ಲಿಂಗಾಯತ ಪ್ರತ್ಯೇಕ ಧರ್ಮ: ರಾಜಕೀಯೇತರ ಚಳುವಳಿ ಸೂಕ್ತ – ಸಚಿವ ಎಂ ಬಿ ಪಾಟೀಲ್​

ಲಿಂಗಾಯತ ಪ್ರತ್ಯೇಕ ಧರ್ಮ ಸ್ಥಾನಮಾನಕ್ಕಾಗಿ ರಾಜಕೀಯೇತರ ಚಳುವಳಿ ಮಾಡುವುದು ಸೂಕ್ತ ಎಂದು ಬೃಹತ್​ ಮತ್ತು ಮಧ್ಯಮ ಕೈಗಾರಿಕೆ ಸಚಿವ ಎಂ ಬಿ ಪಾಟೀಲ್​ ಅವರು ಹೇಳಿದ್ದಾರೆ.

ಪ್ರಮುಖ ಇಂಗ್ಲೀಷ್​ ದೈನಿಕ ಇಂಡಿಯನ್​ ಎಕ್ಸ್​ಪ್ರೆಸ್​​​ಗೆ ನೀಡಿದ ಸಂದರ್ಶನದಲ್ಲಿ ಪ್ರಮುಖ ಲಿಂಗಾಯತ ಮುಖಂಡರೂ ಆಗಿರುವ ಎಂ ಬಿ ಪಾಟೀಲ್​ ಅವರು ಪ್ರತಿಕ್ರಿಯಿಸಿದ್ದಾರೆ.

2023-18ರ ಅವಧಿಯಲ್ಲಿ ಕಾಂಗ್ರೆಸ್​ ಸರ್ಕಾರ ಅಧಿಕಾರದಲ್ಲಿದ್ದಾಗ ಲಿಂಗಾಯತರಿಗೆ ಪ್ರತ್ತೇಕ ಸ್ಥಾನಮಾನದ ಹೋರಾಟದಲ್ಲಿ ಮುಂಚೂಣಿಯಲ್ಲಿದ್ದವರು ನೀವು. ನೀವು ಮತ್ತೆ ಆ ಬೇಡಿಕೆಯನ್ನು ಮುಂದಿಡ್ತೀರಾ..?  ಎಂದು ಕೇಳಲಾದ ಪ್ರಶ್ನೆಗೆ ಸಚಿವರು ಉತ್ತರಿಸಿದ್ದಾರೆ.

ಎಂ ಬಿ ಪಾಟೀಲ್​ ಕೊಟ್ಟ ಉತ್ತರ: ಇಲ್ಲ, ಕಳೆದ ಚುನಾವಣೆಯಲ್ಲಿ ಬಿಜೆಪಿ ವಿಷಯವನ್ನು ರಾಜಕೀರಣಗೊಳಿಸಿತು. ಲಿಂಗಾಯತ ಪ್ರತ್ಯೇಕ ಧರ್ಮ ಬೇಡಿಕೆಯಲ್ಲಿ ನಾನು ಮೂರು ಸಭೆಗಷ್ಟೇ ಹಾಜರಾಗಿದ್ದೆ. ಆದರೆ ವಿಪಕ್ಷಗಳು (ಬಿಜೆಪಿ) ನನ್ನ ವಿರುದ್ಧ ದಾಳಿ ಮಾಡಿದವು. ಹೀಗಾಗಿ ರಾಜಕೀಯೇತರ ಚಳುವಳಿ ಮಾಡುವುದು ಸೂಕ್ತ . ಸ್ವಾಮೀಜಿಗಳು ಮತ್ತು ಸಮುದಾಯದ ಮುಖಂಡರು ನಿರ್ಧರಿಸುತ್ತಾರೆ.