Govt Job Scam: ಸರ್ಕಾರಿ ಹುದ್ದೆಗಾಗಿ ಯುವತಿಯರು ಯಾರೊಂದಿಗೋ ಮಲಗಬೇಕಾಗಿದೆ – ಪ್ರಿಯಾಂಕ್​ ಖರ್ಗೆ ಸ್ಫೋಟಕ ಆರೋಪ

Priyank Kharge
ರಾಜ್ಯ ಬಿಜೆಪಿ ಸರ್ಕಾರದಲ್ಲಿ (BJP) ಸರ್ಕಾರಿ ಹುದ್ದೆ ಬೇಕಾದರೆ ಪರೀಕ್ಷೆ ಬರೆದ ಯುವತಿಯರು ಯಾರೊಂದಿಗಾದರೂ ಮಲಗಬೇಕಾದ ಪರಿಸ್ಥಿತಿ ಇದೆ ಎಂದು ಕೆಪಿಸಿಸಿ ವಕ್ತಾರ ಪ್ರಿಯಾಂಕ್​ ಖರ್ಗೆ (Priyank Kharge) ಗಂಭೀರ ಆರೋಪ ಮಾಡಿದ್ದಾರೆ.
ಈ ಮೂಲಕ ಬಿಜೆಪಿ ಸರ್ಕಾರ ವಿರುದ್ಧ ಕೇಳಿಬಂದಿರುವ ನೇಮಕಾತಿ ಹಗರಣದ ಆರೋಪಕ್ಕೆ ಹೊಸ ತಿರುವು ಸಿಕ್ಕಿದೆ.
ಕೆಪಿಸಿಸಿ ಕಚೇರಿಯಲ್ಲಿ ಸುದ್ದಿಗೋಷ್ಠಿ ನಡೆಸಿದ ಪ್ರಿಯಾಂಕ್​ಖರ್ಗೆ ಅವರು,
ನೌಕರಿಗಾಗಿ ಯುವಕರು ಲಂಚ ನೀಡಬೇಕಿದ್ದು, ಯುವತಿಯರು ಯಾರೊಂದಿಗಾದರೂ ಮಲಗಬೇಕಾದ ಪರಿಸ್ಥಿತಿ ಇದೆ. ಇದು ಲಂಚ ಮತ್ತು ಮಂಚದ ಸರ್ಕಾರ ಎಂದು ಪ್ರಿಯಾಂಕ್​ ಖರ್ಗೆ ಆರೋಪಿಸಿದ್ದಾರೆ.
ಕೆಪಿಟಿಸಿಎಲ್​ನಲ್ಲಿ 1,492 ಹುದ್ದೆಗಳಿಗೆ ನೇಮಕಾತಿ ನಡೆಯುತ್ತಿದೆ. ಸ್ಮಾರ್ಟ್​​ ವಾಚ್​ ಬಳಸಿ ಪರೀಕ್ಷೆ ಬರೆದ ಓರ್ವನನ್ನು ಈಗಾಗಲೇ ಗೋಕಾಕ್​ನಲ್ಲಿ ಬಂಧಿಸಲಾಗಿದೆ.
ನಮಗಿರುವ ಮಾಹಿತಿ ಪ್ರಕಾರ 600 ಹುದ್ದೆಗಳಿಗೆ ಡೀಲ್​ ಮಾಡಿಕೊಳ್ಳಲಾಗಿದೆ. 300 ಕೋಟಿ ರೂಪಾಯಿ ವ್ಯವಹಾರ ಆಗಿರುವ ಬಗ್ಗೆ ಮಾಹಿತಿ ಇದೆ. ಈ ಬಗ್ಗೆ ನ್ಯಾಯಾಂಗ ತನಿಖೆ ಆಗ್ಬೇಕು
ಎಂದು ಪ್ರಿಯಾಂಕ್​ ಖರ್ಗೆ ಆರೋಪಿಸಿದ್ದಾರೆ.

LEAVE A REPLY

Please enter your comment!
Please enter your name here