WhatsApp: ಉತ್ತರಪ್ರದೇಶ CM ಯೋಗಿ ಆದಿತ್ಯನಾಥ್​ ಬಗ್ಗೆ ಅವಹೇಳನ – ವಾಟ್ಸಾಪ್​ ಗ್ರೂಪ್​ ಅಡ್ಮಿನ್​ ಬಂಧನ

ಉತ್ತರಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್​ ಅವರ ಬಗ್ಗೆ ಅವಹೇಳನಕಾರಿ ಪೋಸ್ಟ್​ ಹಾಕಿದ್ದರ ಸಂಬಂಧ ವಾಟ್ಸಾಪ್​ ಗ್ರೂಪ್​ ಅಡ್ಮಿನ್​ನನ್ನು ಬಂಧಿಸಲಾಗಿದೆ.

ವಾಟ್ಸಾಪ್​ ಗ್ರೂಪ್​ನಲ್ಲಿ ಪೋಸ್ಟ್​ ಹಾಕಿದ್ದ ವ್ಯಕ್ತಿಗಾಗಿ ಪೊಲೀಸರು ಹುಡುಕಾಟ ಮಾಡುತ್ತಿದ್ದಾರೆ. 

ಮುಖ್ಯಮಂತ್ರಿಗಳ ಬಗ್ಗೆ ವಾಟ್ಸಾಪ್​ ಗ್ರೂಪ್​ನಲ್ಲಿ ಅವಹೇಳನಕಾರಿಯಾಗಿ ಪೋಸ್ಟ್​ ಮಾಡಿದ್ದರ ಬಗ್ಗೆ ಆಗಸ್ಟ್​ 4ರಂದು ಟ್ವಿಟ್ಟರ್​ನಲ್ಲಿ ಪೊಲೀಸರಿಗೆ ದೂರು ಸಲ್ಲಿಕೆಯಾಗಿತ್ತು.

ಈ ಹಿನ್ನೆಲೆಯಲ್ಲಿ ಗ್ರೂಪ್​ ಅಡ್ಮಿಲ್​ ಶಹಬುದ್ದೀನ್​ ಅನ್ಸಾರಿಯನ್ನು ಬಂಧಿಸಲಾಗಿದೆ. ಪೋಸ್ಟ್​​ ಹಾಕಿದ್ದ ಅನ್ಸಾರಿ ಹೆಸರಿನ ಮತ್ತೋರ್ವನಿಗಾಗಿ ಪೊಲೀಸರು ಶೋಧ ಕೈಗೊಂಡಿದ್ದಾರೆ. 

ನಗರ ಪಾಲಿಕ ಪರಿಷತ್​ ಭದೋಯಿ ಹೆಸರಲ್ಲಿ ವಾಟ್ಸಾಪ್​ ಗ್ರೂಪ್​ ಮಾಡಲಾಗಿತ್ತು. ಆ ವಾಟ್ಸಾಪ್​ ಗ್ರೂಪ್​ನಲ್ಲಿ ಪಾಲಿಕೆ ಸದಸ್ಯರೂ ಇದ್ದರು. ಸಾರ್ವಜನಿಕರಿಗೆ ತಮ್ಮ ಸಮಸ್ಯೆ ಹೇಳಿಕೊಳ್ಳಲು ಈ ಗ್ರೂಪ್​ ಮಾಡಲಾಗಿತ್ತು. ಆದರೆ ಇದು ಕಾರ್ಪೋರೇಟರ್​ಗಳ ಅಧಿಕೃತ ವಾಟ್ಸಾಪ್​ ಗ್ರೂಪ್​ ಅಲ್ಲ ಎಂದು ಪೊಲೀಸರು ಹೇಳಿದ್ದಾರೆ.