Election: BJP ಶಾಸಕ ಯತ್ನಾಳ್​ಗೆ ಮುಖಭಂಗ – ಕಾಂಗ್ರೆಸ್​ ತೆಕ್ಕೆಗೆ ಮೇಯರ್​, ಉಪಮೇಯರ್​ ಹುದ್ದೆ

ವಿಜಯಪುರ ಮಹಾನಗರ ಪಾಲಿಕೆ ಚುನಾವಣೆಯಲ್ಲಿ ಕಾಂಗ್ರೆಸ್​ ಗೆದ್ದಿದ್ದು, ಬಿಜೆಪಿ ಭಾರೀ ಮುಖಭಂಗ ಅನುಭವಿಸಿದೆ.

ಪಾಲಿಕೆ ಮೇಯರ್​ ಆಗಿ ಕಾಂಗ್ರೆಸ್​ ಕಾರ್ಪೋರೇಟರ್​ ಮೆಹಜಬೀನ್​ ಹೊರ್ತಿ ಆಯ್ಕೆ ಆಗಿದ್ದಾರೆ.  ಉಪ ಮೇಯರ್​ ಆಗಿ ಕಾಂಗ್ರೆಸ್​ ಕಾರ್ಪೊರೇಟರ್​ ದಿನೇಶ್​ ಹಳ್ಳಿ ಆಯ್ಕೆಯಾಗಿದ್ದಾರೆ. ಮೇಯರ್​ ಸ್ಥಾನ ಸಾಮಾನ್ಯ ವರ್ಗಕ್ಕೆ ಮತ್ತು ಉಪಮೇಯರ್​ ಸ್ಥಾನ ಎಸ್​ಟಿ ವರ್ಗಕ್ಕೆ ಮೀಸಲಾಗಿತ್ತು.

ಪಾಲಿಕೆಯಲ್ಲಿ ಕಾಂಗ್ರೆಸ್​ನ  10 ಮಂದಿ ಕಾರ್ಪೋರೇಟರ್​ಗಳಿದ್ದಾರೆ. ಐವರು ಪಕ್ಷೇತರರು, AIMIM ಪಕ್ಷದ ಇಬ್ಬರು ಮತ್ತು ಜೆಡಿಎಸ್​ನ ಓರ್ವ ಕಾರ್ಪೋರೇಟರ್​ ಕಾಂಗ್ರೆಸ್​ಗೆ ಬೆಂಬಲ ಸೂಚಿಸಿದರು.

ಜೊತೆಗೆ ಸಚಿವರಾಗಿರುವ ಶಾಸಕರಾದ ಎಂ ಬಿ ಪಾಟೀಲ್, ವಿಠ್ಠಲ್ ಕಟಕದೊಂಡ, ಪರಿಷತ್ ಸದಸ್ಯರಾದ ಸುನಿಲಗೌಡ ಪಾಟೀಲ್, ಪ್ರಕಾಶ್ ರಾಥೋಡ್ ಮತಗಳ ಬೆಂಬಲದೊಂದಿಗೆ ಕಾಂಗ್ರೆಸ್​ ಮೇಯರ್​ ಮತ್ತು ಉಪಮೇಯರ್​ ಸ್ಥಾನ ಗೆದ್ದಿದೆ.

ಬಿಜೆಪಿಯ 16 ಸದಸ್ಯರು ಹಾಗೂ ವಿಜಯಪುರ ನಗರ ಶಾಸಕ ಬಸನಗೌಡ ಪಾಟೀಲ್​ ಯತ್ನಾಳ್​  ಚುನಾವಣಾ ಪ್ರಕ್ರಿಯೆ ಬಹಿಷ್ಕರಿಸಿ ಹೊರನಡೆದರು.