BREAKING: ಸಿಎಂ ಆದ 39 ದಿನಗಳ ಬಳಿಕ ಮೊದಲ ಸಂಪುಟ ಇವತ್ತು ಅಸ್ತಿತ್ವಕ್ಕೆ..! ಗಜಪ್ರಸವಕ್ಕೆ ಮುಹೂರ್ತ..!

ಮಹಾಮೈತ್ರಿ ಸರ್ಕಾರವನ್ನು ಉರುಳಿಸಿ ಸರ್ಕಾರ ರಚನೆ ಮಾಡಿದ 39 ದಿನಗಳ ಬಳಿಕ ಇದೇ ಮೊದಲ ಬಾರಿಗೆ ಏಕನಾಥ್​ ಶಿಂಧೆ ನೇತೃತ್ವದ ಶಿವಸೇನೆ ಬಂಡಾಯ ಮತ್ತು ಬಿಜೆಪಿ ಸರ್ಕಾರದ ಸಂಪುಟ ರಚನೆಗೆ ಇವತ್ತು ಕಾಲ ಕೂಡಿಬಂದಿದೆ.

ಇವತ್ತು 18 ಶಾಸಕರು ಸಚಿವರಾಗಿ ಪ್ರಮಾಣವಚನ ಸ್ವೀಕರಿಸಲಿದ್ದಾರೆ.

ಬಿಜೆಪಿಯ 10ರಿಂದ 11 ಮಂದಿ ಶಾಸಕರು ಸಚಿವರಾಗಿ ಪ್ರಮಾಣವಚನ ಸ್ವೀಕರಿಸಲಿದ್ದಾರೆ. ಏಕನಾಥ್​ ಶಿಂಧೆ ಬಣದ ಆರರಿಂದ ಏಳು ಮಂದಿ  ಶಾಸಕರು ಸಚಿವರಾಗಿ ಪ್ರಮಾಣವಚನ ಸ್ವೀಕರಿಸಲಿದ್ದಾರೆ.

ಎರಡ್ಮೂರು ವಾರಗಳ ಬಳಿಕ ಎರಡನೇ ಹಂತದಲ್ಲಿ ಸಂಪುಟ ವಿಸ್ತರಣೆ ಆಗುವ ಸಾಧ್ಯತೆ ಇದೆ.

ಮಹಾರಾಷ್ಟ್ರ ಬಿಜೆಪಿ ಅಧ್ಯಕ್ಷ ಚಂದ್ರಕಾಂತ್​ ಪಾಟೀಲ್​ ಸಚಿವರಾಗಲಿದ್ದಾರೆ. ಸುಧೀರ್ ಮುಂಗಂತಿವಾರ್​, ರಾಧಾಕೃಷ್ಣ ವೀಖೆ ಪಾಟೀಲ್​, ಗಿರೀಶ್​ ಮಹಾಜನ್​, ಮಂಗಲ್​ ಪ್ರಭಾತ್​ ಲೋಧಾ, ಅತುಲ್​ ಸಾವೆ, ಸುರೇಶ್​ ಖಾಡೆ ಸಚಿವರಾಗುವ ಸಾಧ್ಯತೆ ಇದೆ.

ಶಿಂಧೆ ಬಣದಿಂದ ಉದಯ್​ ಸಾಮಂತ್​, ಸಾಂದಪೀಯನ್​ ಭುಮ್ರೆ, ದಾದಾಜಿ ಭೂಸೆ, ಗುಲಾಬ್​ ಪಾಟೀಲ್​, ಶಂಭುರಾಜ್​ ದೇಸಾಯಿ, ದೀಪಕ್​ ಕೇಸರ್ಕರ್​, ಸಂಜಯ್​ ಶ್ರೀಸಾತ್​ ಸಚಿವರಾಗುವ ನಿರೀಕ್ಷೆ ಇದೆ.

LEAVE A REPLY

Please enter your comment!
Please enter your name here