ಬೂಮ್ರಾ ಬಿರುಗಾಳಿಗೆ ಪಾಕಿಸ್ತಾನ ಥಂಡಾ – ಭಾರತಕ್ಕೆ 2ನೇ ಗೆಲುವು

ವೇಗಿ ಜಸ್ಪ್ರೀತ್​ ಬೂಮ್ರಾ ಬಿರುಗಾಳಿಗೆ ತತ್ತರಿಸಿದ ಪಾಕಿಸ್ತಾನ ತಂಡ ಭಾರತದ ವಿರುದ್ಧ ಸೋಲು ಕಂಡಿದೆ. ಅಮೆರಿಕದ ನ್ಯೂಯಾರ್ಕ್​ನಲ್ಲಿ ನಡೆದ ಟಿ-ಟ್ವೆಂಟಿ ವಿಶ್ವಕಪ್​ನ ಪಂದ್ಯದಲ್ಲಿ ಭಾರತ ತಂಡ ಪಾಕಿಸ್ತಾನವನ್ನು 6 ರನ್​ಗಳ ಅಂತರದಿಂದ ಸೋಲಿಸಿದೆ.

ಮೊದಲು ಬ್ಯಾಟ್​ ಮಾಡಿದ ಭಾರತ 19 ಓವರ್​ಗೆ 119 ರನ್​ಗೆ ಆಲೌಟಾಯ್ತು. ಪಾಕಿಸ್ತಾನ 20 ಓವರ್​ಗಳಲ್ಲಿ 7 ವಿಕೆಟ್​ ನಷ್ಟಕ್ಕೆ 113 ರನ್​ ಗಳಿಸ್ತು.

ಗುರಿ ಬೆನ್ನತ್ತಿದ್ದ ಪಾಕಿಸ್ತಾನ ಉತ್ತಮ ಆರಂಭದೊಂದಿಗೆ ಗೆಲುವಿನ ವಿಶ್ವಾಸದಲ್ಲಿತ್ತು. ಆದರೆ ಬೂಮ್ರಾ ಮತ್ತು ಹಾರ್ದಿಕ್​ ಪಾಂಡ್ಯ ಮಾರಕ ದಾಳಿಗೆ ಪಾಕಿಸ್ತಾನ ಸೋಲು ಅನುಭವಿಸ್ತು.

4 ಓವರ್​ನಲ್ಲಿ ಕೇವಲ 14 ರನ್​ ನೀಡಿದ ಬೂಮ್ರಾ 3 ವಿಕೆಟ್​ ಕಬಳಿಸಿ ಪಾಕಿಸ್ತಾನದ ಪತನಕ್ಕೆ ಕಾರಣವಾದರು. ಹಾರ್ದಿಕ್​ ಪಾಂಡ್ಯ 24 ರನ್​ ನೀಡಿ 2 ವಿಕೆಟ್​ ಕಬಳಿಸಿದರು.

ಪಾಕಿಸ್ತಾನ ಪರ ಮೊಹಮ್ಮದ್​ ರಿಜ್ವಾನ್​ 44 ಬಾಲ್​ಗೆ 31 ರನ್​ ಗಳಿಸಿದರೆ ಭಾರತದ ಪರ ರಿಷಭ್​ ಪಂತ್​ 31 ಬಾಲ್​ಗೆ 42 ರನ್​ ಗಳಿಸಿದರು.

ಈ ಮೂಲಕ ಗ್ರೂಪ್​ ಎನಲ್ಲಿರುವ ಭಾರತ ಸತತ 2ನೇ ಗೆಲುವು ದಾಖಲಿಸಿದೆ. ನೆದರ್ಲೆಂಡ್​ ವಿರುದ್ಧ ಭಾರತ 8 ವಿಕೆಟ್​ಗಳ ಗೆಲುವು ಸಾಧಿಸಿತ್ತು.

ಪಾಕಿಸ್ತಾನ 2ನೇ ಸೋಲು ಕಂಡಿದ್ದು, ಸೂಪರ್​ ಓವರ್​ನಲ್ಲಿ ಅಮೆರಿಕ ವಿರುದ್ಧ ಸೋತಿತ್ತು.