Rahul Gandhi: ಬೈಕ್ ಮೆಕಾನಿಕ್ ಆದ ರಾಹುಲ್ ಗಾಂಧಿ

ಎಐಸಿಸಿ ಅಗ್ರ ನಾಯಕ ರಾಹುಲ್ ಗಾಂಧಿ ಜನರೊಟ್ಟಿಗೆ ಬೆರೆಯುತ್ತಿದ್ದು, ಅವರ ಕಷ್ಟ ಸುಖಗಳಿಗೆ ದನಿಯಾಗುವ ಕೆಲಸ ಮಾಡುತ್ತಿದ್ದಾರೆ. ಜನಸಾಮಾನ್ಯರು, ಅಸಮಘಟಿತ ವಲಯದ ಕಾರ್ಮಿಕರ ಸಮಸ್ಯೆಗಳನ್ನು ಕೇಳಿ ತಿಳಿದುಕೊಳ್ಳುತ್ತಿದ್ದಾರೆ. 

ಮಂಗಳವಾರ ಸಂಜೆ ದೆಹಲಿಯ ಕರೋಲ್​ಬಾಗ್​ನಲ್ಲಿರುವ ಬೈಕ್ ಮೆಕಾನಿಕ್ ಶಾಪ್​ಗೆ ರಾಹುಲ್ ಗಾಂಧಿ ದಿಢೀರ್ ಭೇಟಿ ನೀಡಿ, ಅವರ ಸಮಸ್ಯೆಗಳನ್ನು ಆಲಿಸಿದರು. ಎರಡು ಗಂಟೆಗಳ ಕಾಲ ಅಲ್ಲಿಯೇ ಇದ್ದ ರಾಹುಲ್ ಗಾಂಧಿ ಕೆಲವು ಕ್ಷಣ ತಾವು ಕೂಡ ಬೈಕ್ ಮೆಕಾನಿಕ್ ಆದರು.

ಭಾರತವನ್ನು ನಿರ್ಮಿಸುತ್ತಿರುವುದು ಈ ಕೈಗಳು ಮತ್ತು ಈ ಬಟ್ಟೆಯ ಮೇಲಿನ ಮಸಿ.. ಈ ಕೈಗಳ ಬಗ್ಗೆ ನಮಗೆ ಹೆಮ್ಮೆಯಿದೆ.. ಈ ಕೆಲಸದ ಬಗ್ಗೆ ನಮಗೆ ಹೆಮ್ಮೆ ಇದೆ… ಭಾರತ್ ಜೋಡೋ ಯಾತ್ರೆ ಮುಂದುವರೆಯಲಿದೆ

ಎಂದು ಕಾಂಗ್ರೆಸ್ ಟ್ವೀಟ್​ ಮಾಡಿದೆ.

ತಿಂಗಳ ಹಿಂದೆ ಹರಿಯಾಣದ ಅಂಬಾಲದಿಂದ ಶಿಮ್ಲಾವರೆಗೂ ಲಾರಿಯಲ್ಲಿ ಪಯಣಿಸಿ ಲಾರಿ ಚಾಲಕ ಮತ್ತು ಕ್ಲೀನರ್​ಗಳ ಕಷ್ಟಗಳನ್ನು ತಿಳಿದುಕೊಂಡಿದ್ದರು.

ಅಮೆರಿಕಾ ಪ್ರವಾಸದಲ್ಲಿ ಭಾರತ ಮೂಲಕ ಲಾರಿ ಚಾಲಕರ ಜೊತೆ ಸಂವಾದ ನಡೆಸಿದ್ದರು. ಲಾರಿಯ ಕ್ಯಾಬಿನ್​ಗಳ ವ್ಯತ್ಯಾಸ, ಚಾಲಕ-ಕ್ಲೀನರ್ ವೇತನ, ಕೆಲಸದ ಅವಧಿ ಬಗ್ಗೆ ಕೇಳಿ ತಿಳಿದುಕೊಂಡಿದ್ದರು.