ರಾಜ್ಯಗಳಲ್ಲಿರುವ ಹೈಕೋರ್ಟ್ನಲ್ಲಿ ಆಯಾಯ ರಾಜ್ಯದ ಪ್ರಾದೇಶಿಕ ಭಾಷೆಗಳನ್ನು ಬಳಕೆ ಮಾಡುವ ಬಗ್ಗೆ ಸುಪ್ರೀಂಕೋರ್ಟ್ ಸಮ್ಮತಿ ಸೂಚಿಸಿಲ್ಲ.
ಕರ್ನಾಟಕ ಹೈಕೋರ್ಟ್ನಲ್ಲಿ ಕನ್ನಡ, ಮದ್ರಾಸ್ ಹೈಕೋರ್ಟ್ನಲ್ಲಿ ತಮಿಳು, ಛತ್ತೀಸ್ಗಢ ಹೈಕೋರ್ಟ್ನಲ್ಲಿ ಹಿಂದಿ, ಕೋಲ್ಕತ್ತಾ ಹೈಕೋರ್ಟ್ನಲ್ಲಿ ಬೆಂಗಾಲಿ ಮತ್ತು ಗುಜರಾತ್ ಹೈಕೋರ್ಟ್ನಲ್ಲಿ ಗುಜರಾತಿ ಭಾಷೆಯನ್ನು ಬಳಸುವ ಸಂಬಂಧ ಪ್ರಸ್ತಾವನೆಯನ್ನು ಸಲ್ಲಿಸಲಾಗಿತ್ತು.
ಆದರೆ ಈ ಹೈಕೋರ್ಟ್ಗಳಲ್ಲಿ ಪ್ರಾದೇಶಿಕ ಭಾಷೆ ಬಳಕೆ ಸಂಬಂಧ ಸುಪ್ರೀಂಕೋರ್ಟ್ ಮುಖ್ಯ ನ್ಯಾಯಮೂರ್ತಿಗಳ ನೇತೃತ್ವದ ಸುಪ್ರೀಂಕೋರ್ಟ್ ಆ ಪ್ರಸ್ತಾವನೆಯನ್ನು ಒಪ್ಪಿಕೊಂಡಿಲ್ಲ.
ಸುಪ್ರೀಂಕೋರ್ಟ್ನ ಈ ತೀರ್ಮಾನದ ಬಳಿಕ ತಮಿಳುನಾಡು ಮತ್ತೊಮ್ಮೆ ರಾಜ್ಯ ಭಾಷೆಯಾಗಿರುವ ತಮಿಳನ್ನು ಹೈಕೋರ್ಟ್ನಲ್ಲಿ ಬಳಕೆ ಮಾಡುವ ಬಗ್ಗೆ ಪ್ರಸ್ತಾಪನೆಯನ್ನು ಸಲ್ಲಿಸಿತ್ತು.
ಆ ಎರಡನೇ ಪ್ರಸ್ತಾವನೆಯನ್ನು ಎರಡನೇ ಬಾರಿಯೂ ಸುಪ್ರೀಂಕೋರ್ಟ್ ಸ್ವೀಕರಿಸದೇ ತನ್ನ ಮೊದಲ ನಿರ್ಧಾರವನ್ನೇ ಪುನಚ್ಚರಿಸಿದೆ.