ಕರ್ನಾಟಕ ವಿಧಾನಸಭಾ ಚುನಾವಣೆ – ಕಾರವಾರ ವಿಧಾನಸಭಾ ಕ್ಷೇತ್ರ ಸಮೀಕ್ಷೆ

Karnataka Election
Karnataka Election
ಕಾರವಾರ  ವಿಧಾನಸಭಾ ಕ್ಷೇತ್ರ: Karwar Assembly Constituency 
ಉತ್ತರ ಕನ್ನಡ ಜಿಲ್ಲೆಯಲ್ಲಿ ಬರುವ ವಿಧಾನಸಭಾ ಕ್ಷೇತ್ರ. ಉತ್ತರ ಕನ್ನಡ ಜಿಲ್ಲೆಯ ಕೇಂದ್ರ ಸ್ಥಾನ ಕೂಡಾ ಹೌದು.

2018ರ ಫಲಿತಾಂಶ: 2018 Karwar Assembly Result

ಬಿಜೆಪಿ ಅಭ್ಯರ್ಥಿ ಆಗಿದ್ದ ರೂಪಾಲಿ ನಾಯ್ಕ್​ (Roopali Santosh Naik) ಅವರು 60,339 (ಶೇಕಡಾ 38.3) ಮತಗಳನ್ನು ಪಡೆದು ಮೊದಲ ಬಾರಿಗೆ ಶಾಸಕಿಯಾಗಿ ವಿಧಾನಸಭೆ ಪ್ರವೇಶಿಸಿದ್ದರು.

ಜೆಡಿಎಸ್​ನಿಂದ ಸ್ಪರ್ಧಿಸಿದ್ದ ಮಾಜಿ ಸಚಿವ ಆನಂದ್​ ಅಸ್ನೋಟಿಕರ್​ (Anand Vasant Asnotikar) 46,275 (ಶೇಕಡಾ 29.3) ಮತಗಳನ್ನು ಪಡೆದು ಸೋಲು ಅನುಭವಿಸಿದ್ದರು.

ಈ ಕ್ಷೇತ್ರದಲ್ಲಿ ಕಾಂಗ್ರೆಸ್​ ಅಭ್ಯರ್ಥಿ ಸತೀಶ್​ ಕೃಷ್ಣ ಸೈಲ್ (Santeesh Sail Krishna)​ 45,071 (ಶೇಕಡಾ 28.6) ಮತಗಳನ್ನು ಪಡೆದು ಮೂರನೇ ಸ್ಥಾನದಲ್ಲಿದ್ದರು. ಎರಡನೇ ಸ್ಥಾನದಲ್ಲಿದ್ದ ಆನಂದ್​ ಅಸ್ನೋಟಿಕ್​ ಮತ್ತು ಸತೀಶ್​ ಸೈಲ್​ ನಡುವಿನ ಮತಗಳ ಅಂತರ ಕೇವಲ 1,204.

2018ರಲ್ಲಿ ಚಲಾವಣೆ ಆದ ಮತಗಳು:

ಒಟ್ಟು ಮತದಾರರು: 2,16,020. ಚಲಾವಣೆ ಆದ ಮತಗಳು: 1,57,739 (74.1%). ನೋಟಾ ಮತಗಳ ಸಂಖ್ಯೆ: 2,359 (1.1%). ಈ ಕ್ಷೇತ್ರ ಮಹಿಳಾ ಮತದಾರರ ಸಂಖ್ಯೆ ಸಾವಿರದಷ್ಟು ಹೆಚ್ಚಿದೆ.

ಮೂರು ಬಾರಿ ಎರಡು ಪಕ್ಷಗಳ ಗೆಲುವು:

2008ರಲ್ಲಿ ಈ ಕ್ಷೇತ್ರದಲ್ಲಿ ಕಾಂಗ್ರೆಸ್​ ಟಿಕೆಟ್​ನಿಂದ ಗೆದ್ದಿದ್ದ ಆನಂದ್​ ಅಸ್ನೋಟಿಕ್​ ಆಗ ಮುಖ್ಯಮಂತ್ರಿ ಆದ ಯಡಿಯೂರಪ್ಪ ನಡೆಸಿದ್ದ ಆಪರೇಷನ್​ ಕಮಲದಲ್ಲಿ ಬಿಜೆಪಿ ಸೇರಿದ್ದರು. 2013ರಲ್ಲಿ ಬಿಜೆಪಿಯಲ್ಲಿ ಸ್ಪರ್ಧಿಸಿ ಸೋತ ಆನಂದ್​ ಅಸ್ನೋಟಿಕರ್​ ಆ ಬಳಿಕ ಜೆಡಿಎಸ್​​ಗೆ ಸೇರಿದರು.

2013ರಲ್ಲಿ ಅಸ್ನೋಟಿಕ್​ ವಿರುದ್ಧ 36 ಸಾವಿರ ಮತಗಳ ಅಂತರದಿಂದ ಪ್ರಚಂಡ ಜಯಗಳಿಸಿ ಶಾಸಕರಾಗಿದ್ದ ಕಾಂಗ್ರೆಸ್​ನ ಸತೀಶ್​ ಸೈಲ್​ 2018ರಲ್ಲಿ ಸೋತರು.

