CM ಸಿದ್ದರಾಮಯ್ಯಗೆ ನಿಂದಿಸಿದ್ದ ಪ್ರವೀಣ್​ ನೆಟ್ಟಾರು – ಹಳೆ ಪೋಸ್ಟ್​ ಮತ್ತೆ ವೈರಲ್​..!

ಬಿಜೆಪಿ ಸರ್ಕಾರದ ಆಡಳಿತದ ಅವಧಿಯಲ್ಲೇ ಕೊಲೆಯಾಗಿದ್ದ ಪ್ರವೀಣ್​ ನೆಟ್ಟಾರು ಪತ್ನಿ ನೂತನ ಕುಮಾರಿಗೆ ಅನುಕಂಪದ ಆಧಾರದಲ್ಲಿ ಸರ್ಕಾರಿ ಉದ್ಯೋಗ ನೀಡಲಾಗುತ್ತದೆ ಎಂದು ಸಿಎಂ ಸಿದ್ದರಾಮಯ್ಯ ಅವರು ನಿನ್ನೆಯಷ್ಟೇ ಘೋಷಿಸಿದ್ದಾರೆ.

ಇದಾದ ಬಳಿಕ ಈಗ 2020ರಲ್ಲಿ ಆಗ ವಿರೋಧ ಪಕ್ಷದ ನಾಯಕರಾಗಿದ್ದ ಸಿದ್ದರಾಮಯ್ಯ ಅವರನ್ನು ಹಂದಿಗೆ ಹೋಲಿಸಿ ಪ್ರವೀಣ್​ ನೆಟ್ಟಾರು ನಿಂದಿಸಿರುವ ಟ್ವೀಟ್​​ ಈಗ ಮುನ್ನೆಲೆಗೆ ಬಂದಿದೆ.

ಹಂದಿಗೆ ಸ್ನಾನ ಮಾಡಿಸೋದು ಮತ್ತು ಈ @siddaramaiahಎಂಬ ಕ್ರೂರಿಗೆ ಬುದ್ದಿ ಹೇಳೋದು ಎರಡೂ ಒಂದೇ…@nalinkateel ಅವರ ಬಗ್ಗೆ ಮಾತನಾಡುವ ಮೊದಲು ನಿನ್ನ ಯೋಗ್ಯತೆ ಏನು ಅಂಥ ತಿಳ್ಕೊಳ್ಳೋ #ಅಂಡೆಪಿರ್ಕಿ_ಸಿದ್ದರಾಮ

ಎಂದು ಸಿದ್ದರಾಮಯ್ಯರನ್ನು ನಿಂದಿಸಿದ್ದರು ಪ್ರವೀಣ್​ ನೆಟ್ಟಾರು. ಅಂಡೆಪಿರ್ಕಿ ಸಿದ್ದರಾಮ ಅಂದರೆ ತಲೆಕೆಟ್ಟ ಸಿದ್ದರಾಮ ಎಂದು ನಿಂದಿಸಿ ಬಿಜೆಪಿ ರಾಜ್ಯಾಧ್ಯಕ್ಷ ನಳೀನ್​ ಕುಮಾರ್​ ಕಟೀಲ್​ರನ್ನು ಸಮರ್ಥಿಸಿಕೊಂಡಿದ್ದರು ಪ್ರವೀಣ್​ ನೆಟ್ಟಾರು.

ಬಿಜೆಪಿ ಯುವ ಮೋರ್ಚಾದಲ್ಲಿದ್ದ ಪ್ರವೀಣ್​ ಪೂಜಾರಿ ನೆಟ್ಟಾರು ಕಳೆದ ವರ್ಷ ಜೂನ್​ 26ರಂದು ಕೊಲೆಯಾಗಿದ್ದರು. 

ಪ್ರವೀಣ್​ ಪೂಜಾರಿ ಕೊಲೆಯ ಬಳಿಕ ಆಕ್ರೋಶಗೊಂಡಿದ್ದ ಬಿಜೆಪಿ ಕಾರ್ಯಕರ್ತರು ಬಿಜೆಪಿ ರಾಜ್ಯಾಧ್ಯಕ್ಷ ನಳೀನ್​ ಕುಮಾರ್​ ಕಟೀಲ್​, ಆಗ ಸಚಿವರಾಗಿದ್ದ ಸುನಿಲ್​ ಕುಮಾರ್​ ಒಳಗೊಂಡಂತೆ ಬಿಜೆಪಿ ನಾಯಕರ ಕಾರನ್ನು ತಡೆಗಟ್ಟಿ ಅಲುಗಾಡಿಸಿದ್ದರು.