ನಟಿ ಪವಿತ್ರ ಲೋಕೇಶ್ ಒಂದು ದಿನದ ರೆಮ್ಯುನರೇಷನ್ ಏಷ್ಟು?

ಪವಿತ್ರ ಲೋಕೇಶ್ ಈಗಾಗಲೇ ಸಾಕಷ್ಟು ಸಿನಿಮಾಗಳಲ್ಲಿ ಕ್ಯಾರೆಕ್ಟರ್ ಆರ್ಟಿಸ್ಟ್ ಆಗಿ ನಟಿಸಿದ್ದಾರೆ. ಆದರೆ, ಟಾಲಿವುಡ್ ನಟ ನರೇಶ್ ಜೊತೆಗಿನ ಪ್ರೇಮಾಯಣದ ಬಳಿಕ ಪವಿತ್ರ ಲೋಕೇಶ್​ ಟಾಲಿವುಡ್​ನಲ್ಲಿ ಇನ್ನಷ್ಟು ಪಾಪುಲರ್ ಆದರು.

ಕಳೆದ ಕೆಲ ತಿಂಗಳಿಂದ ರಿಲೇಶನ್​ನಲ್ಲಿ ಇರುವ ಈ ಜೋಡಿ ಶೀಘ್ರವೇ ಮದುವೆ ಕೂಡ ಆಗಲಿದೆ. ಈ ವಿಚಾರವನ್ನು ನಟ ನರೇಶ್ ಬಹಿರಂಗವಾಗಿ ಪ್ರಕಟಿಸಿದ್ದಾರೆ.ಇವರಿಬ್ಬರು ಜೋಡಿಯಾಗಿ ನಟಿಸಿರುವ ಮತ್ತೆ ಮದುವೆ ಚಿತ್ರ ಮೊನ್ನೆಯಷ್ಟೇ ರಿಲೀಸ್ ಆಗಿದೆ.

 ವಾಸ್ತವದಲ್ಲಿ ಕ್ಯಾರೆಕ್ಟರ್ ಆರ್ಟಿಸ್ಟ್ ಆಗಿ ಹಲವು ಸಿನಿಮಾಗಳಲ್ಲಿ ನಟಿಸಿರುವ ನಟಿ ಪವಿತ್ರ ಲೋಕೇಶ್, ಯಾವುದೇ ಸಿನಿಮಾಗಳಲ್ಲಿ ನಟಿಸಲು​ ದಿನಕ್ಕೆ 50 ಸಾವಿರ ರೂಪಾಯಿ ಸಂಭಾವನೆಯನ್ನು ತೆಗೆದುಕೊಳ್ಳುತ್ತಿದ್ದರಂತೆ.

ಆದರೆ, ನರೇಶ್ ಜೊತೆ ಪ್ರೇಮ ವ್ಯವಹಾರದಿಂದ ಪವಿತ್ರ ಲೋಕೇಶ್ ಇನ್ನಷ್ಟು ಫೇಮಸ್ ಆಗಿಬಿಟ್ಟಿದ್ದಾರೆ. ಇದರೊಂದಿಗೆ ಪವಿತ್ರ ಲೊಕೇಶ್ ತಮ್ಮ ದಿನದ ರೆಮ್ಯುನರೇಷನ್ ಕೂಡ ಹೆಚ್ಚಿಸಿದ್ದಾರಂತೆ.

ಸದ್ಯ ಒಂದು ದಿನ ಶೂಟಿಂಗ್​ನಲ್ಲಿ ಪಾಲ್ಗೊಳ್ಳಲು ನಟಿ ಪವಿತ್ರ ಲೊಕೇಶ್​ ಒಂದು ಲಕ್ಷ ರೂಪಾಯಿವರೆಗೂ ಡಿಮ್ಯಾಂಡ್ ಮಾಡುತ್ತಿದ್ದಾರೆ. ಆಕೆಗಿರುವ ಕ್ರೇಜ್ ಕಾರಣ ಆಕೆ ಕೇಳಿದಷ್ಟು ರೆಮ್ಯುನರೇಷನ್ ನೀಡಲು ನಿರ್ಮಾಪಕರು ಕೂಡ ಮುಮದಾಗುತ್ತಿದ್ದಾರೆ ಎಂದು ಹೇಳಲಾಗಿದೆ.

ಪವಿತ್ರ ಲೋಕೇಶ್​ಗೆ ಪ್ರಸ್ತುತ ಕೈತುಂಬಾ ಸಿನಿಮಾ ಆಫರ್​ಗಳು ಬರುತ್ತಿವೆ. ತಮ್ಮ ಬಗ್ಗೆ ಬರುತ್ತಿರುವ ಟ್ರೋಲ್​ಗಳ ಬಗ್ಗೆ ತಲೆಕೆಡಿಸಿಕೊಳ್ಳದ ಪವಿತ್ರ ಲೋಕೇಶ್ ಸಿನಿಮಾ ಶೂಟಿಂಗ್​ಗಳಲ್ಲಿ ಬ್ಯುಸಿ ಆಗಿದ್ದಾರೆ.