NIA ದಾಳಿ ವಿರೋಧಿಸಿ PFI ಪ್ರತಿಭಟನೆ : FIR ದಾಖಲಿಸಲು ಹೈಕೋರ್ಟ್​ ಸೂಚನೆ

PFI

ಗುರುವಾರ ರಾಷ್ಟ್ರಾದ್ಯಂತ ರಾಷ್ಟ್ರೀಯ ತನಿಖಾ ಆಯೋಗ (NIA) ಫಾಪ್ಯುಲರ್ ಪ್ರಂಟ್ ಆಫ್ ಇಂಡಿಯಾ (PFI)ದ ಕಚೇರಿಗಳು ಮತ್ತು ನಾಯಕರ ಮನೆ ಮೇಲೆ ದಾಳಿ ನಡೆಸಿತ್ತು. 100 ಜನ ನಾಯಕರನ್ನು ಬಂಧಿಸಿತ್ತು. ಇದನ್ನು ವಿರೋಧಿಸಿ ಇಂದು ಕೇರಳದಲ್ಲಿ ಪಿಎಫ್​ಐ ಮುಖಂಡರು ಪ್ರತಿಭಟನೆ ಇಳಿದಿದ್ದಾರೆ. ಅನುಮತಿ ಪಡೆಯದೇ ಪ್ರತಿಭಟನೆ ನಡೆಸುತ್ತಿರುವ ಪಿಎಫ್​ಐ ವಿರುದ್ಧ ಕೇರಳ ಹೈಕೋರ್ಟ್​​ ಎಫ್​ಐಆರ್ ದಾಖಲಿಸಲು ಸೂಚನೆ ನೀಡಿದೆ.

ಕೇರಳ ಹೈಕೋರ್ಟ್​​ 2019 ರಲ್ಲಿ 7 ದಿನಗಳ ನೋಟಿಸ್ ಅವಧಿಯ ನಂತರ ಮಾತ್ರವೇ ರಾಜ್ಯಾದ್ಯಂತ್ ಬಂದ್ ಮಾಡಿ ಪ್ರತಿಭಟನೆ ನಡೆಸಲು ಅನುಮತಿ ನೀಡಿತ್ತು. ಏಕಾಏಕಿ ನಡೆಸುವ ಪ್ರತಿಭಟನೆಯನ್ನು ಹೈಕೋರ್ಟ್ ಬ್ಯಾನ್ ಮಾಡಿತ್ತು. ಇದೀಗ, ಪಿಎಫ್​ಐ ಏಕಾಏಕಿ ಪ್ರತಿಭಟನೆ ನಡೆಸಿರುವುದರಿಂದ ಹೈಕೋರ್ಟ್​​ ಪ್ರಕರಣ ದಾಖಲಿಸಲು ಕೇರಳ ಪೊಲೀಸರಿಗೆ ಸೂಚಿಸಿದೆ.

ಅಲ್ಲದೇ, ರಾಜ್ಯಾದ್ಯಂತ ನಡೆದಿರುವ ಗಲಭೆಗಳಿಗೆ ಸಂಬಂಧಿಸಿದಂತೆ ತಕ್ಷಣವೇ ಕ್ರಮ ಕೈಗೊಳ್ಳಬೇಕು ಎಂದು ಹೇಳಿದೆ.

ಇದನ್ನೂ ಓದಿ : Anti-national conspiracy : PFI ಗೆ ಸಂಬಂಧಿಸಿದ ಹಲವು ಸ್ಥಳಗಳಲ್ಲಿ ಎನ್​ಐಎ ದಾಳಿ

