ಅಣ್ಣನ ಮಗನಿಗೆ ಶರದ್​ ಪವಾರ್​ ಆಘಾತ – ಮಗಳು ಸುಪ್ರಿಯಾ ಸುಳೆ ತೆಕ್ಕೆಗೆ NCP

ಮಹಾರಾಷ್ಟ್ರದಲ್ಲಿ ಮಹತ್ವದ ರಾಜಕೀಯ ಬೆಳವಣಿಗೆಯಲ್ಲಿ ಎನ್​ಸಿಪಿ (NCP) ಕಾರ್ಯಾಧ್ಯಕ್ಷರಾಗಿ ಸುಪ್ರಿಯಾ ಸುಳೆ ಮತ್ತು ಪ್ರಫುಲ್​ ಪಟೇಲ್​ ಅವರನ್ನು ನೇಮಕಗೊಂಡಿದ್ದಾರೆ.

ಕಾರ್ಯಾಧ್ಯಕ್ಷರಾಗಿ ನೇಮಿಸಿ ಎನ್​ಸಿಪಿ ಮುಖ್ಯಸ್ಥ ಶರದ್​ ಪವಾರ್​ ಅವರು ಆದೇಶ ಹೊರಡಿಸಿದ್ದಾರೆ.

ಅದರಲ್ಲೂ ಮಹಾರಾಷ್ಟ್ರದ ಉಸ್ತುವಾರಿಯಾಗಿ ಸುಪ್ರಿಯಾ ಸುಳೆ ಅವರನ್ನು ಹೊಣೆಗಾರಿಕೆ ನೀಡಿದ್ದಾರೆ.

ಮಹಾರಾಷ್ಟ್ರ, ಹರಿಯಾಣ ಮತ್ತು ಪಂಜಾಬ್​ ಜೊತೆಗೆ ಕೇಂದ್ರ ಚುನಾವಣಾ ಪ್ರಾಧಿಕಾರದ ಮುಖ್ಯಸ್ಥರನ್ನಾಗಿಯೂ ನೇಮಿಸಿದ್ದಾರೆ.  ಸುಪ್ರಿಯಾ ಸುಳೆ ಅವರು ಮೂರು ಬಾರಿ ಲೋಕಸಭಾ ಸಂಸದರಾಗಿ ಆಯ್ಕೆಯಾಗಿದ್ದಾರೆ.

ಎನ್​ಸಿಪಿ ಮಹಿಳಾ ಮತ್ತು ಯುವ ಮತ್ತು ವಿದ್ಯಾರ್ಥಿ ಘಟಕದ ಉಸ್ತುವಾರಿಯನ್ನೂ ಸುಪ್ರಿಯಾ ಸುಳೆ ಅವರಿಗೆ ನೀಡಲಾಗಿದೆ.

ಈ ಮೂಲಕ ಎನ್​ಸಿಪಿಗೆ ತಮ್ಮ ಮಗಳೇ ಮುಂದಿನ ಉತ್ತರಾಧಿಕಾರಿ ಎಂಬ ಸಂದೇಶ ರವಾನಿಸಿದ್ದಾರೆ.

ಪವಾರ್​ ಬಳಿಕ ಪಕ್ಷದ ಉತ್ತರಾಧಿಕಾರಿ ಆಗುವ ನಿರೀಕ್ಷೆಯಲ್ಲಿದ್ದ ಮತ್ತು ಬಿಜೆಪಿ ಜೊತೆ ಹೊಂದಾಣಿಕೆಗೆ ಸಿದ್ಧರಾಗಿದ್ದ ಅಣ್ಣನ ಮಗ ಅಜಿತ್​ ಪವಾರ್​ ಅವರಿಗೆ ಆಘಾತ ನೀಡಿದ್ದಾರೆ.

ಪ್ರಫುಲ್​ ಪಟೇಲ್​ ಅವರಿಗೆ ಮಧ್ಯಪ್ರದೇಶ, ಗುಜರಾತ್​, ರಾಜಸ್ಥಾನ ಮತ್ತು ಜಾರ್ಖಂಡ್​, ಗೋವಾ ಉಸ್ತುವಾರಿ ಜೊತೆಗೆ ಆರ್ಥಿಕ ವ್ಯವಹಾರಗಳ ಸಮಿತಿಯ ಹೊಣೆಗಾರಿಕೆ ನೀಡಲಾಗಿದೆ.

1999ರಲ್ಲಿ ಪಿ ಎ ಸಂಗ್ಮಾ ಅವರ ಜೊತೆಗೆ ಸೇರಿ ಕಾಂಗ್ರೆಸ್​ ನಾಯಕಿ ಸೋನಿಯಾ ಗಾಂಧಿ ವಿರುದ್ಧ ಬಂಡೆದ್ದು ಸ್ಥಾಪಿಸಿದ್ದ ಪವಾರ್​ ಅವರು ಸ್ಥಾಪಿಸಿದ್ದ ಎನ್​ಸಿಪಿಗೆ ಮುಂದಿನ ವರ್ಷ 25 ವರ್ಷ ಭರ್ತಿಯಾಗಲಿದೆ.