಳಲ್ಲಿ ಪ್ರಧಾನಿ ಮೋದಿಯವರು ಕರ್ನಾಟಕಕ್ಕೆ ಎಂಟು ಬಾರಿ ಭೇಟಿ ಕೊಟ್ಟಿದ್ದಾರೆ. 2014ರಲ್ಲಿ ಪ್ರಧಾನಿ ಆದ ಬಳಿಕ ಮೋದಿಯವರು ಕರ್ನಾಟಕ್ಕೆ ಅತೀ ಹೆಚ್ಚು ಭೇಟಿ ನೀಡಿರುವುದು ಇದೇ ಮೊದಲು.

ಈ ತಿಂಗಳು ಅಂದರೆ ಏಪ್ರಿಲ್​ 9ರಂದು ಹುಲಿ ಯೋಜನೆಯ ಸ್ವರ್ಣ ಮಹೋತ್ಸವ ಹಿನ್ನೆಲೆಯಲ್ಲಿ ರಾಜ್ಯಕ್ಕೆ ಬರುತ್ತಿದ್ದು, ಬಂಡೀಪುರಕ್ಕೆ ಭೇಟಿ ನೀಡಲಿದ್ದಾರೆ.

ಮಾರ್ಚ್​ 25: ಬೆಂಗಳೂರು, ಚಿಕ್ಕಬಳ್ಳಾಪುರ, ದಾವಣಗೆರೆ

ಮಾರ್ಚ್​ 12: ಮಂಡ್ಯ, ಧಾರವಾಡ

ಫೆಬ್ರವರಿ 27: ಶಿವಮೊಗ್ಗ, ಬೆಳಗಾವಿ

ಫೆಬ್ರವರಿ 12: ಬೆಂಗಳೂರು

ಫೆಬ್ರವರಿ 06: ಬೆಂಗಳೂರು, ತುಮಕೂರು

ಜನವರಿ 19: ಯಾದಗಿರಿ, ಕಲಬುರಗಿ

ಜನವರಿ 12: ಹುಬ್ಬಳ್ಳಿ

ತಮ್ಮ ಎಂಟು ಬಾರಿ ಭೇಟಿಯ ವೇಳೆ ಪ್ರಧಾನಿ ಮೋದಿಯವರು ಬೆಂಗಳೂರಲ್ಲಿ ಎರಡು ಬಾರಿ, ಬೆಳಗಾವಿ, ಹುಬ್ಬಳ್ಳಿ, ಮಂಡ್ಯ, ದಾವಣಗೆರೆಯಲ್ಲಿ ರೋಡ್​ ಶೋ ಕೈಗೊಂಡಿದ್ದರು. 

8 ಬಾರಿ ಭೇಟಿ ವೇಳೆ ಬೆಂಗಳೂರಿಗೆ ಮೂರು ಬಾರಿ ಭೇಟಿ ಕೊಟ್ಟಿದ್ದಾರೆ.

29 ತಿಂಗಳು ಬಂದಿರಲಿಲ್ಲ ಪ್ರಧಾನಿ ಮೋದಿ:

2020ರ ಜನವರಿಯಿಂದ 2022ರ ಜೂನ್​​ವರೆಗೆ ಪ್ರಧಾನಿ ಮೋದಿಯವರು 29 ತಿಂಗಳು ಅಂದರೆ ಎರಡೂವರೆ ವರ್ಷ ಕರ್ನಾಟಕಕ್ಕೆ ಭೇಟಿ ಕೊಟ್ಟಿರಲಿಲ್ಲ.

ಪ್ರವಾಹದ ವೇಳೆಯೂ ಬಾರದ ಪ್ರಧಾನಿ ಮೋದಿ:

ಜೆಡಿಎಸ್​-ಕಾಂಗ್ರೆಸ್​ ಸಮ್ಮಿಶ್ರ ಸರ್ಕಾರದ ಅವಧಿಯಲ್ಲಾದ ಪ್ರವಾಹ ಮತ್ತು ಯಡಿಯೂರಪ್ಪನವರು ಸಿಎಂ ಆಗಿದ್ದಾಗ ಆದ ಪ್ರವಾಹದ ವೇಳೆ ಕರ್ನಾಟಕಕ್ಕೆ ಮೋದಿ ಭೇಟಿ ಕೊಟ್ಟಿರಲಿಲ್ಲ, ವೈಮಾನಿಕ ಸಮೀಕ್ಷೆಯನ್ನೂ ಕೈಗೊಂಡಿರಲಿಲ್ಲ.