BREAKING: ನಟ ದರ್ಶನ್​ ಪತ್ನಿ ವಿಜಯಲಕ್ಷ್ಮೀ ಸಿಟ್ಟಿಗೆ ಕಾರಣವಾದ ಆ Videoದಲ್ಲಿ ಏನಿದೆ..?

ನಟ ದರ್ಶನ್​ ಅಭಿಮಾನಿಗಳ ವಿರುದ್ಧ ದರ್ಶನ್​ ಪತ್ನಿ ವಿಜಯಲಕ್ಷ್ಮೀ ಕೆಂಡಾಮಂಡಲರಾಗಿದ್ದಾರೆ.

ನೀವು ಹಾಕುವ ವೀಡಿಯೋ, ಇಮೇಜಸ್​ ಮತ್ತು ಇತರೆ ಪೋಸ್ಟ್​ನಿಂದ ನನ್ನ ಕುಟುಂಬಕ್ಕೆ ಡ್ಯಾಮೇಜ್​ ಆಗ್ತಿದೆ ಎಂದು ವಿಜಯಲಕ್ಷ್ಮೀ ಕಿಡಿಕಾರಿದ್ದಾರೆ.

ತಕ್ಷಣವೇ ನನ್ನ ಕುಟುಂಬಕ್ಕೆ ಡ್ಯಾಮೇಜ್​ ಮಾಡುವ ವೀಡಿಯೋ, ಇಮೇಜ್​, ಇತರೆ ಪೋಸ್ಟ್​ಗಳನ್ನು ಹಾಕುವುದನ್ನು ಮತ್ತು ಹಂಚಿಕೊಳ್ಳುವುದನ್ನು ನಿಲ್ಲಿಸುವಂತೆ ವಿಜಯಲಕ್ಷ್ಮೀ ದರ್ಶನ್​ ಅಭಿಮಾನಿಗಳಿಗೆ ಒತ್ತಾಯಿಸಿದ್ದಾರೆ.

ಮಹಿಳೆಯಾಗಿ ಇಂಥಹ ವೀಡಿಯೋವನ್ನು ಪೋಸ್ಟ್​ ಮಾಡುವುದಕ್ಕಿಂತ ಮುಂಚೆ ಎರಡು ಬಾರಿ ಯೋಚನೆ ಮಾಡ್ಬೇಕು. ಈ ವೀಡಿಯೋದಿಂದ ನನಗೆ ಮತ್ತು ನನ್ನ ಮಗನಿಗೆ ತುಂಬಾ ನೋವಾಗಿದೆ.

ಇಂತಹ ವೀಡಿಯೋ ಪೋಸ್ಟ್​ ಮಾಡುವ ನಿಮ್ಮ ವರ್ತನೆ ನಿಮ್ಮ ವ್ಯಕ್ತಿತ್ವದ ನೈತಿಕತೆಯನ್ನು ತೋರಿಸುತ್ತದೆ.

ಜೊತೆಗೆ ಇನ್ನೊಂದು ಹೇಳಲು ಬಯಸುತ್ತೇನೆ,

ನನ್ನ ಮೌನ ನಾನು ತಲೆಹರಟೆಗಳನ್ನು ಸುಮ್ಮನೆ ಬಿಡುತ್ತೇನೆ ಎಂದು ಅರ್ಥವಲ್ಲ

ಎಂದು ವಿಜಯಲಕ್ಷ್ಮೀ ಅವರು ತಮ್ಮ ಇನ್​ಸ್ಟ್ರಾಗ್ರಾಂನಲ್ಲಿ ಬಹಿರಂಗವಾಗಿ ಕಿಡಿಕಾರಿದ್ದಾರೆ.

ಏನಿದೆ ಆ ವೀಡಿಯೊದಲ್ಲಿ..?

ಅಂದಹಾಗೆ ದರ್ಶನ್​ ಪತ್ನಿಯ ಸಿಟ್ಟಿಗೆ ಕಾರಣವಾಗಿದ್ದು ಜೊತೆಜೊತೆಯಲಿ ಖ್ಯಾತಿಯ ಮೇಘಾ ಶೆಟ್ಟಿ ತಮ್ಮ ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಂಡ ಒಂದು ವೀಡಿಯೋ.

ಆ ವೀಡಿಯೋದಲ್ಲಿ ದರ್ಶನ್​ ಅವರ ಹುಟ್ಟುಹಬ್ಬದಂದು ಕೇಕ್​ ಕಟ್​ ಮಾಡಿ ತಿನ್ನಿಸಿ ಖುಷಿ ಪಡ್ತಿದ್ದಾರೆ.