ಎಡಿ ಜೊತೆ ಎನ್​ಐಎ ದೇಶದ 15ಕ್ಕೂ ಹೆಚ್ಚಿನ ರಾಜ್ಯಗಳಲ್ಲಿ ಪಿಎಫ್​ಐ ಮತ್ತು ಎಸ್​ಡಿಪಿಐ ಕಚೇರಿಗಳ ಮೇಲೆ ಹಾಗೂ ಇದರ ನಾಯಕರುಗಳ ಮೇಲೆ ಏಕಕಾಲಕ್ಕೆ ದಾಳಿ ನಡೆಸಿತ್ತು. ಈ ದಾಳಿ ಗುರುವಾರ ಬೆಳಿಗ್ಗೆ 6 ಸಾಯಂಕಾಲ 6 ಗಂಟೆಯವರೆಗೆ ನಡೆಸಿತ್ತು. ಇಷ್ಟು ದೊಡ್ಡ ಮಟ್ಟದ ದಾಳಿ ಇಡೀ ದೇಶದಲ್ಲಿ ಇದೇ ಮೊದಲನೆಯದಾಗಿದೆ ಎನ್ನಲಾಗುತ್ತಿದೆ.

ದೇಶದಾದ್ಯಂತ 100 ಜನ ಪಿಎಸ್​ಐ ಕಾರ್ಯಕರ್ತರನ್ನು ಬಂಧಿಸಲಾಗಿತ್ತು. ಇದರಲ್ಲಿ ಅತಿಹೆಚ್ಚು ಕೇರಳದ 22 ಜನರನ್ನು ಎನ್​ಐಎ ಬಂಧಿಸಿ ಕರೆದ್ಯೊಯ್ದಿದೆ.

ಕೇರಳ ಪಿಎಫ್​ ಘಟಕ ನಜ್ಞತಮ್ಮ ನಾಯಕರ ಬಂಧನವನ್ನು ಅನ್ಯಾಯ ಎಂದು ಖಂಡಿಸಿದೆ. ಅಲ್ಲದೇ, ಇಂದು ಸೆಪ್ಟಂಬರ್ 23 ರಂದು ರಾಜ್ಯಾದ್ಯಂತ ಪ್ರತಿಭಟನೆಗೆ ಕರೆ ನೀಡಿತ್ತು. ಈಮದು ಪ್ರತಿಭಟನೆಗೆ ಇಳಿದಿದ್ದ ಪಿಎಫ್​ಐ ಕಾರ್ಯಕರ್ತರು ಹಿಂಸಾತ್ಮಕ ಪ್ರತಿಭಟನೆಗೆ ಇಳಿದಿದ್ದಾರೆ ಎಂದು ಪೊಲೀಸರು ಹೇಳಿದ್ದಾರೆ. ಸರ್ಕಾರದ ಬಸ್​​ ಮತ್ತಿತರ ಸ್ಥಳಗಳ ಮೇಲೆ ಕಲ್ಲು ತೂರಾಟ ನಡೆಸಿದ ಪ್ರಕರಣಗಳು ಕೇರಳದಲ್ಲಿ ವರದಿಯಾಗಿದೆ.

2006 ರಲ್ಲಿ ರಚನೆಯಾದ ಪಿಎಫ್​ಐ ಭಾರತದ ಹಿಂದುಳಿದ ವರ್ಗಗಳ ಸಬಲೀಕರಣಕ್ಕಾಗಿ ಕೆಲಸ ಮಾಡುವುದಾಗಿ ಹೇಳಿಕೊಂಡಿದೆ. ಆದರೆ, ಇದು ಮೂಲಭೂತವಾದ ಇಸ್ಲಾಂ ಧರ್ಮವನ್ನು ಉತ್ತೇಜಿಸುತ್ತಿದೆ ಎಂದು ದೇಶದ ಕಾನೂನು ಜಾರಿ ಸಂಸ್ಥೆಗಳು ಹೇಳಿವೆ.

ಇದನ್ನೂ ಓದಿ : BIG BREAKING: ಕರ್ನಾಟಕ ಒಳಗೊಂಡು 10 ರಾಜ್ಯಗಳಲ್ಲಿ NIAಯಿಂದ PFI ಬೇಟೆ, 100 ಮಂದಿ ಅರೆಸ್ಟ್

LEAVE A REPLY

Please enter your comment!
Please enter your name here