ಯೋಗಗುರು ಬಾಬಾ ರಾಮ್​ದೇವ್​ ವಿರುದ್ಧ FIR

ಸ್ವಾಮೀಜಿಗಳ ಕಾರ್ಯಕ್ರಮದಲ್ಲಿ ಪ್ರಚೋದನಕಾರಿ ಭಾಷಣ ಮಾಡಿದ್ದ ಯೋಗಗುರು ಬಾಬಾ ರಾಮದೇವ್​ ವಿರುದ್ಧ ಎಫ್​ಐಆರ್​ ದಾಖಲಾಗಿದೆ.

ರಾಜಸ್ಥಾನ ರಾಜ್ಯದ ಬರ್ಮೆರ್​ ಜಿಲ್ಲೆಯ ಚೌಹಾಥಾನ್​ ಪೊಲೀಸ್​ ಠಾಣೆಯಲ್ಲಿ ಎಫ್​ಐಆರ್​ ದಾಖಲಾಗಿದೆ.

ಪಥಾಯಿ ಖಾನ್​ ಎಂಬವರು ಕೊಟ್ಟ ದೂರಿನ ಮೇರೆಗೆ ಭಾರತೀಯ ದಂಡ ಸಂಹಿತೆ 153ಎ, 295ಎ, 298 ಕಲಂಗಳ ಅಡಿಯಲ್ಲಿ ಪ್ರಕರಣ ದಾಖಲಾಗಿದೆ.

ಹಿಂದೂ ಮತ್ತು ಇಸ್ಲಾಂ ಹಾಗೂ ಕ್ರಿಶ್ಚಿಯನ್​ ಧರ್ಮಗಳ ಹೋಲಿಕೆಯ ವೇಳೆ ಮುಸಲ್ಮಾನರ ಬಗ್ಗೆ ಯೋಗಗುರು ಪ್ರಚೋದನಕಾರಿ ಭಾಷಣ ಮಾಡಿದ್ದರು.

ಮುಸಲ್ಮಾನರು ಭಯೋತ್ಪಾದನೆಗೆ ಪ್ರಚೋದನೆ ನೀಡುತ್ತಾರೆ ಮತ್ತು ಹಿಂದೂ ಮಹಿಳೆಯರನ್ನು ಅಪಹರಿಸುತ್ತಾರೆ ಎಂದು ಯೋಗಗುರು ಫೆಬ್ರವರಿ 2ರಂದು ನಡೆದಿದ್ದ ಸ್ವಾಮೀಜಿಗಳ ಸಮಾರಂಭದಲ್ಲಿ ಪ್ರಚೋದನಕಾರಿ ಭಾಷಣ ಮಾಡಿದ್ದರು.