17 ದಿನಗಳ ಹಿಂದೆ ಜಾರಿಯಾದ ಶಕ್ತಿ ಯೋಜನೆಯಲ್ಲಿ ಮಹಿಳೆಯರ ಉಚಿತ ಪ್ರಯಾಣದ ಸಂಖ್ಯೆ 8 ಕೋಟಿ ದಾಟಿದೆ.
ಶಕ್ತಿ ಯೋಜನೆಯಡಿಯಲ್ಲಿ ನಾಲ್ಕು ಸಾರಿಗೆ ನಿಗಮಗಳು ಮಹಿಳಾ ಪ್ರಯಾಣಿಕರಿಗೆ ನೀಡಿರುವ ಟಿಕೆಟ್ ಮೌಲ್ಯ 200 ಕೋಟಿ ರೂಪಾಯಿ ದಾಟಿದೆ. ಈ ಮೂಲಕ ಶಕ್ತಿ ಯೋಜನೆ ಅದ್ಭುತ ಯಶಸ್ಸು ಕಂಡಿದೆ.
ಕೆಎಸ್ಆರ್ಟಿಸಿ ಇವತ್ತು ಹಂಚಿಕೊಂಡಿರುವ ಮಾಹಿತಿ ಪ್ರಕಾರ ಮಂಗಳವಾರ ಒಂದೇ ದಿನ 4 ನಿಗಮಗಳಲ್ಲಿ ಬಸ್ಗಳಲ್ಲಿ 60 ಲಕ್ಷದ 63 ಸಾವಿರದ 632 ಮಂದಿ ಮಹಿಳಾ ಪ್ರಯಾಣಿಕರು ಉಚಿತವಾಗಿ ಪ್ರಯಾಣಿಸಿದ್ದಾರೆ. ಇವರಿಗೆ ನೀಡಲಾದ ಉಚಿತ ಟಿಕೆಟ್ನ ಮೌಲ್ಯ ಬರೋಬ್ಬರೀ 13 ಕೋಟಿ 86 ಲಕ್ಷ ರೂಪಾಯಿ.
ಜೂನ್ 11ರಿಂದ ಜೂನ್ 27ರ ಮಧ್ಯರಾತ್ರಿವರೆಗೆ ಉಚಿತ ಪ್ರಯಾಣದಡಿ ಮಹಿಳೆಯರಿಗೆ ನೀಡಲಾಗಿರುವ 8 ಕೋಟಿ 85 ಲಕ್ಷದ 57 ಸಾವಿರದ 269. ಈ ಟಿಕೆಟ್ಗಳ ಒಟ್ಟು ಮೌಲ್ಯ 208 ಕೋಟಿ 36 ಲಕ್ಷದ 36 ಸಾವಿರದ 666 ಕೋಟಿ ರೂಪಾಯಿ.
ಶಕ್ತಿ ಯೋಜನೆಯಡಿಯಲ್ಲಿ ಕೆಎಸ್ಆರ್ಟಿಸಿ, ಬಿಎಂಟಿಸಿ, ವಾಯುವ್ಯ ಕರ್ನಾಟಕ ರಸ್ತೆ ಸಾರಿಗೆ ಮತ್ತು ಕಲ್ಯಾಣ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆ ವಿತರಿಸುವ ಟಿಕೆಟ್ ಮೊತ್ತವನ್ನು ರಾಜ್ಯ ಸರ್ಕಾರವೇ ತನ್ನ ಬೊಕ್ಕಸದಿಂದ ಈ ನಿಗಮಗಳಿಗೆ ಪಾವತಿಸಲಿದೆ.
ಈ ಮೂಲಕ ನಿಗಮಗಳಿಗೆ ಶಕ್ತಿ ಯೋಜನೆಯಡಿಯಲ್ಲಿ ಪ್ರಯಾಣಿಕರ ಹೆಚ್ಚಳದಿಂದ ಹಣದ ಹರಿವು ಹೆಚ್ಚಳವಾಗಿದೆ.
ADVERTISEMENT
ADVERTISEMENT