ದಕ್ಷಿಣ ಕನ್ನಡ: ಅನೈತಿಕ ಪೊಲೀಸ್​ಗಿರಿ – 7 ಮಂದಿ ಕಿಡಿಗೇಡಿಗಳ ಬಂಧನ

ದಕ್ಷಿಣ ಕನ್ನಡದಲ್ಲಿ ನಡೆದ ಪೊಲೀಸ್​ ಅನೈತಿಕಗಿರಿ ಸಂಬಂಧ ಏಳು ಮಂದಿಯನ್ನು ಬಂಧಿಸಲಾಗಿದೆ.

ಉಲ್ಲಾಳ ಬಸ್ತಪಡ್ಪು ನಿವಾಸಿ ಯತೀಶ್​, ಉಚ್ಚಿಲ ಮೂಲದ ನಿವಾಸಿ ಸಚಿನ್, ತಳಪಾಡಿಯ ಮೋಕ್ಷಿತ್​ ಮತ್ತು ಸುಹಾನ್​ ಎಂಬ ನಾಲ್ವರು ದುಷ್ಕರ್ಮಿಗಳನ್ನು ಉಲ್ಲಾಳ ಪೊಲೀಸರು ಬಂಧಿಸಿದ್ದಾರೆ. ಈ ನಾಲ್ವರು ಕೊಟ್ಟ ಮಾಹಿತಿಯ ಮೇರೆಗೆ ಉಳಿದ ಮೂವರನ್ನು ಬಳಿಕ ಬಂಧಿಸಲಾಗಿದೆ.​ 

ಬಂಧಿತ ನಾಲ್ವರೂ ಹಿಂದೂ ಸಂಘಟನೆಯೊಂದರ ಸದಸ್ಯರು ಎಂಬ ಮಾಹಿತಿ ಲಭ್ಯವಾಗಿದೆ.

ಇನ್ನೂ ಉಳಿದ ಮೂವರಿಗಾಗಿ ಪೊಲೀಸರು ಹುಡುಕುತ್ತಿದ್ದಾರೆ.

ಪ್ರಕರಣ ಏನು..?

ನಿನ್ನೆ ರಾತ್ರಿ ಸೋಮೇಶ್ವರ ಬೀಚ್​ನಲ್ಲಿ ದುಷ್ಕರ್ಮಿಗಳು ಅನೈತಿಕ ಪೊಲೀಸ್​ಗಿರಿ ನಡೆಸಿದ್ದರು. ಕೇರಳ ಮೂಲದ ಜಾಫರ್​ ಶರೀಫ್​, ಮುಜೀಬ್​ ಮತ್ತು ಆಶೀಕ್​ ಎಂಬ ಮೂವರು ಅರೆ ವೈದ್ಯಕೀಯ ಕಾಲೇಜಿನ ವಿದ್ಯಾರ್ಥಿಗಳ ಮೇಲೆ ಹಲ್ಲೆ ನಡೆದಿತ್ತು. ಈ ಮೂವರು ವಿದ್ಯಾರ್ಥಿಗಳು ಬೇರೆ ಧರ್ಮದ ಮೂವರು ವಿದ್ಯಾರ್ಥಿನಿಯರೊಂದಿಗೆ ಇದ್ದರು ಎಂಬ ಕಾರಣಕ್ಕೆ ದುಷ್ಕರ್ಮಿಗಳು ಹಲ್ಲೆ ನಡೆಸಿದ್ದರು.

ಪ್ರಕರಣದ ತನಿಖೆಗಾಗಿ ಎರಡು ವಿಶೇಷ ತಂಡ ರಚಿಸಲಾಗಿದೆ. ಈ ಮೂವರು ವಿದ್ಯಾರ್ಥಿನಿಯರೂ ಕೇರಳ ಮೂಲದವರಾಗಿದ್ದು ಅವರ ಮೇಲೆ ಹಲ್ಲೆ ನಡೆದಿದ್ದು ಗಾಯಗೊಂಡಿದ್ದಾರೆ ಎಂಬ ಮಾಹಿತಿ ಸಿಕ್ಕಿದೆ.