ನಟ ದರ್ಶನ್​ ಮೇಲೆ ಚಪ್ಪಲಿ ಎಸೆತ -Video ನೋಡಿ – ಡಿಬಾಸ್​ ಹೇಳಿದ್ದೇನು..?

ನಟ ದರ್ಶನ್​ ಅವರ ಮೇಲೆ ಕಿಡಿಗೇಡಿಯೊಬ್ಬ ಚಪ್ಪಲಿ ಎಸೆದಿದ್ದಾನೆ.

ಕ್ರಾಂತಿ ಸಿನಿಮಾದ ಬೊಂಬೆ ಬೊಂಬೆ ಹಾಡಿನ ಬಿಡುಗಡೆ ಕಾರ್ಯಕ್ರಮದಲ್ಲಿ ಕಿಡಿಗೇಡಿ ಈ ಕೃತ್ಯ ಎಸಗಿದ್ದಾನೆ.

ಹಾಡಿನ ಬಿಡುಗಡೆ ಕಾರ್ಯಕ್ರಮಕ್ಕೆ ಚಾಲೆಂಜಿಂಗ್​ ಸ್ಟಾರ್​ ದರ್ಶನ್​ ವೇದಿಕೆ ಹತ್ತುತ್ತಿದ್ದಂತೆ ಚಪ್ಪಲಿ ಎಸೆಯಲಾಗಿದೆ. ಆ ಚಪ್ಪಲಿ ನೇರವಾಗಿ ದರ್ಶನ್​ ಅವರ ಮೇಲೆಯೇ ಬಿದ್ದಿದೆ.

ವಿಜಯನಗರ ಜಿಲ್ಲೆಯ ಹೊಸಪೇಟೆಯಲ್ಲಿ ನಡೆದಿದ್ದ ಕಾರ್ಯಕ್ರಮದಲ್ಲಿ ಈ ಕೃತ್ಯ ಎಸೆಯಲಾಗಿದೆ.

ಚಪ್ಪಲಿ ತಮ್ಮ ಮೇಲೆ ಬಿದ್ದ ಬಳಿಕ ದರ್ಶನ್​ ತಲೆಯಲ್ಲಾಡಿಸಿದ್ದು ವೀಡಿಯೋದಲ್ಲಿ ದಾಖಲಾಗಿದೆ.

ಜೊತೆಗೆ ಹಾಡಿನ ಬಿಡುಗಡೆಗೆ ಹಾಕಲಾಗಿದ್ದ ವೇದಿಕೆಯ ಬ್ಯಾನರ್​ರನ್ನೂ ಕಿಡಿಗೇಡಿಗಳು ಹರಿದುಹಾಕಿದ್ದಾರೆ.

ದರ್ಶನ್ ಹೇಳಿದ್ದೇನು..?

ತಮ್ಮ ಮೇಲೆ ಚಪ್ಪಲಿ ಎಸೆದವರ ಮೇಲೆ ನಟ ದರ್ಶನ್​ ಸಿಟ್ಟಾಗಿಲ್ಲ. ನಿನಗೆ ಒಳ್ಳೆದಾಗ್ಲಿ ಚಿನ್ನ ಎಂದು ಆ ಕಿಡಿಗೇಡಿ ಬಗ್ಗೆ ದರ್ಶನ್​ ಪ್ರತಿಕ್ರಿಯಿಸಿದ್ದಾರೆ.​