BJP: ಮತ್ತೋರ್ವ ಹಿರಿಯ ಬಿಜೆಪಿ ನಾಯಕನ CD ಬಹಿರಂಗ – ರಾಜಕೀಯದಲ್ಲಿ ಸಂಚಲನ

ಎರಡು ಬಾರಿ ಲೋಕಸಭಾ ಸಂಸದರಾಗಿದ್ದ ಮತ್ತು ಮಹಾರಾಷ್ಟ್ರ ಬಿಜೆಪಿ ಉಪಾಧ್ಯಕ್ಷ (Maharastra BJP) ಕಿರಿಟ್​ ಸೋಮಯ್ಯ (Kirit Somaiya) ಅವರ ಖಾಸಗಿ ವೀಡಿಯೋವೊಂದು ಬಹಿರಂಗವಾಗಿದೆ.

ಬೇರೆ ಮಹಿಳೆಯೊಂದಿಗೆ ಖಾಸಗಿಯಾಗಿ ಅನಪೇಕ್ಷಿತ ರೀತಿಯಲ್ಲಿ ಬಿಜೆಪಿ ನಾಯಕ ಇರುವ ವೀಡಿಯೋವನ್ನು ಮರಾಠಿ ವಾಹಿನಿ ಲೋಕಶಾಹಿ ಪ್ರಸಾರ ಮಾಡಿದೆ.

ಕಿರಿಟ್​ ಸೋಮಯ್ಯ (Kirit Somaiya Video) ಅವರ ಖಾಸಗಿ ವೀಡಿಯೋ ಬಹಿರಂಗ ಮಹಾರಾಷ್ಟ್ರದಲ್ಲಿ ರಾಜಕೀಯ ಸಂಚಲನ ಸೃಷ್ಟಿಸಿದೆ.

ಸೋಮಯ್ಯ ಅವರು ಮಹಾರಾಷ್ಟ್ರದಲ್ಲಿ ಬಿಜೆಪಿ ಜೊತೆ ಸರ್ಕಾರ ರಚನೆಗೆ ಸೇರಿಕೊಂಡಿರುವ ಮುಖ್ಯಮಂತ್ರಿ ಏಕನಾಥ್​ ಶಿಂಧೆ (CM Eknath Shinde) ಬಣದಲ್ಲಿರುವ ಶಿವಸೇನೆ ನಾಯಕರು ಮತ್ತು ಅಜಿತ್​ ಪವಾರ್ (Ajit Pawar)​ ಅವರ ಜೊತೆಗೆ ಗುರುತಿಸಿಕೊಂಡಿರುವ ಎನ್​ಸಿಪಿ ನಾಯಕರ ಭ್ರಷ್ಟಾಚಾರದ ವಿರುದ್ಧ ಈ ಹಿಂದೆ ಸ್ಫೋಟಕ ದಾಖಲೆಗಳನ್ನು ಬಿಡುಗಡೆ ಮಾಡಿದ್ದಲ್ಲದೇ, ಜಾರಿ ನಿರ್ದೇಶನಾಲಯದಿಂದ ತನಿಖೆಗೂ ಕಾರಣವಾಗಿದ್ದರು.

ಅಜಿತ್​ ಪವಾರ್​ ಬಣ ಬಿಜೆಪಿ ಸರ್ಕಾರದ ಭಾಗವಾದ ಕೆಲವೇ ದಿನಗಳಲ್ಲಿ ಕಿರಿಟ್​ ಸೋಮಯ್ಯ ಖಾಸಗಿ ವೀಡಿಯೋ ಬಹಿರಂಗವಾ್ಗಿದೆ.

ಕಿರಿಟ್​ ಸೋಮಯ್ಯ ಅವರ ಬಳಿಕ ಹಲವು ರಾಜಕಾರಣಿಗಳ ಸಂಪತ್ತಿನ ಕುರಿತಾದ ಮಹತ್ವದ ದಾಖಲೆಗಳೂ ಇರುವ ಹಿನ್ನೆಲೆಯಲ್ಲಿ ಸಿಡಿ ಬಹಿರಂಗ ಮತ್ತಷ್ಟು ಮಹತ್ವ ಪಡೆದಿದೆ.

ಮಹಾರಾಷ್ಟ್ರ ವಿಧಾನಸಭೆಯ ಅಧಿವೇಶನ ಆರಂಭದ ಹೊತ್ತಲ್ಲೇ ಸಿಡಿ ಬಹಿರಂಗಪಡಿಸಿದ್ದರ ಹಿಂದೆ ಪಿತೂರಿ ಇದೆ ಎಂದು ಕಿರಿಟ್​ ಸೋಮಯ್ಯ ಆರೋಪಿಸಿದ್ದಾರೆ.