ಭೂಮಿ ಮೇಲಿನ ಅತ್ಯಂತ ಕ್ರೂರ ಪ್ರದೇಶ ಟೈಟಾನಿಕ್ ದುರಂತ ಸ್ಥಳ

ಜಗತ್ತಿನ ಅತ್ಯಂತ ವಿಲಾಸಿ ಹಡಗು ಟೈಟಾನಿಕ್ ಹೇಗೆ ಸಮುದ್ರದ ಪಾಲಾಯಿತು ಎಂಬುದನ್ನು ಭಾವನೆಗಳ ಜೊತೆ ಎರಕ ಹೊಯ್ದು ತೋರಿಸಿದ್ದು ಹಾಲಿವುಡ್​ನ ಖ್ಯಾತ ನಿರ್ದೇಶಕ ಜೇಮ್ಸ್ ಕ್ಯಾಮರೂನ್.

ಸಾಹಸ ಎಂದರೇ ಇಷ್ಟಪಡುವ ಜೇಮ್ಸ್ ಕ್ಯಾಮರೂನ್ ಸಮುದ್ರದಲ್ಲಿ ಮುಳುಗಿದ ಟೈಟಾನಿಕ್ ಶಿಪ್ ಪ್ರಾಂತ್ಯವನ್ನು ಈವರೆಗೂ 33 ಬಾರಿ ಸಂದರ್ಶಿಸಿದ್ದಾರೆ.

13ಸಾವಿರ ಅಡಿ ಆಳದಲ್ಲಿ ಹುದುಗಿರುವ ಚರಿತ್ರೆಯ ಸಜೀವ ಸಾಕ್ಷ್ಯವನ್ನು ಅವರು ಡಾಕ್ಯುಮೆಂಟರಿ ರೂಪದಲ್ಲಿ ಹೊರತಂದರು.

ಸಮುದ್ರ ಗರ್ಭದಲ್ಲಿ ನಾಮಪತ್ತೆಯಾಗಿದ್ದ ಟೈಟಾನ್ ಸಬ್ ಮೆರಿನ್ ಕತೆ ವಿಷಾದದಲ್ಲಿ ಅಂತ್ಯವಾಗಿದೆ. ತೀವ್ರ ಒತ್ತಡ ಕಾರಣ ಸಬ್ ಮೆರಿನ್ ಸ್ಫೋಟಗೊಂಡು ಅದರಲ್ಲಿದ್ದ ಐವರು ಮರಣಿಸಿದ್ದಾರೆ ಎಂದು ಅಮೆರಿಕಾ ಕೋಸ್ಟ್​ ಗಾರ್ಡ್ ಪ್ರಕಟಿಸಿದೆ.

ಈ ಹಂತದಲ್ಲಿ ಟೈಟಾನಿಕ್ ಮುಳುಗಡೆ ಆದ ಪ್ರದೇಶವನ್ನು ಹತ್ತು ಹಲವು ಬಾರಿ ಸಂದರ್ಶಿಸಿರುವ ಜೇಮ್ಸ್ ಕ್ಯಾಮರೂನ್ ತಮ್ಮ ಅನುಭವಗಳನ್ನು ಹಂಚಿಕೊಂಡಿದ್ದಾರೆ.

ಈ ಭೂಮಿಯ ಮೇಲಿನ ಅತ್ಯಂತ ಕ್ರೂರ ಪ್ರದೇಶಗಳಲ್ಲಿ ಇದು ಕೂಡ ಒಂದು.. ಎಂದು ಕೇವಲ ಒಂದು ವಾಕ್ಯದಲ್ಲಿ ಟೈಟಾನಿಕ್ ಮುಳುಗಿದ ಪ್ರಾಂತ್ಯವನ್ನು ಜೇಮ್ಸ್ ಕ್ಯಾಮರೂನ್ ಬಣ್ಣಿಸಿದ್ದಾರೆ.

ಟೈಟಾನಿಕ್ ಮುಳುಗಿದ ಪ್ರದೇಶವನ್ನು ನೋಡಬೇಕೆಂಬ ಆಕಾಂಕ್ಷೆಯೊಂದಿಗೆ ಸಮುದ್ರಗರ್ಭಕ್ಕೆ ರಷ್ಯನ್ ಸಬ್ ಮೆರಿನ್​ನಲ್ಲಿ ತೆರಳಿ ವಿಡಿಯೋ ಚಿತ್ರೀಕರಣ ನಡೆಸಿದ್ದೆ.

ಸಿನಿಮಾ ಮಾಡಬೇಕೆಂಬ ಉದ್ದೇಶದಿಂದ  ನಾನು ಮೊದಲಿಗೆ ಹೋಗಲಿಲ್ಲ. ಸಾಕ್ಷ್ಯಚಿತ್ರದ ಚಿತ್ರೀಕರಣ ಮಾಡುವ ಸಂದರ್ಭದಲ್ಲಿ ಟೈಟಾನಿಕ್ ಸಿನಿಮಾ ಮಾಡಿದರೆ ಹೇಗೆ ಎಂಬ ಆಲೋಚನೆ ಬಂತು.. ಕಾರ್ಯರೂಪಕ್ಕೆ ತಂದೆ ಎಂದು ಕ್ಯಾಮರೂನ್ ಹೇಳಿಕೊಂಡಿದ್ದಾರೆ.

ಒಬ್ಬ ಡೈವರ್ ಆಗಿ ಇದನ್ನು ತೋರಿಸಬೇಕು ಎಂದುಕೊಂಡೆ.. ಅದಕ್ಕೆ 33 ಬಾರಿ ಈ ಅಪಾಯಕಾರಿ ಪ್ರದೇಶಕ್ಕೆ ಹೋಗಿಬಂದೆ. ಈ ಸಿನಿಮಾ ನಿರ್ಮಾಣವನ್ನು ಒಂದು ಸಾಹಸಯಾತ್ರೆಯಾಗಿ ಭಾವಿಸುತ್ತೇನೆ ಎಂದು ದಿಗ್ಗಜ ನಿರ್ದೇಶಕ ವಿವರಿಸಿದ್ದಾರೆ.