SUV ವಾಹನಗಳು ಎಂದರೇನು..? – ತೆರಿಗೆ, ಸುಂಕ ಎಷ್ಟು..? – GST ಸಮಿತಿಯಿಂದ ಸ್ಪಷ್ಟನೆ

SUV (Sports Utility Vehicle) ಸಂಬಂಧ ಸರಕು ಮತ್ತು ಸೇವಾ ತೆರಿಗೆ ಮೇಲಿನ ಸಮಿತಿ ಹೊಸ ವ್ಯಾಖ್ಯಾನವನ್ನು ನೀಡಿದೆ.

1,500 ccಗಿಂತ ಹೆಚ್ಚು ಇಂಜಿನ್​ ಸಾಮರ್ಥ್ಯ ಇರುವ, 4000mmಗಿಂತ ಹೆಚ್ಚು ಉದ್ದ ಇರುವ ಮತ್ತು 170mmಗಿಂತ ಹೆಚ್ಚು ಗ್ರೌಂಡ್​ ಕ್ಲಿಯರೆನ್ಸ್​ ಇರುವ ವಾಹನಗಳನ್ನು SUV ಎಂದು ಪರಿಗಣಿಸಲಾಗುತ್ತದೆ ಎಂದು ಜಿಎಸ್​ಟಿ ಸಮಿತಿ ಸಭೆ ಬಳಿಕ ಸಮಿತಿ ಮುಖ್ಯಸ್ಥರೂ ಆಗಿರುವ ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್​ ಅವರು ಹೇಳಿದರು.

ಈ ನಾಲ್ಕು ಗುಣಲಕ್ಷಣಗಳ ಆಧಾರದ ಮೇಲೆ ವಾಹನಗಳನ್ನು SUV ವಾಹನಗಳೆಂದು ಪರಿಗಣಿಸಲಾಗುತ್ತದೆ.

ಸದ್ಯ ಎಸ್​ಯುವಿ ವಾಹನಗಳ ಮೇಲೆ 28ರಷ್ಟು ಜಿಎಸ್​ಟಿ ತೆರಿಗೆ ಮತ್ತು ಶೇಕಡಾ 22ರಷ್ಟು ಸುಂಕವನ್ನು ವಿಧಿಸಲಾಗುತ್ತಿದೆ.

ಜಿಎಸ್​ಟಿ ಸಮಿತಿ ಸಭೆಯಲ್ಲಿ ಎಸ್​ಯುವಿ ವಾಹನದ ಬಗ್ಗೆ ನಿರ್ಧರಿಸಲಾದ ಈ ವ್ಯಾಖ್ಯಾನದಿಂದಾಗಿ ವಾಹನ ತಯಾರಿಕರಿಗೆ ಇದ್ದ ಗೊಂದಲ ಬಗೆಹರಿಯಲಿದೆ.