ಮಹಾಶಿವರಾತ್ರಿಯಂದು ನಟ ಶಿವರಾಜ್​ಕುಮಾರ್​ ಹೊಸ ಚಿತ್ರದ ಪೋಸ್ಟರ್​ ಬಿಡುಗಡೆ – ಏನು ವಿಶೇಷತೆ..?

ಮಹಾಶಿವರಾತ್ರಿಯಂದು ನಟ ಶಿವರಾಜ್​ಕುಮಾರ್​ ಅವರ ಹೊಸ ಸಿನಿಮಾದ ಪೋಸ್ಟರ್​ ಬಿಡುಗಡೆ ಆಗಿದೆ.

ಶಿವಣ್ಣ ಅವರ ಹೊಸ ಸಿನಿಮಾದ ಹೆಸರು ಭೈರತಿ ರಣಗಲ್.

ಸಿನಿಮಾದ ಪೋಸ್ಟರ್​ನ್ನು ಹಂಚಿಕೊಂಡಿರುವ ಶಿವಣ್ಣ ಅವರು ಮಡಚಿಟ್ಟಿದ್ದ ಅಧ್ಯಾಯ ಪುನಾರಂಭ ಎಂದು ಬರೆದುಕೊಂಡಿದ್ದಾರೆ.

ಮಡಚಿಟ್ಟಿದ್ದ ಅಧ್ಯಾಯದ ಪುನಾರಾರಂಭ #BhairathiRanagal

— DrShivaRajkumar (@NimmaShivanna) February 18, 2023

ಮಫ್ತಿ ಸಿನಿಮಾವನ್ನು ನಿರ್ದೇಶಿಸಿದ್ದ ನರ್ತನ್​ ಅವರು ಈ ಸಿನಿಮಾವನ್ನು ನಿರ್ದೇಶಿಸ್ತಿದ್ದು ಗೀತಾ ಶಿವರಾಜ್​ಕುಮಾರ್​ ಅವರು ಸಿನಿಮಾ ನಿರ್ಮಿಸ್ತಿದ್ದಾರೆ.

ಇದು ಶಿವರಾಜ್​ಕುಮಾರ್​ ಅವರ 126ನೇ ಸಿನಿಮಾ. ಮಫ್ತಿ ಸಿನಿಮಾದಲ್ಲಿ ಶಿವರಾಜ್​ಕುಮಾರ್​ ಅವರ ಪಾತ್ರದ ಹೆಸರೇ ಭೈರತಿ ರಣಗಲ್​.

ಹೀಗಾಗಿ ಇದು ಮಫ್ತಿ ಸಿನಿಮಾದ ಮುಂದುವರಿದ ಭಾಗ ಎಂದು ತಿಳಿದುಬಂದಿದೆ.

ಮಫ್ತಿ ಸಿನಿಮಾದಲ್ಲಿ ಮರದ ಕುರ್ಚಿಯಲ್ಲಿ ಕಪ್ಪು ಬಣದ ಲುಂಗಿ ಮತ್ತು ಅಂಗಿಯಲ್ಲಿ ಶಿವಣ್ಣ ಅವರು ಕೂರುವ ದೃಶ್ಯವಿದೆ.

ಭೈರತಿ ರಣಗಲ್​ ಸಿನಿಮಾದ ಪೋಸ್ಟರ್​ನಲ್ಲೂ ಅದೇ ಇದೆ.