ಅಪ್ಪ PSI ಆಗಿದ್ದ ಠಾಣೆಗೆ ಈಗ ಮಗಳು PSI – ಅಪ್ಪನಿಂದಲೇ ಅಧಿಕಾರ ಹಸ್ತಾಂತರ

ಪಿಎಸ್​ಐ ಆಗಿರುವ ತಂದೆಯಿಂದಲೇ ಪಿಐಎಸ್​ ಆಗಿರುವ ಮಗಳು ಅಧಿಕಾರ ಸ್ವೀಕರಿಸಿದ್ದಾರೆ. ಮಂಡ್ಯ ಸೆಂಟ್ರಲ್​ ಪೊಲೀಸ್​ ಠಾಣೆ ಇಂಥದ್ದೊಂದು ಅಪರೂಪ ಅಧಿಕಾರ ಹಸ್ತಾಂತರಕ್ಕೆ ಸಾಕ್ಷಿಯಾಗಿದೆ.

ಪಿಎಸ್​ಐ ಆಗಿರುವ ವೆಂಕಟೇಶ್​ ಅವರು ಮಗಳು ವರ್ಷಾ ಅವರಿಗೆ ಅಧಿಕಾರ ಹಸ್ತಾಂತರ ಮಾಡಿದ್ದಾರೆ. ಪಿಎಸ್​ಐ ವೆಂಕಟೇಶ್​ ಅವರು ಎಸ್​ಪಿ ಕಚೇರಿಗೆ ವರ್ಗಾವಣೆಯಾಗಿದ್ದಾರೆ.

2022ರ ಬ್ಯಾಚ್​ನಲ್ಲಿ ಪಿಎಸ್​ಐ ಆಗಿ ನೇಮಕಗೊಂಡಿರುವ ವರ್ಷಾ ಅವರು ಕಲ್ಬುರ್ಗಿಯಲ್ಲಿ ಒಂದು ವರ್ಷ ಪ್ರೊಬೆಷನರಿ ಅವಧಿ ಮುಗಿಸಿ ಈಗ ಮಂಡ್ಯ ಸೆಂಟ್ರಲ್​ ಠಾಣೆಗೆ ವರ್ಗಾವಣೆಗೊಂಡಿದ್ದಾರೆ.

ನಿವೃತ್ತ ಸೈನಿಕ ವೆಂಕಟೇಶ್​:

ತುಮಕೂರು ಜಿಲ್ಲೆಯ ಹುಲಿಯೂರುದುರ್ಗ ಮೂಲದ ವೆಂಕಟೇಶ್​ ಅವರು 16 ವರ್ಷ ಸೇನೆಯಲ್ಲಿ ಸೇವೆ ಸಲ್ಲಿಸಿದ್ದರು. ಸೇನಾ ನಿವೃತ್ತಿ ಬಳಿಕ 2010ರಲ್ಲಿ ಪೊಲೀಸ್​ ಸಬ್​ಇನ್ಸ್​ಪೆಕ್ಟರ್​ ಆಗಿ ನೇಮಕವಾಗಿದ್ದರು. ಒಂದೂವರೆ ವರ್ಷದ ಹಿಂದೆ ಮಂಡ್ಯದ ಸೆಂಟ್ರಲ್ ಠಾಣೆಗೆ ವರ್ಗಾವಣೆಯಾಗಿದ್ದರು.