ಚುನಾವಣಾ ಸಮೀಕ್ಷೆ: ಈ ಮೂರು ರಾಜ್ಯಗಳಲ್ಲಿ ಈ ಬಾರಿ ಯಾವ ಪಕ್ಷ ಅಧಿಕಾರಕ್ಕೆ..?

ಕರ್ನಾಟಕ ವಿಧಾನಸಭಾ ಚುನಾವಣೆ ಮುಗಿದ ಬಳಿಕ ಈ ವರ್ಷದ ಅಂತ್ಯದಲ್ಲಿ ರಾಜಸ್ಥಾನ, ಮಧ್ಯಪ್ರದೇಶ, ಛತ್ತೀಸ್​ಗಢ, ತೆಲಂಗಾಣ ರಾಜ್ಯಗಳಲ್ಲಿ ವಿಧಾನಸಭಾ ಚುನಾವಣೆ (Assembly Election) ನಡೆಯಲಿದೆ.

ಮುಂದಿನ ವರ್ಷ ಅಂದರೆ 2024ರ ಆರಂಭದಲ್ಲಿ ನಡೆಯಲಿರುವ ಲೋಕಸಭಾ ಚುನಾವಣೆಯ ಹಿನ್ನೆಲೆಯಲ್ಲಿ ಈ ನಾಲ್ಕು ರಾಜ್ಯಗಳ ಚುನಾವಣಾ ಫಲಿತಾಂಶ ಮಹತ್ವ ಪಡೆದಿದೆ.

ಚುನಾವಣೆಗೆ ಇನ್ನೂ 9-10 ತಿಂಗಳು ಬಾಕಿ ಇರುವ ಹೊತ್ತಲ್ಲೇ ಪ್ರಮುಖ ಚುನಾವಣಾ ಸಮೀಕ್ಷಾ ಸಂಸ್ಥೆ Small Box India ಮಧ್ಯಪ್ರದೇಶ, ಛತ್ತೀಸ್​ಗಢ ಮತ್ತು ತೆಲಂಗಾಣ ವಿಧಾನಸಭಾ ಚುನಾವಣಾ ಪೂರ್ವ ಸಮೀಕ್ಷೆಯನ್ನು ಪ್ರಕಟಿಸಿದೆ.

ತೆಲಂಗಾಣದಲ್ಲಿ ಈ ಬಾರಿ ಯಾರಿಗೆ ಅಧಿಕಾರ..? – Telangana Assembly Election

ತೆಲಂಗಾಣ ವಿಧಾನಸಭೆಯಲ್ಲಿರುವ ಒಟ್ಟು ಸ್ಥಾನಗಳ ಸಂಖ್ಯೆ 119. ಬಹುಮತಕ್ಕೆ ಬೇಕಿರುವ ಶಾಸಕರ ಬಲ 60. 2014ರಲ್ಲಿ ತೆಲಂಗಾಣ ರಾಜ್ಯ ರಚನೆ ಆದ ಬಳಿಕ ಸತತ ಎರಡೂ ಬಾರಿಯೂ ತೆಲಂಗಾಣದಲ್ಲಿ ಮುಖ್ಯಮಂತ್ರಿ ಕೆ ಚಂದ್ರಶೇಖರ್​ ರಾವ್​ ಅವರ ತೆಲಂಗಾಣ ರಾಷ್ಟ್ರಸಮಿತಿ (ಈಗ ಭಾರತ ರಾಷ್ಟ್ರ ಸಮಿತಿ) ಅಧಿಕಾರ ಹಿಡಿದಿದೆ.

Small Box India ಸಮೀಕ್ಷೆಯ ಪ್ರಕಾರ ತೆಲಂಗಾಣದಲ್ಲಿ ಈ ಬಾರಿ ಯಾವ ಪಕ್ಷಕ್ಕೆ ಎಷ್ಟು ಸೀಟು ಸಿಗಬಹುದು..?

ಟಿಆರ್​ಎಸ್​: 46-48

ಕಾಂಗ್ರೆಸ್​: 32-34

ಬಿಜೆಪಿ: 20-28

ಎಐಎಂಐಎಂ 5-6

ಇತರರು: 0-3

ಅಂದರೆ ಈ ಸಮೀಕ್ಷೆಯ ಪ್ರಕಾರ ತೆಲಂಗಾಣದಲ್ಲಿ ಈ ಬಾರಿ ಅತಂತ್ರ ವಿಧಾನಸಭಾ ಚುನಾವಣೆ ನಿರ್ಮಾಣ ಆಗುವ ಸಾಧ್ಯತೆ ಇದೆ.

