ಸ್ವಚ್ಛ ನೋಟು ನೀತಿಯಡಿಯಲ್ಲಿ ಆರ್ಬಿಐ 2 ಸಾವಿರ ರೂಪಾಯಿ ನೋಟನ್ನು ವಾಪಸ್ ಪಡೆದಿದೆ. ಸೆಪ್ಟೆಂಬರ್ 30ರೊಳಗೆ 2 ಸಾವಿರ ರೂಪಾಯಿ ಮುಖಬೆಲೆಯ ನೋಟನ್ನು ಬ್ಯಾಂಕ್ ಖಾತೆಯಲ್ಲಿ ಜಮೆ ಮಾಡಲು ಅಥವಾ ಬೇರೆ ನೋಟುಗಳನ್ನು ಪಡೆದುಕೊಳ್ಳಲು ಅವಕಾಶ ನೀಡಲಾಗಿದೆ.
ಆದರೆ 2 ಸಾವಿರ ರೂಪಾಯಿ ಮುಖಬೆಲೆಯ ನೋಟನ್ನು ಬದಲಾಯಿಸಿಕೊಳ್ಳಲು ಆರ್ಬಿಐ ಮಿತಿ ಹೇರಿದ್ದು, 20 ಸಾವಿರ ರೂಪಾಯಿ ಮಿತಿ ಹೇರಿದೆ. ಅಂದರೆ ಒಬ್ಬರಿಗೆ 20 ಸಾವಿರ ರೂಪಾಯಿವರೆಗೆ ಮಾತ್ರ 2 ಸಾವಿರ ಮುಖಬೆಲೆಯ ನೋಟುಗಳ ಜಮೆ ಅಥವಾ ಬದಲಾವಣೆಗೆ ಅವಕಾಶ ನೀಡಲಾಗಿದೆ.
ಮೇ 23ರಿಂದ ಬ್ಯಾಂಕ್ಗಳಲ್ಲಿ ಜಮೆ ಅಥವಾ ಬೇರೆ ನೋಟುಗಳಿಗೆ ಬದಲಾವಣೆ ಮಾಡಿಕೊಳ್ಳಬಹುದು.
ಆರ್ಬಿಐ ನೀಡಿರುವ ಮಾಹಿತಿ ಪ್ರಕಾರ 2018-19ರ ಆರ್ಥಿಕ ವರ್ಷದಿಂದಲೇ 2 ಸಾವಿರ ನೋಟುಗಳ ಮುದ್ರಣವನ್ನು ನಿಲ್ಲಿಸಲಾಗಿದೆ.
ಆರ್ಬಿಐ ಮಾಹಿತಿ ಪ್ರಕಾರ 2018ರ ಮಾರ್ಚ್ 31ರ ವೇಳೆ 2 ಸಾವಿರ ರೂಪಾಯಿ ಮುಖಬೆಲೆ ನೋಟುಗಳ ಚಲಾವಣೆಯ ಒಟ್ಟು ಮೊತ್ತ – 6 ಲಕ್ಷದ 73 ಸಾವಿರ ಕೋಟಿ ರೂಪಾಯಿಯಷ್ಟು ಅಂದರೆ ಒಟ್ಟು ನಗದು ಚಲಾವಣೆಯಲ್ಲಿ (ಶೇಕಡಾ 31ರಷ್ಟು).
ಈಗ ಈ ನೋಟಿನ ಚಲಾವಣೆಯ ಪ್ರಮಾಣ ಮಾರ್ಚ್ 31ರ ವೇಳೆಗೆ 3 ಲಕ್ಷದ 42 ಸಾವಿರ ಕೋಟಿ ರೂಪಾಯಿಯಷ್ಟಿದೆ.
