BIG BREAKING: 52ಕ್ಕೂ ಅಧಿಕ ಹಾಲಿ ಶಾಸಕರಿಗೆ ಈ ಬಾರಿ ಟಿಕೆಟ್​ ಇಲ್ಲ..?

ಕರ್ನಾಟಕ ವಿಧಾನಸಭಾ ಚುನಾವಣೆ ಹತ್ತಿರವಾಗುತ್ತಿರುವ ಬೆನ್ನಲ್ಲೇ ಆಡಳಿತರೂಢ ಬಿಜೆಪಿ ಮತ್ತು ಕಾಂಗ್ರೆಸ್​ ಪಕ್ಷದಲ್ಲಿರುವ ಹಾಲಿ ಶಾಸಕರಲ್ಲಿ ಕೆಲವರಿಗೆ ಆತಂಕ ಶುರುವಾಗಿದೆ.

ಕರ್ನಾಟಕದಲ್ಲಿ ಈ ಬಾರಿ ಕಾಂಗ್ರೆಸ್​ 135 ಗೆದ್ದೇ ಗೆಲ್ಲಲಿದೆ ಎಂದು ಕೆಪಿಸಿಸಿ ಅಧ್ಯಕ್ಷ ಡಿಕೆಶಿವಕುಮಾರ್​ ಹೇಳಿದ್ದಾರೆ.

ಈ ನಡುವೆ ಕರ್ನಾಟಕ ಕಾಂಗ್ರೆಸ್​ನಲ್ಲಿ ಕೆಲವು ಹಾಲಿ ಶಾಸಕರಿಗೆ ಈ ಬಾರಿ ವಿಧಾನಸಭಾ ಚುನಾವಣೆಯಲ್ಲಿ ಪಕ್ಷ ಆಘಾತ ನೀಡುವ ನಿರೀಕ್ಷೆ. ಕೆಲವು ಹಾಲಿ ಶಾಸಕರಿಗೆ ಈ ಬಾರಿ ಕಾಂಗ್ರೆಸ್​ ಟಿಕೆಟ್​ ನೀಡಲ್ಲ ಎನ್ನಲಾಗಿದೆ.

ಸತತವಾಗಿ ಗೆದ್ದು ಆಡಳಿತ ವಿರೋಧಿ ಅಲೆ ಎದುರಿಸುತ್ತಿರುವ ಮತ್ತು ವಯಸ್ಸಿನ ಕಾರಣದಿಂದ ಕಾಂಗ್ರೆಸ್​ನ ಕೆಲವು ಶಾಸಕರಿಗೆ ಈ ಬಾರಿ ಟಿಕೆಟ್​ ಕೈ ತಪ್ಪುವ ನಿರೀಕ್ಷೆ ಇದೆ.

ಈ ಆಧಾರದಲ್ಲಿ ಕಾಂಗ್ರೆಸ್​ನ 22 ಶಾಸಕರಿಗೆ ಟಿಕೆಟ್​ ಸಿಗಲಾರದು ಎಂದು ಮೂಲಗಳು ತಿಳಿಸಿವೆ.

ಕರ್ನಾಟಕದಲ್ಲಿ ಕಾಂಗ್ರೆಸ್​ ಚುನಾವಣಾ ರಣತಂತ್ರಗಳನ್ನು ಹೆಣೆಯುತ್ತಿರುವ ಸುನಿಲ್​ ಕನಗೋಲು ಅವರು ಸೋಲಬಹುದಾದ 15 ಮಂದಿ ಹಾಲಿ ಕಾಂಗ್ರೆಸ್​ ಶಾಸಕರ ಪಟ್ಟಿಯನ್ನು ಕಾಂಗ್ರೆಸ್​ನ ದೆಹಲಿ ನಾಯಕರಿಗೆ ರವಾನಿಸಿದ್ದಾರೆ ಎನ್ನಲಾಗಿದೆ.

ಬಿಜೆಪಿಯಲ್ಲೂ ಕೆಲವರಿಗೆ ಟಿಕೆಟ್​ ಇಲ್ಲ..?

ಕಾಂಗ್ರೆಸ್​​ಗೆ ಹೋಲಿಸಿದರೆ ಆಡಳಿತರೂಢ ಬಿಜೆಪಿಯಲ್ಲಿ ಈ ರೀತಿ ಟಿಕೆಟ್​ ಕೈ ತಪ್ಪಬಹುದಾದ ಹಾಲಿ ಶಾಸಕರ ಸಂಖ್ಯೆ 30ಕ್ಕೂ ಅಧಿಕ.

ಸತತವಾಗಿ ಕ್ಷೇತ್ರದಲ್ಲಿ ಗೆದ್ದಿರುವ ಕಾರಣ ತೀವ್ರ ಸ್ವರೂಪದ ಶಾಸಕ ವಿರೋಧಿ ಅಲೆ ಎದುರಿಸುತ್ತಿರುವ ಶಾಸಕರಿಗೆ ಟಿಕೆಟ್​ ಕೈ ತಪ್ಪುವ ನಿರೀಕ್ಷೆ ಇದೆ.

ವಯಸ್ಸಿನ ಕಾರಣದಿಂದಲೂ ಹಲವು ಶಾಸಕರಿಗೆ ಬಿಜೆಪಿ ಈ ಬಾರಿ ಟಿಕೆಟ್​ ನೀಡದೇ ಇರಬಹುದು ಎಂದು ಮೂಲಗಳು ತಿಳಿಸಿವೆ.