Mall of Asia: ರೌಡಿ ಶೀಟರ್​ ಪುನೀತ್​ ಕೆರೆಹಳ್ಳಿ ಮತ್ತು ದುಷ್ಕರ್ಮಿಗಳ ದಾಂಧಲೆ – ಎಫ್​ಐಆರ್​ ದಾಖಲು

ಬೆಂಗಳೂರಿನ (Bengaluru) ಮಾಲ್​ ಆಫ್​ ಏಷಿಯಾಕ್ಕೆ (Mall of Asia Bengaluru) ನುಗ್ಗಿ ದಾಂಧಲೆ ಎಸಗಿದ ಸಂಬಂಧ ರೌಡಿ ಶೀಟರ್​ ಪುನಿತ್​ ಕೆರೆಹಳ್ಳಿ (Puneeth Kerehalli) ವಿರುದ್ಧ ಎಫ್​ಐಆರ್​ ದಾಖಲಾಗಿದೆ.

ಕೊಡಿಗೆಹಳ್ಳಿ ಪೊಲೀಸ್​ ಠಾಣೆಯಲ್ಲಿ ದಾಖಲಾಗಿರುವ ಎಫ್​ಐಆರ್​ನಲ್ಲಿ ರೌಡಿ ಶೀಟರ್​ ಪುನಿತ್​ ಕೆರೆಹಳ್ಳಿ ಮೊದಲನೇ ಆರೋಪಿಯಾಗಿದ್ದಾನೆ.

ಈತನ ವಿರುದ್ಧ ಐಪಿಸಿ ಕಲಂಗಳಾದ 505(1),(ಬಿ),506, 341,143,298,505(2) ಅಡಿಯಲ್ಲಿ ಎಫ್​ಐಆರ್​ ದಾಖಲಾಗಿದೆ.

ಪುನೀತ್​ ಕೆರೆಹಳ್ಳಿ ಮತ್ತು ಉಳಿದ 5 ಮಂದಿ ದುಷ್ಕರ್ಮಿಗಳು ಶನಿವಾರ ಮಧ್ಯಾಹ್ನ 1.20ರ ವೇಳೆ್ಗೆ ಮಾಲ್​ ಆಫ್​ ಏಷಿಯಾಕ್ಕೆ ನುಗ್ಗಿ ದಾಂಧಲೆ ಎಬ್ಬಿಸಿದ್ದರು. ಡಿಸೆಂಬರ್​ 25 ಮತ್ತು ಡಿಸೆಂಬರ್​ 31ರಂದು ಮಾಲ್​ ಎದುರುಗಡೆ ಗಲಾಟೆ ಮಾಡುವ ಬೆದರಿಕೆ ಹಾಕಿದ್ದಾರೆ. ಪುನೀತ್​ ಕೆರೆಹಳ್ಳಿ ಮತ್ತು ಆತನೊಂದಿಗಿದ್ದ ದುಷ್ಕರ್ಮಿಗಳ ಗುಂಪು ಜೈಶ್ರೀರಾಮ್​ ಘೋಷಣೆ ಕೂಗುತ್ತಾ ಮಾಲ್​ನಲ್ಲಿದ್ದ ಗ್ರಾಹಕರಿಗೆ ಮತ್ತು ಸಿಬ್ಬಂದಿಗೆ ಹೊಡೆಯುವ ಬೆದರಿಕೆ ಹಾಕಿದ್ದಾರೆ ಎಂದು ಕೊಡಿಗೆಹಳ್ಳಿ ಠಾಣೆಯಲ್ಲಿ ದಾಖಲಾದ ದೂರಿನಲ್ಲಿ ಆರೋಪಿಸಲಾಗಿದೆ.