ಮಾಜಿ ಡಿಸಿಎಂ, ಕಾಂಗ್ರೆಸ್​ ನಾಯಕ ವಿಚ್ಛೇಧನ

ರಾಜಸ್ಥಾನ ಕಾಂಗ್ರೆಸ್​​ನ ಮಾಜಿ ಅಧ್ಯಕ್ಷ ಮತ್ತು ಯುವ ಕಾಂಗ್ರೆಸ್​ ನಾಯಕ ಸಚಿನ್​ ಪೈಲಟ್​ ಅವರು ತಮ್ಮ ಪತ್ನಿ ಸಾರಾ ಅಬ್ದುಲ್ಲಾ  ಅವರಿಗೆ ವಿಚ್ಛೇಧನ ನೀಡಿದ್ದಾರೆ.

ಸಾರಾ ಅಬ್ದುಲ್ಲಾ ಅವರಿಗೆ ವಿಚ್ಛೇಧನ ನೀಡಿರುವ ಬಗ್ಗೆ ವಿಧಾನಸಭಾ ಚುನಾವಣೆಯಲ್ಲಿ ಸ್ಪರ್ಧಿಸುತ್ತಿರುವ ಹಿನ್ನೆಲೆಯಲ್ಲಿ ಚುನಾವಣಾ ಆಯೋಗಕ್ಕೆ ಸಲ್ಲಿಸಿರುವ ಪ್ರಮಾಣಪತ್ರದಲ್ಲಿ ಸಚಿನ್​ ಪೈಲಟ್​ ಘೋಷಿಸಿಕೊಂಡಿದ್ದಾರೆ.

2004ರಲ್ಲಿ ಪೈಲಟ್​ ಅವರು ಜಮ್ಮು ಕಾಶ್ಮೀರದ ಮಾಜಿ ಮುಖ್ಯಮಂತ್ರಿ ಫಾರೂಕ್​ ಅಬ್ದುಲ್ಲ ಅವರ ಪುತ್ರಿ ಸಾರಾ ಅಬ್ದುಲ್ಲ ಅವರನ್ನು ಮದುವೆ ಆಗಿದ್ದರು. ಇವರಿಗೆ ಅರಾನ್​ ಮತ್ತು ವಿಹಾನ್​ ಎಂಬ ಹೆಸರಿನ ಇಬ್ಬರು ಮಕ್ಕಳಿದ್ದಾರೆ.

ಚುನಾವಣಾ ಆಯೋಗಕ್ಕೆ ಸಲ್ಲಿಸಿರುವ ಪ್ರಮಾಣಪತ್ರದಲ್ಲಿ ಪತಿ ಅಥವಾ ಪತ್ನಿ ಬಗ್ಗೆ ತಿಳಿಸಬೇಕಿರುವ ಕಲಂನಲ್ಲಿ 46 ವರ್ಷದ ಸಚಿನ್​ ಪೈಲಟ್​ ಅವರು ವಿಚ್ಛೇಧಿತ ಎಂದು ಮಾಹಿತಿ ನೀಡಿದ್ದಾರೆ,

ಈ ಮೂಲಕ ಇದೇ ಮೊದಲ ಬಾರಿಗೆ ವಿಚ್ಛೇಧನದ ಬಗ್ಗೆ ಸಚಿನ್​ ಪೈಲಟ್​ ಘೋಷಿಸಿಕೊಂಡಿದ್ದಾರೆ.