ಪಾವಗಡ ವಿಧಾನಸಭಾ ಚುನಾವಣೆ: ಯಾರಿಗೆ JDS, ಕಾಂಗ್ರೆಸ್​​ ಟಿಕೆಟ್​..?

Karnataka Assembly Election
Karnataka Assembly Election
ತುಮಕೂರು ಜಿಲ್ಲೆಯ ಪಾವಗಡ ವಿಧಾನಸಭಾ ಚುನಾವಣಾ ರಾಜಕೀಯಕ್ಕೆ ಹೊಸ ತಿರುವು ಸಿಕ್ಕಿದೆ.  ಜೆಡಿಎಸ್​ ಟಿಕೆಟ್​ ಹಂಚಿಕೆಯಲ್ಲಿ ಆಗಬಹುದಾದ ಗೊಂದಲವನ್ನು ಮೊದಲೇ ಅರಿತು ಮಾಜಿ ಮುಖ್ಯಮಂತ್ರಿ ಕುಮಾರಸ್ವಾಮಿ ಅವರು ಇಬ್ಬರು ಟಿಕೆಟ್​ ಆಕಾಂಕ್ಷಿಗಳ ನಡುವೆ ಸಂಧಾನ ಮಾಡಿದ್ದಾರೆ.
ಈ ಬಾರಿ ಯಾರಿಗೆ ಜೆಡಿಎಸ್​ ಟಿಕೆಟ್​..?
ಮಾಜಿ ಶಾಸಕ ತಿಮ್ಮರಾಯಪ್ಪ, ಜೆಡಿಎಸ್ ನ ಪ್ರಬಲ ಟಿಕೆಟ್ ಆಕಾಂಕ್ಷಿ ನೇರಳಕುಂಟೆ ನಾಗೇಂದ್ರ ಕುಮಾರ್ ನಡುವೆ ಸಂಧಾನ, ಒಪ್ಪಂದ ಮಾಡಿಸಿರುವ ಕುಮಾರಸ್ವಾಮಿ ಈ ಬಾರಿಯ ಜೆಡಿಎಸ್ ಟಿಕೆಟ್ ತಿಮ್ಮರಾಯಪ್ಪಗೆ ಎಂದು ಘೋಷಿಸಿದ್ದಾರೆ.
ಮುಂದಿನ ಬಾರಿ ನಿಮಗೆ ಟಿಕೆಟ್​..?
ಮುಂದಿನ ಬಾರಿ ನೇರಳಕುಂಟೆ ನಾಗೇಂದ್ರ ಕುಮಾರ್ ಗೆ ಜೆಡಿಎಸ್ ಟಿಕೆಟ್ ಕೊಡುವುದಾಗಿ ಕುಮಾರಸ್ವಾಮಿ ಮಾತುಕೊಟ್ಟಿದ್ದಾರೆ.

ನೀವಿನ್ನು ಯಂಗ್ ಇದ್ದೀರಿ ನಾಗೇಂದ್ರ. ಈಬಾರಿ ತಿಮ್ಮರಾಯಪ್ಪಗೆ ಅವಕಾಶ ಮಾಡಿಕೊಡಿ. ಮುಂದಿನ ಬಾರಿ ನೀವೇ ನಿಲ್ಲುವಿರಂತೆ. ನಾನೇ ಟಿಕೆಟ್ ಕೊಡ್ತೇನೆ. ಈ ಬಾರಿ ನೀವು ಕಣಕ್ಕೆ ಇಳಿಯದೇ ತಿಮ್ಮರಾಯಪ್ಪರನ್ನು ಬೆಂಬಲಿಸಿ, ಒಂದೇ ಸಮುದಾಯದವರಾದ ನೀವಿಬ್ರೂ ಕಣದಲ್ಲಿದ್ರೆ ಯಾರೂ ಗೆಲ್ಲಲು ಆಗಲ್ಲ. ಮತ್ತೆ ವೆಂಕಟರಮಣಪ್ಪನಿಗೋ, ವೆಂಕಟೇಶ್ ಗೋ ಅವಕಾಶ ಮಾಡಿಕೊಟ್ಟಂತೆ ಆಗುತ್ತೆ. ನೀವು ಈ ಬಾರಿ ಕಣಕ್ಕೆ ಇಳಿಯದೇ ತಿಮ್ಮರಾಯಪ್ಪ ಬೆಂಬಲಿಸಿ

ಎಂದು ಕುಮಾರಸ್ವಾಮಿ ಕಿವಿಮಾತು ಹೇಳಿ ನಾಗೇಂದ್ರರನ್ನು ಒಪ್ಪಿಸಿದ್ದಾರೆ.
ಕಾಂಗ್ರೆಸ್​ನಿಂದ ಯಾರಿಗೆ ಟಿಕೆಟ್​..?
ಮತ್ತೊಂದುಕಡೆ ಕಾಂಗ್ರೆಸ್ ಟಿಕೆಟ್ ಗೆ ಹತ್ತು ಹಲವು ಮಂದಿ ಅರ್ಜಿ ಹಾಕಿ ಪ್ರಯತ್ನ ನಡೆಸಿದ್ದರೂ, ಕೆಪಿಸಿಸಿ ಮಾತ್ರ ಹಾಲಿ ಶಾಸಕ ವೆಂಕಟರಮಣಪ್ಪ ಪುತ್ರ ವೆಂಕಟೇಶ್ ಗೆ ಟಿಕೆಟ್ ನೀಡಲು ಮುಂದಾಗಿದೆ. ಅವರೊಬ್ಬರ ಹೆಸರನ್ನು ಮಾತ್ರ ಅಂತಿಮಗೊಳಿಸಿದೆ ಎಂದು ಗೊತ್ತಾಗಿದೆ.
ಈ ಮೂಲಕ ವೆಂಕಟೇಶ್ ಕಾಂಗ್ರೆಸ್ ನಿಂದ ಸ್ಪರ್ಧೆ ಮಾಡುವುದು ಬಹುತೇಕ ಖಚಿತವಾಗಿದೆ. ಮಾಜಿ ಶಾಸಕ ಸೋಮಲ ನಾಯ್ಕ್ ಪುತ್ರಿ ಗಾಯತ್ರಿ, ಕೋರ್ಟ್ ನರಸಪ್ಪ ಸೇರಿ ಹಲವರಿಗೆ ನಿರಾಸೆಯಾಗಿದೆ.
ಯಾರಿಗೆ ಬಿಜೆಪಿ ಟಿಕೆಟ್​..?
ಈ ಮಧ್ಯೆ ಬಿಜೆಪಿ ಟಿಕೆಟ್ ಯಾರಿಗೆ ಎಂಬ ರಹಸ್ಯ ಇನ್ನೂ ದೃಢವಾಗಿಲ್ಲ. ಕೃಷ್ಣಾ ನಾಯ್ಕ್, ಇನ್ಸ್ಪೆಕ್ಟರ್ ರಾಘವೇಂದ್ರ ಪತ್ನಿ ಸೇರಿ ಹಲವರು ಬಿಜೆಪಿ ಟಿಕೆಟ್ ಗಿಟ್ಟಿಸಲು ಪ್ರಯತ್ನಿಸ್ತಿದ್ದಾರೆ.

LEAVE A REPLY

Please enter your comment!
Please enter your name here