BREAKING: ಕಾರ್ಕಳದಲ್ಲಿ ಈ ಬಾರಿ ಯಾರ್​ ಗೆಲ್ತಾರೆ..? – ಚುನಾವಣಾಪೂರ್ವ ಸಮೀಕ್ಷೆ

ಕಾರ್ಕಳ ವಿಧಾನಸಭಾ ಕ್ಷೇತ್ರದಲ್ಲಿ ಈ ಬಾರಿ ಯಾರಿಗೆ ಗೆಲುವು..?

ಕಾರ್ಕಳ ವಿಧಾನಸಭಾ ಕ್ಷೇತ್ರ ಇಂಧನ, ಕನ್ನಡ ಮತ್ತು ಸಂಸ್ಕೃತಿ ಇಲಾಖೆ ಸಚಿವ ವಿ ಸುನಿಲ್​ ಕುಮಾರ್​ ಅವರು ಪ್ರತಿನಿಧಿಸ್ತಿರುವ ಕ್ಷೇತ್ರ.

2004ರಲ್ಲಿ ಮೊದಲ ಬಾರಿಗೆ ಸುನಿಲ್​ ಕುಮಾರ್​ ಅವರು ಕಾರ್ಕಳದಿಂದ ಶಾಸಕರಾಗಿ ಆಯ್ಕೆ ಆದರು. 2008ರಲ್ಲಿ ಸೋಲು ಕಂಡ ಸುನಿಲ್​ ಅವರು 2013, 2018ರಲ್ಲಿ ಸತತವಾಗಿ ಗೆದ್ದು ಸಿಎಂ ಬೊಮ್ಮಾಯಿ ಸರ್ಕಾರದಲ್ಲಿ ಮಂತ್ರಿಯೂ ಆದರು.

ಕಾರ್ಕಳದಲ್ಲಿ ಯಾರು ಗೆಲ್ಲಬಹುದು..?

ಕಾರ್ಕಳ ವಿಧಾನಸಭಾ ಕ್ಷೇತ್ರದಲ್ಲಿ ಈ ಬಾರಿ ಯಾರು ಗೆಲ್ಲಬಹುದು ಎಂಬ ಬಗ್ಗೆ ಲೋಕ್​ಪೋಲ್​ ಚುನಾವಣಾ ಪೂರ್ವ ಸಮೀಕ್ಷೆಯನ್ನು ಕೈಗೊಂಡಿದೆ.

ಆ ಸಮೀಕ್ಷೆಯ ಪ್ರಕಾರ ಈ ಬಾರಿ ಕಾರ್ಕಳದಲ್ಲಿ ಕಾಂಗ್ರೆಸ್​ ಗೆಲುವ ಸಾಧ್ಯತೆ ಶೇಕಡಾ 28ರಷ್ಟಿದೆ.

ಈ ಸಮೀಕ್ಷೆಯ ಪ್ರಕಾರ ಬಿಜೆಪಿ ಶಾಸಕ ಸುನಿಲ್​ ಕುಮಾರ್​ ಅವರು ಗೆಲುವ ಸಾಧ್ಯತೆ ಶೇಕಡಾ 68ರಷ್ಟಿದೆ.

ಉಳಿದವರು ಗೆಲ್ಲುವ ಸಾಧ್ಯತೆ ಈ ಕ್ಷೇತ್ರದಲ್ಲಿ ಶೇಕಡಾ 4ರಷ್ಟಿದೆ.

ಈ ಸಮೀಕ್ಷೆಯ ಪ್ರಕಾರ ಈ ಬಾರಿಯೂ ಕಾರ್ಕಳದಲ್ಲಿ ವಿ ಸುನಿಲ್​ ಕುಮಾರ್​ ಅವರೇ ಗೆಲ್ಲಲಿದ್ದಾರೆ.

ಈ ಬಾರಿ ಕಾರ್ಕಳದಲ್ಲಿ ಶ್ರೀರಾಮಸೇನೆ ಮುಖ್ಯಸ್ಥ ಪ್ರಮೋದ್​ ಮುತಾಲಿಕ್​ ಅವರು ಸ್ಪರ್ಧಿಸುತ್ತಿದ್ದಾರೆ. ಆದರೆ ಸಮೀಕ್ಷೆಯ ಪ್ರಕಾರ ವಿ ಸುನಿಲ್​ ಕುಮಾರ್​ ಅವರಿಗೆ ಹಿನ್ನಡೆ ಆಗುವ ಸಾಧ್ಯತೆ ಇಲ್ಲ.

ಕಾಂಗ್ರೆಸ್​ ಇನ್ನೂ ಈ ಕ್ಷೇತ್ರಕ್ಕೆ ಅಧಿಕೃತವಾಗಿ ಅಭ್ಯರ್ಥಿಯನ್ನು ಅಂತಿಮಗೊಳಿಸಿಲ್ಲ.