ಲಿಂಗಾಯತ, ಬ್ರಾಹ್ಮಣ ಶಾಸಕರು ಒಂದೊಂದು ಕೆಜಿ ಮಾಂಸ ತಿಂತಾರೆ – ಬಿಜೆಪಿ ನಾಯಕ ವರ್ತೂರು ಪ್ರಕಾಶ್​

ಕರ್ನಾಟಕ ವಿಧಾನಸಭಾ ಚುನಾವಣೆ ಘೋಷಣೆಗೆ ಕೆಲವೇ ದಿನಗಳು ಬಾಕಿ ಇರುವ ಬೆನ್ನಲ್ಲೇ ಬಿಜೆಪಿ ನಾಯಕ ವರ್ತೂರು ಪ್ರಕಾಶ್​ ಆಡಿರುವ ಮಾತು ಈಗ ಪಕ್ಷಕ್ಕೆ ಬಿಸಿತುಪ್ಪವಾಗುವ ಸಾಧ್ಯತೆ ಇದೆ.

ಬಿಜೆಪಿಯಲ್ಲಿರುವ ಲಿಂಗಾಯತ ಮತ್ತು ಬ್ರಾಹ್ಮಣ ನಾಯಕರು ಕೆ ಜಿಗಟ್ಟಲೆ ಮಾಂಸ ತಿಂತಾರೆ ಎಂದು ವರ್ತೂರು ಪ್ರಕಾಶ್​ ಹೇಳಿದ್ದಾರೆ.

ಕೋಲಾರದಲ್ಲಿ ಸುದ್ದಿಗೋಷ್ಠಿ ನಡೆಸುವ ವೇಳೆ ದೂರವಾಣಿಯೊಂದಿಗೆ ಮಾತಾಡುವ ವೇಳೆ ವರ್ತೂರು ಅವರು ಈ ಮಾತುಗಳನ್ನು ಆಡಿದ್ದಾರೆ.

ಈ ನಮ್ಮ ಗದಗ ಜಿಲ್ಲೆ, ಹುಬ್ಬಳ್ಳಿ ಜಿಲ್ಲೆನಲ್ಲಿ 12 ಜನ ಲಿಂಗಾಯತ ಎಂಎಲ್​ಎಗಳು ಅಣ್ತಮ್ಮಂದಿರು, ದೊಡ್ಡಪ್ಪನ ಮಕ್ಕಳು, ಚಿಕ್ಕಪ್ಪನ ಮಕ್ಕಳು.ಒಬ್ಬೊಬ್ಬ ಒಂದೊಂದು ಕೆಜಿ ತಿನ್ತಾರೆ ಸರ್​. ದೇವ್ರಾಣೆ, ನನ್​ ಜೊತೆ, ನನ್ನ ಫ್ರೆಂಡ್ಸ್​ ಅವ್ರೆಲ್ಲರೂನು.

ಒಬ್ಬ ಮಿನಿಸ್ಟರ್​ ಅವ್ನಲ್ಲ ಬ್ರಾಹ್ಮಣ ಲೇಬರ್​ ಮಿನಿಸ್ಟ್ರೇನೋ ಕಾಂಗ್ರೆಸ್​​​ನಿಂದ ಹೊಸದಾಗಿ ಬಿಜೆಪಿಗೆ ಬಂದ್ನಲ್ಲ (ಕಾರ್ಮಿಕ ಸಚಿವ ಶಿವರಾಮ್​ ಹೆಬ್ಬಾರ್​) ನನ್ನ ತಾಯಿಯಾಣೆ ಒಂದೂವರೆ ಕೆಜಿ ಮಾಂಸ ತಿನ್ತಾನೆ ಸರ್​​.

ವೆಂಕಟಸ್ವಾಮಿ ಸತ್ಯವಾಗ್ಲೂ ನಾನೇ ಸಾರ್​ ಹಾಕ್ಕೋಡುದು.

ನೀವು ಒಬ್ರೇ ಸರ್​ ದೇವ್ರಾಣೆ ಒಳ್ಳೆಯವರು

ಎಂದು ದೂರವಾಣಿಯಲ್ಲಿ ವರ್ತೂರು ಪ್ರಕಾಶ್​ ಆಡಿರುವ ಮಾತು ಸುದ್ದಿಗೋಷ್ಠಿಗೆ ವೇದಿಕೆಯಲ್ಲಿ ಹಾಕಲಾಗಿದ್ದ ಮೈಕ್​ನಲ್ಲಿ ದಾಖಲಾಗಿದೆ.

ಸಿದ್ದರಾಮಯ್ಯ ಎದುರು 50 ಸಾವಿರ ವೋಟುಗಳಿಂದ ಗೆಲ್ಲಲಿಲ್ಲ ಅಂದ್ರೆ ನಿಮಗೆ ಮುಖ ತೋರಿಸಲ್ಲ ಸಾರ್​ ನಾನು

ಎಂದು ದೂರವಾಣಿಯಲ್ಲಿ ವರ್ತೂರು ಪ್ರಕಾಶ್​ ಮಾತಾಡಿದ್ದಾರೆ.