ಜಾತಿ ಲೆಕ್ಕಾಚಾರ:

ಒಟ್ಟು ಮತದಾರರ ಪೈಕಿ ಎಸ್​ಸಿ ಮತದಾರರು: ಶೇಕಡಾ 6, ಎಸ್​ಸಿ ಮತದಾರರು: ಶೇಕಡಾ 0.91

ಯಾರು ಟಿಕೆಟ್​ ಆಕಾಂಕ್ಷಿಗಳು:

ಬಿಜೆಪಿಯಿಂದ ಹಾಲಿ ಶಾಸಕಿ ರೂಪಾಲಿ ನಾಯ್ಕ್​ ಅವರಿಗೆ ಬಿಜೆಪಿ ಮತ್ತೆ ಟಿಕೆಟ್​ ನೀಡಬಹುದು. ಈ ಕ್ಷೇತ್ರದ ಮಾಜಿ ಶಾಸಕ ಗಂಗಾಧರ್​ ಭಟ್​ ಮತ್ತು ಬಿಜೆಪಿ ನಾಯಕ ನಾಗರಾಜ್​ ನಾಯಕ್,​ ಉದ್ಯಮಿಗಳಾದ ರಾಜೇಂದ್ರ ನಾಯ್ಕ್​ ಮತ್ತು ಭಾಸ್ಕರ್​ ನಾರ್ವೆಕರ್​ ಕೂಡಾ ಟಿಕೆಟ್​ ಆಕಾಂಕ್ಷಿಗಳು.

ಕಾಂಗ್ರೆಸ್​ನಿಂದ ಇವರೇ ಅಭ್ಯರ್ಥಿ:
ಕಾಂಗ್ರೆಸ್​ನಿಂದ ಮಾಜಿ ಶಾಸಕ ಸತೀಶ್​ ಸೈಲ್​ ಅವರಿಗೆ ಟಿಕೆಟ್​ ಸಿಗುವ ನಿರೀಕ್ಷೆ ಇದೆ. ಉದ್ಯಮಿ ಗೋಪಾಲಕೃಷ್ಣ ನಾಯಕ್​ ಕೂಡಾ ಟಿಕೆಟ್​ ಆಕಾಂಕ್ಷಿ. ಆದರೆ ಸತೀಶ್​ ಸೈಲ್​ ಅವರು ಪಕ್ಷ ಸಂಘಟನೆಯಲ್ಲಿ ಚುರುಕಾಗಿದ್ದಾರೆ.
ಜೆಡಿಎಸ್​ ಬಿಡ್ತಾರಾ ಅಸ್ನೋಟಿಕರ್​..?
2018ರಲ್ಲಿ ಜೆಡಿಎಸ್​ನಿಂದ ಸ್ಪರ್ಧಿಸಿದ್ದ ಆನಂದ್​ ಅಸ್ನೋಟಿಕರ್​ ಈ ಬಾರಿ ಜೆಡಿಎಸ್​ ಬದಲು ಪಕ್ಷೇತರ ಅಭ್ಯರ್ಥಿಯಾಗಿ ಸ್ಪರ್ಧಿಸುವ ಸಾಧ್ಯತೆಯೇ ಹೆಚ್ಚಿದೆ. ತಮ್ಮದೇ ವರ್ಚಸ್ಸಿನ ಮತಗಳ ಜೊತೆಗೆ ಬಿಜೆಪಿ ಮತ್ತು ಕಾಂಗ್ರೆಸ್​ನಿಂದಲೂ ಮತ ಸೆಳೆಯುವ ಲೆಕ್ಕಾಚಾರ. ಒಂದು ವೇಳೆ ಅಸ್ನೋಟಿಕರ್​ ಪಕ್ಷೇತರ ಅಭ್ಯರ್ಥಿಯಾಗಿ ಸ್ಪರ್ಧಿಸಿದ್ರೆ ಆಗ ಈ ಕ್ಷೇತ್ರದ ಆಸೆಯನ್ನು ಜೆಡಿಎಸ್​ ಕೈಬಿಡಬೇಕಾಗುತ್ತದೆ.
ಆಡಳಿತ ವಿರೋಧಿ ಅಲೆ:
ಮೊದಲ ಬಾರಿಗೆ ಶಾಸಕರಾಗಿರುವ ರೂಪಾಲಿ ನಾಯ್ಕ್​ ಅವರಿಗೆ ಆಡಳಿತ ವಿರೋಧಿ ಅಲೆ ಕ್ಷೇತ್ರದಲ್ಲಿದೆ. ಈ ಬಾರಿ ಅವರಿಗೆ ಇದೇ ಮುಳುವಾದರೂ ಅಚ್ಚರಿಯಿಲ್ಲ.

LEAVE A REPLY

Please enter your comment!
Please enter your name here