ಅದಾನಿಗೆ NDTV ಮಾರಾಟ – ಆರಂಭದಲ್ಲಿ ವಿರೋಧ, ಕೊನೆಗೂ ಮಾರಾಟಕ್ಕೆ ಒಪ್ಪಿದ ಪ್ರಣಯ್​ರಾಯ್​ ದಂಪತಿ

ದೇಶದ ಪ್ರಮುಖ ಸುದ್ದಿವಾಹಿನಿ ಎನ್​​ಡಿಟಿವಿ ಈಗ ಅಧಿಕೃತವಾಗಿ ದೇಶದ ದೈತ್ಯ ಉದ್ಯಮಿ ಗೌತಮ್​ ಅದಾನಿ ಅವರ ಪಾಲಾಗಿದೆ.
ಆರಂಭದಲ್ಲಿ ಅದಾನಿ ಸ್ವಾಧೀನಕ್ಕೆ ವಿರೋಧ ವ್ಯಕ್ತಪಡಿಸಿದ್ದ ಎನ್​ಡಿಟಿವಿ ಸಂಸ್ಥಾಪಕರಾದ ಪ್ರಣಯ್​ ರಾಯ್​ ಮತ್ತು ರಾಧಿಕಾ ರಾಯ್​​ ಈಗ ತಮ್ಮ ಷೇರಿನ ಬಹುಭಾಗವನ್ನು ಅದಾನಿ ಕಂಪನಿಗೆ ಮಾರಲು ತೀರ್ಮಾನಿಸಿದ್ದಾರೆ.
ಪ್ರಣಯ್​ ರಾಯ್​ ಮತ್ತು ರಾಧಿಕಾ ರಾಯ್​ ದಂಪತಿ ಶೇಕಡಾ 27.6ರಷ್ಟು ಷೇರನ್ನು ಅದಾನಿಗೆ ಮಾರುವ ಬಗ್ಗೆ ಘೋಷಿಸಿಕೊಂಡಿದ್ದಾರೆ.
ಈ ಮೂಲಕ ಎನ್​ಡಿಟಿವಿಯಲ್ಲಿ ಅದಾನಿ ಪಾಲು ಶೇಕಡಾ 64.71ಕ್ಕೆ ಏರಿಕೆ ಆಗಿದ್ದು, ಅದಾನಿ ಎನ್​​ಡಿಟಿವಿಯ ಅತೀ ದೊಡ್ಡ ಪಾಲುದಾರರಾಗಿದ್ದಾರೆ.
ಅದಾನಿ ಕಂಪನಿ ಶೇಕಡಾ 64.71ರಷ್ಟು ಷೇರು, ಸಾರ್ವಜನಿಕರು ಶೇಕಡಾ 30.29ರಷ್ಟು ಷೇರು ಮತ್ತು ಪ್ರಣಯ್​ ರಾಯ್​ ಮತ್ತು ರಾಧಿಕಾ ರಾಯ್​ ಜೊತೆಯಾಗಿ ಶೇಕಡಾ 5ರಷ್ಟು ಷೇರು ಹೊಂದಿದ್ದಾರೆ.
ಡಿಸೆಂಬರ್​ 30ರೊಳಗೆ ಅಥವಾ ಆ ಬಳಿಕ ಪ್ರಣಯ್​ ರಾಯ್​ ದಂಪತಿ ಅದಾನಿ ಕಂಪನಿಗೆ ಅಧಿಕೃತವಾಗಿ ಷೇರುಗಳನ್ನು ಮಾರಲಿದ್ದಾರೆ.
ಕಳೆದ 60 ದಿನಗಳ ಅವಧಿಯಲ್ಲಿ ಎನ್​ಡಿಟಿವಿಯ ಷೇರು ಮೌಲ್ಯ 364 ರೂಪಾಯಿಯಿದ್ದು, ಅದಾನಿ ಪ್ರಣಯ್​ರಾಯ್​ ದಂಪತಿ ಬಳಿಯಿಂದ ಷೇರು ಖರೀದಿಗೆ 648 ಕೋಟಿ ರೂಪಾಯಿ ಹೂಡಿಕೆ ಮಾಡಬೇಕಾಗುತ್ತದೆ.

LEAVE A REPLY

Please enter your comment!
Please enter your name here