ಟಿಆರ್​ಎಸ್​ ಮತ್ತು ಎಐಎಂಐಎಂ ಮೈತ್ರಿ ಮಾಡಿಕೊಂಡರೂ ಬಹುಮತದ ಕೊರತೆ ಉಂಟಾಗಲಿದೆ ಎನ್ನುವುದು ಈ ಸಮೀಕ್ಷೆಯ ಅಂದಾಜು.

 ಈ ಸುದ್ದಿಯನ್ನೂ ಓದಿ: BJPಯ ಭಗ್ನಪ್ರೇಮಿಗಳಿಗೆ ಪ್ರೇಮಿಗಳ ದಿನದಂದು ಮೊಟಕಿದ ಕಾಂಗ್ರೆಸ್​..!

ಛತ್ತೀಸ್​ಗಢದಲ್ಲಿ ಈ ಬಾರಿ ಯಾವ ಪಕ್ಷ ಗೆಲ್ಲುತ್ತೆ..? Chhattisgarh Assembly Election

15 ವರ್ಷಗಳ ಕಾಲ ಅಧಿಕಾರ ವಿರಹ ಅನುಭವಿಸಿದ್ದ ಕಾಂಗ್ರೆಸ್​ 2018ರಲ್ಲಿ ಪ್ರಚಂಡ ಬಹುಮತದೊಂದಿಗೆ ಗುಡ್ಡಗಾಡು ರಾಜ್ಯ ಛತ್ತೀಸ್​ಗಢದಲ್ಲಿ ಅಧಿಕಾರಕ್ಕೆ ಬಂತು. ಹಾಗಾದ್ರೆ ಈ ಬಾರಿಯೂ ಕಾಂಗ್ರೆಸ್​ ಅಧಿಕಾರಕ್ಕೆ ಬರುತ್ತಾ..?

Small Box India ಚುನಾವಣಾ ಸಮೀಕ್ಷೆಯ ಪ್ರಕಾರ 

ಕಾಂಗ್ರೆಸ್​ : 55-63

ಬಿಜೆಪಿ : 17-22

ಬಿಎಸ್​ಪಿ : 3-4

ಇತರರು: 1-2 

ಛತ್ತೀಸ್​ಗಢದಲ್ಲಿರುವ ಒಟ್ಟು ವಿಧಾನಸಭಾ ಕ್ಷೇತ್ರಗಳು 90. ಸರ್ಕಾರ ರಚನೆಗೆ ಬೇಕಾಗಿರುವ ಬಹುಮತ 46.

ಅಂದರೆ ಈ ಚುನಾವಣಾ ಸಮೀಕ್ಷೆಯ ಪ್ರಕಾರ ಈ ಬಾರಿಯೂ ರಾಜ್ಯದಲ್ಲಿ ಪ್ರಚಂಡ ಬಹುಮತದೊಂದಿಗೆ ಕಾಂಗ್ರೆಸ್​ ಅಧಿಕಾರಕ್ಕೆ ಬರಲಿದೆ ಎಂದು ಅಂದಾಜಿಸಲಾಗಿದೆ.

ಮಧ್ಯಪ್ರದೇಶದಲ್ಲಿ ಯಾರು ಅಧಿಕಾರಕ್ಕೆ ಬರ್ತಾರೆ..? Madhyapradesh Assembly Election 

ಮಧ್ಯಪ್ರದೇಶದಲ್ಲಿ 2018ರ ಚುನಾವಣೆಯಲ್ಲಿ ಬಿಜೆಪಿ ಸೋತಿತ್ತು, ಕಾಂಗ್ರೆಸ್​ ಅತೀ ದೊಡ್ಡ ಪಕ್ಷವಾಗಿ ಹೊರಹೊಮ್ಮಿದ್ದರೂ ಬಹುಮತ ಸಿಕ್ಕಿರಲಿಲ್ಲ. ಬಿಎಸ್​ಪಿ ಮತ್ತು ಪಕ್ಷೇತರ ಶಾಸಕರ ಬೆಂಬಲದೊಂದಿಗೆ ಫಲಿತಾಂಶದ ಬೆನ್ನಲ್ಲೇ ಅಧಿಕಾರಕ್ಕೆ ಬಂದ ಕಮಲ್​ನಾಥ್​ ಅವರ ನೇತೃತ್ವದ ಕಾಂಗ್ರೆಸ್​ ಸರ್ಕಾರ ಅಲ್ಪಾವಧಿಗೆ ಪತನಗೊಂಡಿತು. 

