ಕಸ್ಟಮ್ ಅಧಿಕಾರಿಗಳು ಭಾನುವಾರ ಪಂಜಾಬ್ನ ಅಮೃತಸರದಲ್ಲಿ ಪಾಕಿಸ್ತಾನ ಚೆಕ್ ಪೋಸ್ಟ್ ಮೂಲಕ ಅಫ್ಘಾನಿಸ್ತಾನದಿಂದ ಬರುತ್ತಿದ್ದ ಟ್ರಕ್ನಿಂದ 700 ಕೋಟಿ ರೂಪಾಯಿ ಮೌಲ್ಯದ 102 ಕೆಜಿ ಡ್ರಗ್ಸ್ ಅನ್ನು ವಶಪಡಿಸಿಕೊಂಡಿದ್ದಾರೆ. ದೆಹಲಿ ಮೂಲದ ಆಮದುದಾರರಿಂದ ಅಫ್ಘಾನಿಸ್ತಾನದಿಂದ ಆಮದು ಮಾಡಿಕೊಳ್ಳಲಾದ ಲೈಕೋರೈಸ್ ರೂಟ್ಸ್ (ಮುಲೇಥಿ) ರವಾನೆಯಲ್ಲಿ ಡ್ರಗ್ಸ್ಗಳನ್ನು ಮರೆಮಾಡಿ ತರಲಾಗುತ್ತಿತ್ತು.
ಜೂನ್ 2019 ರಲ್ಲಿ ಅಮೃತಸರ ಕಸ್ಟಮ್ಸ್ ಅವರು ಇಂಟಿಗ್ರೇಟೆಡ್ ಚೆಕ್ ಪೋಸ್ಟ್ (ಐಸಿಪಿ) ಅಟ್ಟಾರಿಯಲ್ಲಿ ಸುಮಾರು 532.630 ಕೆಜಿ ಡ್ರಗ್ಸ್ ವಶಪಡಿಸಿಕೊಂಡಿದ್ದರು. ಅನಂತರದಲ್ಲಿ ವಶಪಡಿಸಿಕೊಳ್ಳಲಾದ ಡ್ರಗ್ಸ್ ಪ್ರಕರಣಗಳಲ್ಲಿ ಇದು ಒಂದಾಗಿದೆ.
ಸರಕುಗಳನ್ನು ಎಕ್ಸ್-ರೇ ಸ್ಕ್ಯಾನಿಂಗ್ಗೆ ಒಳಪಡಿಸಿದ ನಂತರ ಪ್ರಕರಣವನ್ನು ಪತ್ತೆಹಚ್ಚಲಾಗಿದೆ. ಲಾರಿಯಲ್ಲಿ ಕೆಲವು ಮರದ ದಿಮ್ಮಿಗಳಲ್ಲಿ ಅನುಮಾನಾಸ್ಪದ ಚಿತ್ರಗಳನ್ನು ಗಮನಿಸಿ, ಕಸ್ಟಮ್ಸ್ ಅಧಿಕಾರಿಗಳು ಮತ್ತು ಇತರ ಕಸ್ಟಮ್ಸ್ ಸಿಬ್ಬಂದಿಗಳ ಸಮ್ಮುಖದಲ್ಲಿ ಬ್ಯಾಗ್ಗಳನ್ನು ತೆರೆಯಲಾಯಿತು.
ಎಲ್ಲಾ ಚೀಲಗಳನ್ನು ತೆರೆದಾಗ, ಕೆಲವು ಚೀಲಗಳಲ್ಲಿ ಸಣ್ಣ ಸಿಲಿಂಡರಾಕಾರದ ಮರದ ದಿಮ್ಮಿಗಳನ್ನು ಹೊಂದಿದ್ದು, ಅಂಟು ವಸ್ತುಗಳಲ್ಲಿ ಬೆರೆಸಿದ ಗರಗಸದ ಪುಡಿಯಿಂದ ಎರಡೂ ತುದಿಗಳಲ್ಲಿ ಮುಚ್ಚಲಾಗಿತ್ತು. ಅಂತಹ ಮರದ ದಿಮ್ಮಿಗಳನ್ನು ಪ್ರತ್ಯೇಕಿಸಿ ಪ್ರತ್ಯೇಕ ಚೀಲಗಳಲ್ಲಿ ಪ್ಯಾಕ್ ಮಾಡಲಾಗಿತ್ತು. ಈ ದಿಮ್ಮಿಗಳನ್ನು ಪರೀಕ್ಷಿಸಿದಾಗ ಇದರಲ್ಲಿ ಡ್ರಗ್ಸ್ ಇರುವುದು ಪತ್ತೆಯಾಗಿದೆ.
ಇಂತಹ ಮರದ ದಿಮ್ಮಿಗಳ ಒಟ್ಟು ತೂಕ ಸುಮಾರು 475 ಕೆಜಿ ಇದ್ದು, ಇದರಿಂದ 102 ಕೆಜಿ ಶಂಕಿತ ಹೆರಾಯಿನ್ ಅಂದಾಜು ಮೌಲ್ಯ ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ 700 ಕೋಟಿ ರೂ.ಗಳು ಎಂದು ಅಂದಾಜಿಲಸಾಗಿದೆ. ಹಾಗೂ ಪ್ರಕರಣದ ಕುರಿತು ಹೆಚ್ಚಿನ ತನಿಖೆ ನಡೆಯುತ್ತಿದೆ ಎಂದು ಕಸ್ಟಮ್ಸ್ ಅಧಿಕಾತಿಗಳು ತಿಳಿಸಿದ್ದಾರೆ.
