BREAKING NEWS: ವಿಜಯಮಲ್ಯಗೆ 4 ತಿಂಗಳು ಜೈಲು, 2 ಸಾವಿರ ದಂಡ – ಸುಪ್ರೀಂಕೋರ್ಟ್​ ತೀರ್ಪು

ಬ್ರಿಟನ್​ಗೆ ಓಡಿಹೋಗಿರುವ ಉದ್ಯಮಿ ವಿಜಯ್​ ಮಲ್ಯಗೆ ನ್ಯಾಯಾಂಗ ನಿಂದನೆ ಪ್ರಕರಣದಲ್ಲಿ ಸುಪ್ರೀಂಕೋರ್ಟ್​ ನಾಲ್ಕು ತಿಂಗಳು ಜೈಲು ಶಿಕ್ಷೆ ವಿಧಿಸಿದೆ.

ಜೊತೆಗೆ 2 ಸಾವಿರ ರೂಪಾಯಿ ದಂಡ ವಿಧಿಸಿದೆ.

ಅದಲ್ಲದೇ 40 ದಶಲಕ್ಷ ಡಾಲರ್​ನ್ನು ಜಮೆ ಮಾಡುವಂತೆಯೂ ಸೂಚಿಸಿದೆ.

ಎಸ್​ಬಿಐ ಸೇರಿದಂತೆ ಬ್ಯಾಂಕುಗಳಿಂದ ತೆಗೆದುಕೊಂಡಿದ್ದ ಸಾಲದಲ್ಲಿ 40 ದಶಲಕ್ಷ ಡಾಲರ್​ನಷ್ಟು ಮೊತ್ತವನ್ನು ಕಾನೂನುಬಾಹಿರವಾಗಿ ತನ್ನ ಮಕ್ಕಳ ಹೆಸರಿಗೆ ವಿಜಯ್​ ಮಲ್ಯ ವರ್ಗಾಯಿಸಿದ್ದ.

ಈತನ ವಿರುದ್ಧ 2017ರಲ್ಲಿ ಬ್ಯಾಂಕ್​ ವಂಚನೆ ಆರೋಪ ಸಾಬೀತಾಗಿತ್ತು.

8 ವಾರದೊಳಗೆ ಇಷ್ಟೂ ಮೊತ್ತವನ್ನು ಜಮೆ ಮಾಡುವಂತೆ ಇಲ್ಲವಾದಲ್ಲಿ ಮಲ್ಯಗೆ ಸಂಬಂಧಿಸಿದ ಆಸ್ತಿಗಳನ್ನು ಮುಟ್ಟುಗೋಲು ಹಾಕಿಕೊಳ್ಳಲು ಬ್ಯಾಂಕ್​ಗಳಿಗೆ ಸುಪ್ರೀಂಕೋರ್ಟ್​ ಅನುಮತಿ ನೀಡಿದೆ.

ಕೋರ್ಟ್​ ಮುಂದೆ ಹಾಜರಾಗಲು ಸೂಚಿಸಿದ್ದರೂ ಹಾಜರಾಗದೇ ವಂಚಿಸಿದ ಪ್ರಕರಣದಲ್ಲಿ ಈತನ ವಿರುದ್ಧ ನ್ಯಾಯಾಂಗ ನಿಂದನೆ ಪ್ರಕರಣ ದಾಖಲಾಗಿತ್ತು.

ಸುಪ್ರೀಂಕೋರ್ಟ್​​ ನ್ಯಾಯಮೂರ್ತಿಗಳಾದ ಯು ಯು ಲಲಿತ್​, ನ್ಯಾಯಮೂರ್ತಿ ರವೀಂದ್ರ ಭಟ್​ ಮತ್ತು ಪಿ ಎಸ್​ ನರಸಿಂಹ ಅವರಿದ್ದ ಪೀಠ ಈ ಆದೇಶ ನೀಡಿದೆ.