Parliament Attack: ಐದನೇ ಆರೋಪಿ ಬಂಧನ- ಆತ ಯಾರು..?

ಸಂಸತ್​ ಭವನದ (Parliament Security Breach) ಮೇಲಾದ ದಾಳಿಗೆ ಸಂಬಂಧಿಸಿದಂತೆ ಐದನೇ ಆರೋಪಿಯನ್ನು ಬಂಧಿಸಿದ್ದಾರೆ. ಗುರುಗ್ರಾಮದಲ್ಲಿ ಅಡಗಿಕೊಂಡಿದ್ದ ಆರೋಪಿ ವಿಶಾಲ್​​ ಶರ್ಮಾ(Vishal Sharma) ನನ್ನು ಬಂಧಿಸಲಾಗಿದೆ.

ಈ ಉಳಿದ ನಾಲ್ವರು ಆರೋಪಿಗಳಿಗೆ ಆಶ್ರಯ ಕೊಟ್ಟ ಆರೋಪವಿದೆ.  ದಾಳಿಯ ಆರನೇ ಆರೋಪಿ ಲಲಿತ್​ಗಾಗಿ ಪೊಲೀಸರು ಹುಡುಕಾಟ ನಡೆಸುತ್ತಿದ್ದಾರೆ.

ಉತ್ತರಪ್ರದೇಶದ ಉನೌವ್​ ಮೂಲದ ಸಾಗರ್​ ಶರ್ಮಾ (Sagar Sharma), ಕರ್ನಾಟಕದ ಮೈಸೂರಿನ ವಿಜಯನಗರ ಮನೋರಂಜನ್​ ಡಿ (Manoranjan D) ಇವರಿಬ್ಬರೂ ಲೋಕಸಭೆಯಲ್ಲಿ ಕಲಾಪ ನಡೆಯುತ್ತಿದ್ದಾಗ ಹೊಗೆ ಸೂಸುವ ಕಡ್ಡಿಯಿಂದ ದಾಳಿ ನಡೆಸಿದರೆ, ಸಂಸತ್​ ಭವನದ ಆವರಣದಲ್ಲಿ ಹರಿಯಾಣ ಮೂಲದ ನೀಲಂ ದೇವಿ ಯಾದವ್​ (Neelam Devi Yadav) ಮತ್ತು ಅಮೋಲ್​ ಸಿಂಧೆ (Amol Shinde) ಹೊಗೆ ಸೂಸುವ ಕಡ್ಡಿಗಳಿಂದ ದಾಳಿ ನಡೆಸಿದ್ದರು.

ಇವರಲ್ಲಿ ಸಾಗರ್​ ಶರ್ಮಾ ಮತ್ತು ಮನೋರಂಜನ್​ಗೆ ವೀಕ್ಷಕರ ಗ್ಯಾಲರಿ ಪಾಸ್​ ಕೊಟ್ಟಿದ್ದು ಮೈಸೂರು-ಕೊಡಗು ಮೂಲದ ಸಂಸದ ಪ್ರತಾಪ್​ ಸಿಂಹ.