5 ವರ್ಷಗಳಲ್ಲಿ ಕರ್ನಾಟಕದಲ್ಲಿ ವಸೂಲಿ ಆದ Toll (ಹೆದ್ದಾರಿ ಸುಂಕ) ಎಷ್ಟು ಗೊತ್ತಾ..?

ಕಳೆದ ಐದು ವರ್ಷಗಳಲ್ಲಿ ಕರ್ನಾಟಕದಲ್ಲಿ ವಾಹನ ಸವಾರರು ಮತ್ತು ಮಾಲೀಕರು ಎಷ್ಟು ಕೋಟಿ ರೂಪಾಯಿ ಟೋಲ್​ ಅಥವಾ ರಸ್ತೆ ಶುಂಕ ಕಟ್ಟಿದ್ದಾರೆ ಗೊತ್ತಾ..? ಬರೋಬ್ಬರೀ 10 ಸಾವಿರ ಕೋಟಿ ರೂಪಾಯಿ.

ಯಾವ ವರ್ಷ ಎಷ್ಟು..?

2018-19: 1,830 ಕೋಟಿ ರೂ.
2019-20: 1,814 ಕೋಟಿ ರೂ.
2020-21 -1,800 ಕೋಟಿ ರೂ.
2021-22 -2,269 ಕೋಟಿ ರೂ.
202-23 – 2,268 ಕೋಟಿ ರೂ.

ಕೇಂದ್ರ ರಸ್ತೆ ಸಾರಿಗೆ ಸಚಿವಾಲಯದ ಅಂಕಿಅಂಶಗಳನ್ನು ವಿಶ್ಲೇಷಿಸಿ ಇಂಗ್ಲೀಷ್​ ದೈನಿಕ ಟೈಮ್ಸ್​ ಆಫ್​ ಇಂಡಿಯಾ ವರದಿ ಮಾಡಿದೆ.

ವಿಶೇಷ ಎಂದರೆ ಐದು ವರ್ಷಗಳಲ್ಲಿ ಕಟ್ಟಲಾಗಿರುವ 10 ಸಾವಿರ ಕೋಟಿ ರೂಪಾಯಿಯಲ್ಲಿ (9,982 ಕೋಟಿ ರೂ.) ಮೊದಲ ಮೂರು ವರ್ಷದಲ್ಲಿ 5,444 ಕೋಟಿ ರೂಪಾಯಿ ಮೊತ್ತವನ್ನು ಟೋಲ್​ ರೂಪದಲ್ಲಿ ಸಂಗ್ರಹಿಸಲಾಗಿದೆ.

ಆದರೆ ಉಳಿದ ಎರಡು ವರ್ಷಗಳಲ್ಲಿ ಅಂದರೆ ಕಳೆದ 2 ವರ್ಷಗಳಲ್ಲಿ ಬರೋಬ್ಬರೀ 4,537 ಕೋಟಿ ರೂಪಾಯಿ ಸಂಗ್ರಹಿಸಲಾಗಿದೆ.

ಒಂದೂವರೆ ಲಕ್ಷ ಕೋಟಿ ರೂಪಾಯಿ ಟೋಲ್​ ಸಂಗ್ರಹ:

ಕಳೆದ ಐದು ವರ್ಷಗಳಲ್ಲಿ 2018ರ ಜನವರಿಯಿಂದ 2022ರ ಡಿಸೆಂಬರ್​ ಅಂತ್ಯದವರೆಗೆ ದೇಶದಲ್ಲಿ ಸಂಗ್ರಹವಾಗಿರುವ ಟೋಲ್​ ಮೊತ್ತ ಬರೋಬ್ಬರೀ ಒಂದೂವರೆ ಲಕ್ಷ ಕೋಟಿ ರೂಪಾಯಿ.

ಉತ್ತರಪ್ರದೇಶ: 17,242 ಕೋಟಿ ರೂ.
ರಾಜಸ್ಥಾನ: 16,565 ಕೋಟಿ ರೂ.
ಗುಜರಾತ್​: 15,332 ಕೋಟಿ ರೂ.
ಮಹಾರಾಷ್ಟ್ರ: 13,043 ಕೋಟಿ ರೂ.
ತಮಿಳುನಾಡು: 12,738 ಕೋಟಿ ರೂ.

ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರದ ನಿಯಮಗಳ ಪ್ರಕಾರ ಪ್ರತಿ ವರ್ಷ ಟೋಲ್​ ಶುಲ್ಕದಲ್ಲಿ ಶೇಕಡಾ 3ರಷ್ಟು ಹೆಚ್ಚಳ ಮಾಡಲು ಅವಕಾಶ ಇದೆ.