Congress: ಅಧ್ಯಕ್ಷ ಖರ್ಗೆ ಪಕ್ಷಕ್ಕೆ ಕೊಟ್ಟ ಮೊದಲ ದೇಣಿಗೆ ಎಷ್ಟು..?

ಲೋಕಸಭಾ ಚುನಾವಣೆ ಹಿನ್ನೆಲೆಯಲ್ಲಿ ದೇಶಕ್ಕಾಗಿ ದೇಣಿಗೆ ಎಂಬ ಹೆಸರಲ್ಲಿ ಇಂದಿನಿಂದ ಅಭಿಯಾನ ಆರಂಭಿಸಿದೆ.

1 ಲಕ್ಷದ 38 ಸಾವಿರ ರೂಪಾಯಿ (1,38,000) ದೇಣಿಗೆ ನೀಡುವ ಮೂಲಕ ಕಾಂಗ್ರೆಸ್​ ರಾಷ್ಟ್ರೀಯ ಅಧ್ಯಕ್ಷ  ಮಲ್ಲಿಕಾರ್ಜುನ ಖರ್ಗೆ ಅವರು ದೇಣಿಗೆ ಸಂಗ್ರಹ ಅಭಿಯಾನಕ್ಕೆ ಚಾಲನೆ ನೀಡಿದರು.

ಕಾಂಗ್ರೆಸ್​ ಪಕ್ಷ ಸ್ಥಾಪನೆಯಾಗಿ 138 ವರ್ಷಗಳನ್ನು ಪೂರೈಸಿರುವ ಹಿನ್ನೆಲೆಯಲ್ಲಿ 138, 1,380 ಮತ್ತು 13,800 ಅಥವಾ ಬೇರೆ ಮೊತ್ತವನ್ನು ದೇಣಿಗೆ ನೀಡಬಹುದು ಎಂದು ಕಾಂಗ್ರೆಸ್​ ಘೋಷಿಸಿದೆ.

ಮೊಬೈಲ್​ ಮೂಲಕವೇ ಖರ್ಗೆ ಅವರು ದೇಣಿಗೆ ಮೊತ್ತವನ್ನು ಜಮೆ ಮಾಡಿದರು.

ಇದೇ ವರ್ಷದ ಜುಲೈನಲ್ಲಿ ಎಡಿಆರ್​ ಪ್ರಕಟಿಸಿದ ವರದಿ ಪ್ರಕಾರ ಚುನಾವಣಾ ಬಾಂಡ್​ಗಳ ಮೂಲಕ ಬಿಜೆಪಿಗೆ ಅತ್ಯಧಿಕ ಅಂದರೆ 5,271 ಕೋಟಿ ರೂಪಾಯಿ ಮೊತ್ತ ಲಭಿಸಿದ್ದರೆ, ಕಾಂಗ್ರೆಸ್​ಗೆ 952 ಕೋಟಿ ರೂಪಾಯಿ ದೇಣಿಗೆಯಷ್ಟೇ ಲಭ್ಯವಾಗಿತ್ತು.

ಕಳೆದ ವರ್ಷದ ಆರಂಭದ ವೇಳೆಗೆ ಕಾಂಗ್ರೆಸ್​ 4.5 ಕೋಟಿಯಷ್ಟು ಸದಸ್ಯ ಕಾರ್ಯಕರ್ತರನ್ನು ಹೊಂದಿತ್ತು.