ದಿವಾಳಿ ಪಾಕಿಸ್ತಾನದಲ್ಲಿ ವಿದ್ಯುತ್​​ಗೂ ಬರ..! – ಮಾರುಕಟ್ಟೆ, ಮದುವೆಗೂ ನಿರ್ಬಂಧ..!

ಪಾಕಿಸ್ತಾನ ಈಗ ಕಗ್ಗತ್ತಲಲ್ಲಿ ಮುಳುಗಿದೆ. ದಿವಾಳಿ ಅಂಚಿನಲ್ಲಿರುವ ಈ ದೇಶದಲ್ಲಿ ಈಗ ಅಗತ್ಯ ವಿದ್ಯುತ್​ ಕೂಡಾ ಪೂರೈಕೆ ಆಗುತ್ತಿಲ್ಲ.

ಸಾಲದ ಸುಳಿ ಮತ್ತು ವಿದೇಶಿ ವಿನಿಮಯ ಸಂಗ್ರಹದಲ್ಲಿ ದಾಖಲೆಯ ಕುಸಿತದಿಂದ ಕಂಗೆಟ್ಟಿರುವ ಪಾಕಿಸ್ತಾನ ವಿದ್ಯುತ್​​ ಉಳಿತಾಯದತ್ತ ಕ್ರಮಗಳನ್ನು ಕೈಗೊಂಡಿದೆ.

ಈ ಹಿನ್ನೆಲೆಯಲ್ಲಿ ಪಾಕಿಸ್ತಾನ ತನ್ನ ಜನಸಾಮಾನ್ಯರ ಮೇಲೆ ಹೊಸ ನಿರ್ಬಂಧಗಳನ್ನು ಹೇರಿದೆ.

ಪಾಕಿಸ್ತಾನದಲ್ಲಿ ರಾತ್ರಿ 8 ಗಂಟೆಯ ಬಳಿಕ ಮಾರುಕಟ್ಟೆಗಳನ್ನು ಮುಚ್ಚುವಂತೆ ಆದೇಶಿಸಲಾಗಿದೆ. ಅಂದರೆ ರಾತ್ರಿ 8 ಗಂಟೆಯ ಬಳಿಕ ಮಾರುಕಟ್ಟೆಗಳಲ್ಲಿ ವ್ಯಾಪಾರ-ವ್ಯವಹಾರ ಸ್ತಬ್ಧ ಆಗಲಿದೆ.

ಇದಲ್ಲದೇ ರಾತ್ರಿ 10 ಗಂಟೆಯ ಬಳಿಕ ಮದುವೆ ಸಮಾರಂಭಗಳನ್ನೂ ನಡೆಸುವಂತಿಲ್ಲ.

ಅಲ್ಲದೇ ಹೋಟೆಲ್​ ಮತ್ತು ರೆಸ್ಟೋರೆಂಟ್​ಗಳನ್ನು ರಾತ್ರಿ 8 ಗಂಟೆಯಿಂದ ಮುಚ್ಚುವಂತೆಯೂ ಸೂಚಿಸಲಾಗಿದೆ.

ಒಂದು ಸರ್ಕಾರಿ ನೌಕರರಲ್ಲಿ ಶೇಕಡಾ 20ರಷ್ಟು ಮಂದಿ ಮನೆಯಿಂದಲೇ ಕೆಲಸ ಮಾಡಿದ್ದರೆ ಆಗ 56 ಬಿಲಿಯನ್​ ರೂಪಾಯಿಯನ್ನು ಉಳಿಸಬಹುದು ಎನ್ನುವುದು ಪಾಕಿಸ್ತಾನ ಸರ್ಕಾರದ ಅಂದಾಜು.

ಅಲ್ಲದೇ ಪಾಕಿಸ್ತಾನದಲ್ಲಿ ವಿದ್ಯುತ್​ನಿಂದ ಚಲಿಸುವ ಎಲೆಕ್ಟ್ರಿಕ್​ ವಾಹನಗಳ ಬದಲು ಪೆಟ್ರೋಲ್​ನಿಂದ ಚಲಿಸುವ ವಾಹನಗಳನ್ನೇ ಬಳಸುವಂತೆಯೂ ನಿರ್ದೇಶಿಸಲಾಗಿದೆ.

ಜೊತೆಗೆ ವಿದ್ಯುತ್​ ಉಳಿತಾಯ ಮಾಡುವ ಫ್ಯಾನ್​​ ಮತ್ತು ಬಲ್ಪ್​​ಗಳನ್ನು ವಿತರಿಸುವ ವಿದ್ಯುತ್​ ಉಳಿತಾಯಕ್ಕೆ ಕ್ರಮಕೈಗೊಳ್ಳುವ ಘೋಷಣೆ ಮಾಡಿದೆ.