ಲೋಕಸಭಾ ಚುನಾವಣೆ: ಕರ್ನಾಟಕದಲ್ಲಿ BJP-JDSಗೆ ಹೀನಾಯ ಸೋಲು, ಕಾಂಗ್ರೆಸ್​ ಪ್ರಚಂಡ ಗೆಲುವು – ಸಮೀಕ್ಷೆಯಲ್ಲಿ ಅಂದಾಜು

ಕರ್ನಾಟಕದಲ್ಲಿ ಲೋಕಸಭಾ ಚುನಾವಣೆಯಲ್ಲಿ ಕಾಂಗ್ರೆಸ್​ ಅತ್ಯಧಿಕ ಸ್ಥಾನಗಳನ್ನು ಗಳಿಸಲಿದೆ ಎಂದು ಖಾಸಗಿ ಸಮೀಕ್ಷಾ ಸಂಸ್ಥೆ ಅಂದಾಜಿಸಿದೆ.

ಈ ಸಮೀಕ್ಷೆಯ ಪ್ರಕಾರ ಕರ್ನಾಟಕದಲ್ಲಿ ಬಿಜೆಪಿ ಮತ್ತು ಜೆಡಿಎಸ್​ ಮೈತ್ರಿಕೂಟ ಒಂದಂಕಿಗೆ ಕುಸಿಯಲಿದೆ.

ಚುನಾವಣಾ ವಿಶ್ಲೇಷಕ ಗುರುರಾಜ್​ ಅಂಜನ್​ ಅವರು ನಡೆಸಿರುವ ಸಮೀಕ್ಷೆ ಪ್ರಕಾರ ಕರ್ನಾಟಕದಲ್ಲಿ ಕಾಂಗ್ರೆಸ್​ 16 ರಿಂದ 22 ಸ್ಥಾನಗಳನ್ನು ಗಳಿಸಲಿದೆ.

ಇದೇ ಮೊದಲ ಬಾರಿಗೆ ಸಮೀಕ್ಷಾ ಸಂಸ್ಥೆಯೊಂದು ಕರ್ನಾಟಕದಲ್ಲಿ ಕಾಂಗ್ರೆಸ್​ 20 ಸ್ಥಾನಗಳನ್ನು ದಾಟಬಹುದು ಎಂಬ ಅಂದಾಜು ಮಾಡಿದೆ.

ಬಿಜೆಪಿ ಮತ್ತು ಜೆಡಿಎಸ್​ ಮೈತ್ರಿಕೂಟ ಕೇವಲ 6 ರಿಂದ 9 ಸ್ಥಾನಗಳನ್ನು ಗೆಲ್ಲಬಹುದು ಎಂದು ಗುರುರಾಜ್​ ಅಂಜನ್​ ಅವರು ಅಂದಾಜು ಮಾಡಿದ್ದಾರೆ.

ಗುರುರಾಜ್​ ಅಂಜನ್​ ಅವರ ತಂಡ ಕರ್ನಾಟಕದಲ್ಲಿ 67,242 ಮಂದಿಯ ಅಭಿಪ್ರಾಯವನ್ನು ಪಡೆದು ಸಮೀಕ್ಷೆ ನಡೆಸಿದೆ.

ಈ ಮೂಲಕ ಕರ್ನಾಟಕದಲ್ಲಿ ಬಿಜೆಪಿ ಮತ್ತು ಜೆಡಿಎಸ್​ ನೇತೃತ್ವದ ಮೈತ್ರಿಕೂಟಕ್ಕೆ ಹೀನಾಯ ಸೋಲಾಗಲಿದೆ ಎಂದು ಸಮೀಕ್ಷೆ ಅಂದಾಜಿಸಿದೆ.