ರೈಲು ದುರಂತ: ಎಲ್ಲಿ ಹೋಯ್ತು ಕವಚ್? ಪಿಆರ್​ಗಷ್ಟೇ ಸೀಮಿತನಾ?

ಎರಡು ರೈಲುಗಳು ಒಂದೇ ಹಳಿಯಲ್ಲಿ ಮುಖಾಮುಖಿ ಎದುರಾದರೂ ಅಪಘಾತವಾಗುವುದನ್ನು ತಡೆಯಲು ಕವಚ್ ಎಂಬ ತಂತ್ರಜ್ಞಾನವನ್ನು ಅಳವಡಿಸಿದ್ದೇವೆ ಎಂದು ಕಳೆದ ವರ್ಷವಷ್ಟೇ ರೈಲ್ವೇ ಸಚಿವ ಅಶ್ವಿನಿ ವೈಷ್ಣವ್ ಪ್ರಾತ್ಯಾಕ್ಷಿಕೆ ಮೂಲಕ ತೋರಿಸಿದ್ದರು.

ಇದೀಗ ಬಾಲಸೋರ್ ರೈಲು ದುರಂತ, ಕವಚ್​ ತಂತ್ರಜ್ಞಾನದ ಸಾಮರ್ಥ್ಯದ ಬಗ್ಗೆ ಅನೇಕ ಪ್ರಶ್ನೆಗಳನ್ನು ಹುಟ್ಟು ಹಾಕಿದೆ. ಈ ಬೆನ್ನಲ್ಲೇ ರೈಲ್ವೇ ಮಂತ್ರಿ ಅಶ್ವಿನಿ ವೈಷ್ಣವ್​ ಕವಚ್ ಟೆಕ್ನಾಲಜಿಯ ಬಗ್ಗೆ ವರ್ಣಿಸಿದ್ದ ವೀಡಿಯೋಗಳು ವೈರಲ್ ಆಗಿದ್ದು, ಸಾಕಷ್ಟು ಆಕ್ರೋಶ ವ್ಯಕ್ತವಾಗುತ್ತಿದೆ. ಘನಘೋರ ದುರಂತದ ಹೊಣೆ ಹೊತ್ತು ಅಶ್ವಿನಿ ವೈಷ್ಣವ್ ರಾಜೀನಾಮೆ ಕೊಡಬೇಕೆಂಬ ಕೂಗು ಕೇಳಿಬಂದಿದೆ.

ಕಾಂಗ್ರೆಸ್ ಯುವ ಅಧ್ಯಕ್ಷ ಬಿವಿ ಶ್ರೀನಿವಾಸ್ ಟ್ವೀಟ್​ ಮಾಡಿ, ಕವಚ್ ಎಲ್ಲಿ ಎಂದು ಪ್ರಶ್ನಿಸಿದ್ದಾರೆ.

ಒಂದು ರೈಲು ಹಳಿತಪ್ಪಿದಾಗ.. ಅದೇ ಹಳಿಯ ಮೇಲೆ ಮತ್ತೊಂದು ರೈಲು ಬಂದಾಗ.. ಕವಚ್ ಎಲ್ಲಿ ಹೋಯ್ತು?

ಅಂದಾಜು 300 ಮಂದಿ ಸಾವನ್ನಪ್ಪಿದ್ದಾರೆ. ಸರಿಸುಮಾರು ಸಾವಿರ ಮಂದಿ ಗಾಯಗೊಂಡಿದ್ದಾರೆ. ಈ ದುರಂತದ ಹೊಣೆಯನ್ನು ಯಾರು ವಹಿಸಿಕೊಳ್ಳುತ್ತಾರೆ

ಎಂದು ಟ್ವೀಟ್​ ಮೂಲಕ ಪ್ರಶ್ನೆ ಮಾಡಿದ್ದಾರೆ.

जब एक Train Derail होकर दूसरे Railway Track पर आ गयी थी, तब 'Kavach' कहाँ था??

300 के आसपास मौतें, करीब 1000 लोग घायल। इन दर्दनाक मौतों के लिए कोई तो जिम्मेदार होगा? pic.twitter.com/Ys3RGZFRVS

— Srinivas BV (@srinivasiyc) June 3, 2023

ಪತ್ರಕರ್ತ ಶಶಿ ಎಸ್​ ಸಿಂಗ್ ಎನ್ನುವವರು ಟ್ವೀಟ್​ ಮಾಡಿ,

ಆಧುನಿಕ ರಾಜಕಾರಣದಲ್ಲಿ ಪಿಆರ್​ ಎನ್ನುವುದು ಪ್ರಮುಖ ಪಾತ್ರ ವಹಿಸುತ್ತದೆ ನಿಜ. ಆದರೆ, ಕೆಲವೊಮ್ಮೆ ವಾಸ್ತವ ಮಾತ್ರ ತದ್ವಿರುದ್ಧವಾಗಿರುತ್ತದೆ

ಎಂದಿದ್ದಾರೆ. ತಮ್ಮ ಟ್ವೀಟ್​ ಜೊತೆ ಕವಚ್​ ಬಗ್ಗೆ ಅಶ್ವಿನಿ ವೈಷ್ಣವ್ ನೀಡುವ ಪ್ರಾತ್ಯಾಕ್ಷಿಕೆ ವೀಡಿಯೋ ಟ್ಯಾಗ್ ಮಾಡುವುದನ್ನು ಮರೆಯುವುದಿಲ್ಲ.

PR is the most important thing in modern politics.

But sometimes, reality is totally different.. pic.twitter.com/pHkXzUeuga

— Shashi S Singh 🇮🇳 (@Morewithshashi) June 3, 2023

ಕಳೆದ ವರ್ಷ ಮಾರ್ಚ್​ನಲ್ಲಿ ರೈಲ್ವೆ ಸಚಿವಾಲಯವೇ ಕೊಟ್ಟ ಮಾಹಿತಿಯ ಪ್ರಕಾರ ಭಾರತ​ ಕವಚ​ ಹೆಸರಲ್ಲಿ ಸ್ವದೇಶಿ ತಂತ್ರಜ್ಞಾನವನ್ನೇ ಬಳಸಿ ರೈಲು ಅಪಘಾತ ತಡೆ ತಂತ್ರಜ್ಞಾನವನ್ನು ಯಶಸ್ವಿಯಾಗಿ ಅಳವಡಿಸಲಾಗಿತ್ತು ವಂದೆ ಭಾರತ್ ರೈಲಿನಲ್ಲೂ ಕವಚ ತಂತ್ರಜ್ಞಾನವನ್ನೇ ಬಳಸಲಾಗಿದೆ. ಯುರೋಪಿಯನ್​ ತಂತ್ರಜ್ಞಾನಕ್ಕೆ ಸರಿಸಮಾನದ ತಂತ್ರಜ್ಞಾನ ಎಂದೇ ಕೇಂದ್ರ ಸರ್ಕಾರ ಹೇಳಿಕೊಂಡಿತ್ತು.  10 ಸಾವಿರ ಪ್ರಕರಣಗಳಲ್ಲಿ 1 ದೋಷವಷ್ಟೇ ಕಾಣಿಸಿಕೊಳ್ಳಬಹುದು ಎನ್ನುವಷ್ಟರ ಮಟ್ಟಿಗೆ ಕವಚ ಕೆಲಸ ಮಾಡುತ್ತಿದೆ ಎಂದು ರೈಲ್ವೆ ಸಚಿವಾಲಯ ಹೇಳಿತ್ತು.