ನಾಳೆಯಿಂದ ದುಬಾರಿ ದುನಿಯಾ : ಅಗತ್ಯ ಸೇವೆಗಳ ಮೇಲೆ ಜಿಎಸ್​ಟಿ

ಅಗತ್ಯ ವಸ್ತುಗಳ ಮೇಲಿನ ಜಿಎಸ್​ಟಿ ಹೆಚ್ಚಳದ ಆದೇಶ ಸೋಮವಾರ ಜುಲೈ 18 ರಿಂದ ಜಾರಿಗೆ ಬರಲಿದೆ. ಆ ಮೂಲಕ ದೈನಂದಿನ ಅತ್ಯಗತ್ಯ ವಸ್ತುಗಳ ಬೆಲೆ ಮತ್ತಷ್ಟು ಬೆಲೆ ಹೆಚ್ಚಳಗೊಳ್ಳಲಿವೆ.

ದಿನಬಳಕೆಯ ವಿವಿಧ ವಸ್ತುಗಳ ಮತ್ತು ಹಲವು ಸೇವೆಗಳ ಮೇಲೆ ಜೆಎಸ್​ಟಿ ಜಾರಿ ಮಾಡುವ ಹಾಗೂ ಮತ್ತಷ್ಟು ಹೆಚ್ಚಿಸುವ ಜಿಎಸ್​​ಟಿ ಮಂಡಳಿಯ ನಿರ್ಧಾರ ಸೋಮವಾರದಿಂದ ಜಾರಿಯಾಗಲಿದೆ.

ಈಗಾಗಲೇ ದಯನಂದಿನ ಅಗತ್ಯ ವಸ್ತುಗಳ ಬೆಲೆ ಏರಿಕೆಯಿಂದ ಜನ ಸಾಮಾನ್ಯ ತತ್ತರಿಸುತ್ತಿದ್ದಾನೆ. ಇದರ ನಡುವೆ, ಕೇಂದ್ರ ಸರ್ಕಾರದ ಈ ನಿರ್ಧಾರ ಬಡ ಹಾಗೂ ಮಧ್ಯಮ ವರ್ಗದವರ ಮೇಲೆ ಬರೆ ಎಳೆದಂತಾಗಿದೆ.

ಯಾವ ವಸ್ತುಗಳು ದುಬಾರಿ :

• ಪ್ಯಾಕ್ ಮಾಡಿದ ಮೊಸರು, ಪನ್ನೀರ್, ಜೇನುತುಪ್ಪ, ಮೀನು, ಮಾಂಸ, ಬೆಲ್ಲ, ಒಣಗಿಸಿದ ತರಕಾರಿ, ಗೋಧಿ, ಮಂಡಕ್ಕಿ ಹಾಗೂ ಸಾವಯವ ಗೊಬ್ಬರಗಳು.
• ಭೂಪಟ, ಚಾರ್ಟ್ಸ್, ಅಟ್ಲಾಸ್, ಸೋಲಾರ್ ವಾಟರ್ ಹೀಟರ್, ಮದ್ರಣ, ಬರಹ/ಚಿತ್ರಕಲೆಯ ಇಂಕ್, ಎಲ್​ಇಡಿ ಬಲ್ಪ್, ಎಲ್​ಇಡಿ ಲ್ಯಾಂಪ್ಗಳು.
• ಚರ್ಮದ ಸಿದ್ಧ ಉತ್ಪನ್ನಗಳು, ಟೈಲರಿಂಗ್, ಜವಳಿ ಸೇವೆಗಳು, ಚೆಕ್​ಬುಕ್, ಅಂಚೆ ಇಲಾಖೆ ಸೇವೆಗಳು, 10 ಗ್ರಾಂ.ಗಿಂತ ಕಡಿಮೆ ಇರುವ ಲಕೋಟೆ.
• ನಿತ್ಯದ ಬಾಡಿಗೆ 1000 ರೂ.ಗಳಿಗಿಂತ ಕಡಿಮೆ ಇರುವ ಹೋಟೆಲ್​ ಬಾಡಿಗೆಗೂ ಶೇ.12 ರಷ್ಟು ತೆರಿಗೆ ಜಾರಿ.
• ನಿತ್ಯ 5 ಸಾವಿರ ರೂ.ಗಿಂತ ಹೆಚ್ಚಿನ ಶುಲ್ಕ ಇರುವ ಐಸಿಯು ಹೊರತುಪಡಿಸಿದ ಆಸ್ಪತ್ರೆ ಕೊಠಡಿಗಳ ಬಿಲ್​ಗೆ ಶೇ 5 ರಷ್ಟು ಜಿಎಸ್​ಟಿ.
• ಉದ್ಯಮ ಸಂಸ್ಥೆಗಳು ತಮ್ಮ ಕಟ್ಟಡಗಳನ್ನು ಬಾಡಿಗೆ ನೀಡಿದ್ದರೆ. ಅದಕ್ಕೆ, ಇಲ್ಲಿಯವರೆ ಇದ್ದ ವಿನಾಯಿತಿ ರದ್ದು.
• ಬ್ಲಡ್ ಬ್ಯಾಂಕ್​ಗಳಿಗೆ ಇಲ್ಲಿಯವರೆಗೆ ನೀಡಲಾಗಿದ್ದ ತೆರಿಗೆ ವಿನಾಯಿತಿ ರದ್ದು.

ಈಗಾಗಲೇ ಕರ್ನಾಟಕ ಹಾಲು ಉತ್ಪಾದಕ ಮಹಾ ಮಂಡಳಿ ತನ್ನ ಉತ್ಪನ್ನಗಳಿಗೆ ದರೆ ಹೆಚ್ಚಿಸಿ ಆದೇಶ ಹೊರಡಿಸಿದೆ. ನೂತನ ಪರಿಷ್ಕೃತ ದರ ಸೋಮವಾರದಿಂದ ಜಾರಿಗೆ ಬರಲಿದೆ.