ಪೊಲೀಸ್​ ದೃಢೀಕರಣಕ್ಕಾಗಿ ಕಚೇರಿಗೆ ಹೋಗಬೇಕಿಲ್ಲ – ಡಿಜಿಪಿ ಮಾಹಿತಿ

ಪ್ರಾತಿನಿಧಿಕ ಚಿತ್ರ:

ಪೊಲೀಸ್​ ದೃಢೀಕರಣಕ್ಕಾಗಿ ಅರ್ಜಿ ಸಲ್ಲಿಸಲು ಎಸ್​ಪಿ ಅಥವಾ ಸಿಪಿ ಕಚೇರಿಗೆ ಹೋಗಬೇಕಾಗಿಲ್ಲ ಎಂದು ಕರ್ನಾಟಕ ಪೊಲೀಸ್​ ಇಲಾಖೆ ಮುಖ್ಯಸ್ಥರಾದ ಡಿಜಿಪಿ ಪ್ರವೀಣ್​ ಸೂದ್​ ಅವರು ಹೇಳಿದ್ದಾರೆ.

ಆನ್​ಲೈನ್​ನಲ್ಲಿ ದಾಖಲೆಗಳನ್ನು ಸಲ್ಲಿಸಿ, ಶುಲ್ಕ ಪಾವತಿಸಿ ಪೊಲೀಸ್​ ದೃಢೀಕರಣ ಪತ್ರವನ್ನು ಪಡೆದುಕೊಳ್ಳಬಹುದು ಎಂದು ಅವರು ಟ್ವೀಟಿಸಿದ್ದಾರೆ.

ಕರ್ನಾಟಕ ಪೊಲೀಸ್​ ಇಲಾಖೆಯ ವೆಬ್​ಸೈಟ್​ ಅಥವಾ ಸೇವಾಸಿಂಧು ಮೂಲಕ ಪೊಲೀಸ್​ ದೃಢೀಕರಣ ಪತ್ರವನ್ನು ಪಡೆದುಕೊಳ್ಳಬಹುದಾಗಿದೆ. ಅಲ್ಲಿ ಕೆಟಗರಿ ಆಯ್ಕೆ ಮಾಡಿಕೊಳ್ಳಿ, ಆಧಾರ್​ ದೃಢೀಕರಣವನ್ನು ಮಾಡಿದ ಬಳಿಕ ಆನ್​ಲೈನ್​ ಮೂಲಕವೇ ದಾಖಲೆಗಳನ್ನು ಅಪ್​ಲೋಡ್​ ಮಾಡಿ ಶುಲ್ಕವನ್ನು ಪಾವತಿಸಿ.

ಬಳಿಕ ಪೊಲೀಸ್​ ದೃಢೀಕರಣಕ್ಕಾಗಿ ಠಾಣೆಗೆ ಕರೆಯಬಹುದು. ಪೊಲೀಸ್​ ದೃಢೀಕರಣ ಪ್ರಮಾಣಪತ್ರವನ್ನು ಇಮೇಲ್​ ಮೂಲಕ ಡೌನ್​ಲೋಡ್​ ಮಾಡಿಕೊಳ್ಳಬಹುದು ಎಂದು ಡಿಜಿಪಿ ಅವರು ಟ್ವೀಟಿಸಿದ್ದಾರೆ.

Upload all documents
Pay fee online
You may be called physically once to the police station for verification
You will receive your certificate via email / download

— DGP KARNATAKA (@DgpKarnataka) July 30, 2022