22 ಶಾಸಕರನ್ನು ಬಿಜೆಪಿ ಸೆಳೆಯುವ ಮೂಲಕ ಶಿವರಾಜ್​ ಸಿಂಗ್​ ಚವ್ಹಾಣ್​ ಅವರ ನೇತೃತ್ವದಲ್ಲಿ ಬಿಜೆಪಿ ಮತ್ತೆ ಸರ್ಕಾರ ರಚನೆ ಮಾಡಿತು.

ಕಾಂಗ್ರೆಸ್​ : 118-135

ಬಿಜೆಪಿ: 106-115

ಬಿಎಸ್​ಪಿ: 2-3

ಇತರರು: 5-6

ಮಧ್ಯಪ್ರದೇಶ ವಿಧಾನಭೆಯಲ್ಲಿರುವ ಒಟ್ಟು ಸದಸ್ಯರ ಸಂಖ್ಯೆ 230. ಸರ್ಕಾರ ರಚನೆಗೆ ಬೇಕಿರುವ ಬಲಾಬಲ 116. 

ಅಂದರೆ Small Box India ಸಮೀಕ್ಷೆಯ ಪ್ರಕಾರ ಈ ಬಾರಿ ಮಧ್ಯಪ್ರದೇಶದಲ್ಲಿ ಕಾಂಗ್ರೆಸ್​​ಗೆ ಪೂರ್ಣ ಮತ್ತು ಸ್ಪಷ್ಟಬಹುಮತ ಸಿಗಲಿದೆ.

ಬಿಜೆಪಿ 100ರ ಗಡಿ ದಾಟಲಿದೆಯಾದರೂ ಬಿಜೆಪಿಗೆ ಬಹುಮತ ಸಿಗಲ್ಲ. ಈ ಸಮೀಕ್ಷೆಯ ಪ್ರಕಾರ ಮಧ್ಯಪ್ರದೇಶದಲ್ಲಿ ಈ ಬಾರಿ ಕಾಂಗ್ರೆಸ್​ ಅಧಿಕಾರಕ್ಕೆ ಬರಲಿದೆ.

ಈ ಸುದ್ದಿಯನ್ನೂ ಓದಿ: ಈ ವರ್ಷದ ಮಧ್ಯದಲ್ಲಿ ಮೋದಿ ರಾಜೀನಾಮೆ ಕೊಡಬೇಕಾಗಬಹುದು – ಆ ಟ್ವೀಟ್​ ಮಾಡಿದ್ದು ಯಾರು..?

ಲೋಕಸಭಾ ಚುನಾವಣೆಯ ಮೇಲೆ ಪರಿಣಾಮ:

ಈ ಮೂರು ರಾಜ್ಯಗಳಲ್ಲಿರುವ ಒಟ್ಟು ಲೋಕಸಭಾ ಕ್ಷೇತ್ರಗಳು 57.  2019ರ ಚುನಾವಣೆಯಲ್ಲಿ ಬಿಜೆಪಿ 41 ಲೋಕಸಭಾ ಕ್ಷೇತ್ರಗಳನ್ನು ಗೆದ್ದುಕೊಂಡಿತ್ತು. ಕಾಂಗ್ರೆಸ್​ ಕೇವಲ 6 ಲೋಕಸಭಾ ಕ್ಷೇತ್ರಗಳು ಮತ್ತು ಟಿಆರ್​ಎಸ್​ 9 ಕ್ಷೇತ್ರಗಳನ್ನು ಗೆದ್ದುಕೊಂಡಿತ್ತು.

ಮಧ್ಯಪ್ರದೇಶ (29): ಬಿಜೆಪಿ- 28, ಕಾಂಗ್ರೆಸ್​ -1.

ಛತ್ತೀಸ್​ಗಢ (11): ಬಿಜೆಪಿ-9, ಕಾಂಗ್ರೆಸ್​-2.

ತೆಲಂಗಾಣ(17): ಟಿಆರ್​ಎಸ್​-9, ಬಿಜೆಪಿ-4, ಕಾಂಗ್ರೆಸ್​ -3, ಎಐಎಂಐಎಂ -1