13 ವಿಧಾನಸಭಾ ಕ್ಷೇತ್ರಗಳಿಗೆ ಉಪ ಚುನಾವಣೆ ಘೋಷಣೆ

7 ರಾಜ್ಯಗಳ 13 ವಿಧಾನಸಭಾ ಕ್ಷೇತ್ರಗಳಿಗೆ ಭಾರತೀಯ ಚುನಾವಣಾ ಆಯೋಗ ಉಪ ಚುನಾವಣೆ ಘೋಷಿಸಿದೆ.

1. ಬಿಹಾರ – ರುಪೌಲಿ ವಿಧಾನಸಭಾ ಕ್ಷೇತ್ರ
2. ಪಶ್ಚಿಮ ಬಂಗಾಳ – ರಾಯ್​ಗಂಜ್​
3. ಪಶ್ಚಿಮ ಬಂಗಾಳ – ರಣಾಘಾಟ್​ ದಕ್ಷಿಣ್​
4. ಪಶ್ಚಿಮ ಬಂಗಾಳ – ಬಾಗ್ಡಾ
5. ಪಶ್ಚಿಮ ಬಂಗಾಳ – ಮಣಿಕ್​ಟಾಲಾ
6. ತಮಿಳುನಾಡು – ವಿಕ್ರವಂಡಿ
7. ಮಧ್ಯಪ್ರದೇಶ – ಅಮರ್​ವಾರಾ
8. ಉತ್ತರಾಖಂಡ್​ – ಬದರಿನಾಥ್​
9. ಉತ್ತರಾಖಂಡ್​ – ಮಂಗ್ಲೌರ್​
10. ಪಂಜಾಬ್​ – ಜಲಂಧರ್​ ಪಶ್ಚಿಮ
11. ಹಿಮಾಚಲಪ್ರದೇಶ – ದೆಹ್ರಾ
12. ಹಿಮಾಚಲಪ್ರದೇಶ – ಹಮಿರ್​ಪುರ್​
13. ಹಿಮಾಚಲಪ್ರದೇಶ – ನಾಳಾಘರ್​

ಜುಲೈ 10ರಂದು ಮತದಾನ ನಡೆಯಲಿದ್ದು, ಜುಲೈ 13ರಂದು ಫಲಿತಾಂಶ ಪ್ರಕಟವಾಗಲಿದೆ.

ಲೋಕಸಭಾ ಚುನಾವಣೆಯ ಬಳಿಕ ನಡೆಯುತ್ತಿರುವ ಮೊದಲ ಉಪ ಚುನಾವಣೆ ಇದಾಗಿದೆ.

ಶಾಸಕರ ರಾಜೀನಾಮೆ ಕಾರಣದಿಂದ 10 ವಿಧಾನಸಭಾ ಕ್ಷೇತ್ರಗಳಿಗೆ ಉಪ ಚುನಾವಣೆ ನಡೆಯುತ್ತಿದ್ದು, ಶಾಸಕರ ನಿಧನದ ಕಾರಣದಿಂದ 3 ಕ್ಷೇತ್ರಗಳಿಗೆ ಉಪ ಚುನಾವಣೆ ನಡೆಯುತ್ತಿದೆ.

ಹಿಮಾಚಲಪ್ರದೇಶದ ಮೂರು ಪಕ್ಷೇತರ ಶಾಸಕರು ಲೋಕಸಭಾ ಫಲಿತಾಂಶಕ್ಕೂ ಹಿಂದಿನ ದಿನ ಶಾಸಕ ಸ್ಥಾನಕ್ಕೆ ರಾಜೀನಾಮೆ ಸಲ್ಲಿಸಿದ್ದರು ಮತ್ತು ಮರು ದಿನ ಬಿಜೆಪಿಗೆ ಸೇರ್ಪಡೆಯಾಗಿದ್ದರು.

ಜೂನ್​ 4ರಂದು ಪ್ರಕಟವಾಗಿದ್ದ 6 ವಿಧಾನಸಭಾ ಕ್ಷೇತ್ರಗಳ ಉಪ ಚುನಾವಣೆಯಲ್ಲಿ 4ರಲ್ಲಿ ಕಾಂಗ್ರೆಸ್​ ಗೆದ್ದರೆ 2ರಲ್ಲಿ ಬಿಜೆಪಿ ಗೆದ್ದಿತ್ತು.

68 ಸದಸ್ಯ ಬಲದ ವಿಧಾನಸಭೆಯಲ್ಲಿ ಸದ್ಯ ಕಾಂಗ್ರೆಸ್​ 38 ಶಾಸಕರನ್ನು ಹೊಂದಿದ್ದು, ಬಿಜೆಪಿ 27 ಶಾಸಕರನ್ನು ಹೊಂದಿದೆ. 3 ಕ್ಷೇತ್ರಗಳಿಗೆ ಇವತ್ತು ಉಪ ಚುನಾವಣೆ ಘೋಷಣೆ ಆಗಿದೆ.