ಅಡುಗೆಗೆ ಈರುಳ್ಳಿ ಹಾಕಿದ್ರೆ ಅಡುಗೆ ರುಚಿ ಹೆಚ್ಚುತ್ತೆ ಎನ್ನುವುದು ಗೊತ್ತೇ ಇದೆ. ಆದ್ರೆ ಈರುಳ್ಳಿ ಹೆಚ್ಚೋದು ಎಷ್ಟು ಕಷ್ಟ ಎನ್ನುವುದು ಅಡುಗೆ ಮಾಡುವವರಿಗೆ ಗೊತ್ತು. ಈರುಳ್ಳಿ ಕತ್ತರಿಸುವಾಗ ಕಣ್ಣಲ್ಲಿ ನೀರು ಬರುತ್ತದೆ. ಹಾಗಾಗಿ ಹೆಚ್ಚಿನವರು ಈರುಳ್ಳಿ ಕತ್ತರಿಸುವುದನ್ನು ಇಷ್ಟ ಪಡೋದಿಲ್ಲ. ನಾವಿಲ್ಲಿ ಈರುಳ್ಳಿ ಹೆಚ್ಚುವಾಗ ಕಣ್ಣಲ್ಲಿ ನೀರು ಬರದಂತೆ ನೋಡಿಕೊಳ್ಳಲು ಕೆಲವೊಂದು ಟಿಪ್ಸ್ನ್ನು ತಿಳಿಸಿದ್ದೇವೆ.
ಕತ್ತರಿಸಿ ನೀರಿನಲ್ಲಿಡಿ
ಈರುಳ್ಳಿ ಸಿಪ್ಪೆ ತೆಗೆದ ನಂತರ ಅದನ್ನು ಮಧ್ಯದಿಂದ ಎರಡು ತುಂಡುಗಳಾಗಿ ಕತ್ತರಿಸಿ. ನಂತರ ಅದನ್ನು ನೀರಿನಲ್ಲಿ ಹಾಕಿ ಸ್ವಲ್ಪ ಹೊತ್ತು ಇಡಿ. ನೀವು ಕನಿಷ್ಟ 15 ರಿಂದ 20 ನಿಮಿಷಗಳ ಕಾಲ ನೀರಿನಲ್ಲಿ ಬಿಡಿ.
ನೀವು ಈ ನೀರಿಗೆ ಬಿಳಿ ವಿನೆಗರ್ ಅನ್ನು ಕೂಡ ಸೇರಿಸಬಹುದು. ಹೀಗೆ ಮಾಡುವುದರಿಂದ ಈರುಳ್ಳಿಯ ಕಿಣ್ವಗಳು ಬಿಡುಗಡೆಯಾಗುತ್ತವೆ ಮತ್ತು ನಿಮ್ಮ ಕಣ್ಣಿನಿಂದ ನೀರು ಬರುವುದಿಲ್ಲ.
ಕನ್ನಡಕ ಧರಿಸಿ
ಈರುಳ್ಳಿ ಕತ್ತರಿಸುವಾಗ ನೀವು ಕನ್ನಡಕವನ್ನು ಬಳಸಬಹುದು. ಕಣ್ಣುಗಳಿಗೆ ಗಾಳಿಯನ್ನು ತಲುಪಲು ಅನುಮತಿಸದಂತಹ ಕನ್ನಡವನ್ನು ಬಳಸಬೇಕು. ಈ ರೀತಿಯಾಗಿ ನೀವು ಈರುಳ್ಳಿ ಕತ್ತರಿಸುವಾಗ ಈರುಳ್ಳಿಯಲ್ಲಿರುವ ಅನಿಲವು ನಿಮ್ಮ ಕಣ್ಣುಗಳನ್ನು ತಲುಪುವುದಿಲ್ಲ.
ಕತ್ತರಿಸುವ ಮೊದಲು ಫ್ರಿಡ್ಜ್ನಲ್ಲಿಡಿ
ಈರುಳ್ಳಿ ಕತ್ತರಿಸುವಾಗ ಕಣ್ಣೀರು ಬರುವುದನ್ನು ತಪ್ಪಿಸಲು ಅದನ್ನು ಕತ್ತರಿಸುವ ಮೊದಲು 20 ರಿಂದ 25 ನಿಮಿಷಗಳ ಕಾಲ ರೆಫ್ರಿಜರೇಟರ್ನಲ್ಲಿ ಇರಿಸಿ. ಹೀಗೆ ಮಾಡುವುದರಿಂದ ಈರುಳ್ಳಿಯಲ್ಲಿರುವ ಕಿಣ್ವದ ಪರಿಣಾಮ ಕಡಿಮೆಯಾಗುತ್ತದೆ ಹಾಗಾಗಿ ಕತ್ತರಿಸುವಾಗ ಕಣ್ಣಿನಿಂದ ನೀರು ಬರುವುದಿಲ್ಲ.
ಮೇಣದ ಬತ್ತಿಯನ್ನು ಹೊತ್ತಿಸಿ
ಈರುಳ್ಳಿಯನ್ನು ಕತ್ತರಿಸುವಾಗ ಹತ್ತಿರದಲ್ಲಿ ಮೇಣದಬತ್ತಿಯನ್ನು ಬೆಳಗಿಸಿದರೆ, ಅದರಿಂದ ಹೊರಬರುವ ಅನಿಲವು ಮೇಣದಬತ್ತಿಯೊಳಗೆ ಹೋಗುತ್ತದೆ ಮತ್ತು ನಿಮ್ಮ ಕಣ್ಣುಗಳು ಉರಿಯುವುದಿಲ್ಲ ಎನ್ನಲಾಗುತ್ತದೆ.
ಹರಿತವಾದ ಚಾಕುವಿನಿಂದ ಕತ್ತರಿಸಿ
ಯಾವಾಗಲೂ ಹರಿತವಾದ ಚಾಕುವಿನಿಂದ ಈರುಳ್ಳಿ ಕತ್ತರಿಸಿ. ನೀವು ಹರಿತವಾದ ಚಾಕುವಿನಿಂದ ಈರುಳ್ಳಿ ಕತ್ತರಿಸಿದಾಗ, ಈರುಳ್ಳಿಯ ಪದರವು ಕತ್ತರಿಸಲ್ಪಡುತ್ತದೆ. ಇವುಗಳಿಂದ ಕಡಿಮೆ ಕಿಣ್ವಗಳು ಹೊರಬರುತ್ತವೆ.
ಈರುಳ್ಳಿಯ ಜೀವಕೋಶದ ಗೋಡೆಗಳಿಗೆ ಹಾನಿಯಾದಾಗ ಅದರಿಂದ ಕಡಿಮೆ ಅನಿಲ ಹೊರಬರುತ್ತದೆ ಮತ್ತು ಕಣ್ಣಿನ ಸಮಸ್ಯೆಯೂ ಕಡಿಮೆಯಾಗುತ್ತದೆ.