BREAKING: ಹಾಲಿನ ದರ ಲೀಟರ್​ಗೆ 3 ರೂಪಾಯಿ ಹೆಚ್ಚಳ ಸಾಧ್ಯತೆ

ಕರ್ನಾಟಕದಲ್ಲಿ ಹಾಲಿನ ದರ (Milk Price) ಹೆಚ್ಚಳ ಆಗುವ ನಿರೀಕ್ಷೆ ಇದೆ.

ಹಾಲಿನ ದರವನ್ನು ಲೀಟರ್​ಗೆ 3 ರೂಪಾಯಿ ಹೆಚ್ಚಳ ಮಾಡುವ ಪ್ರಸ್ತಾಪವನ್ನು ಶುಕ್ರವಾರ ನಡೆದ ತನ್ನ ವಾರ್ಷಿಕ ಮಹಾಸಭೆಯಲ್ಲಿ ಕೆಎಂಎಫ್ (KMF) ಅನುಮೋದಿಸಿದೆ.

ಆದರೆ ಕೆಎಂಎಫ್​ ಪ್ರಸ್ತಾಪಕ್ಕೆ ರಾಜ್ಯ ಸರ್ಕಾರದಿಂದ ಇನ್ನಷ್ಟೇ ಅನುಮತಿ ಸಿಗಬೇಕಿದೆ.​ ಹಾಲಿನ ದರ ಏರಿಕೆ ಪ್ರಸ್ತಾಪಕ್ಕೆ ನಿಯಮಗಳ ಪ್ರಕಾರ ರಾಜ್ಯ ಸರ್ಕಾರದಿಂದ ಅನುಮೋದನೆ ಸಿಗುವುದು ಅನಿವಾರ್ಯ.

ಲೀಟರ್​ಗೆ ಮೂರು ರೂಪಾಯಿ ಹೆಚ್ಚಳದ ಮೊತ್ತವನ್ನು ನೇರವಾಗಿ ರೈತರಿಗೆ ವರ್ಗಾಯಿಸುವ ತೀರ್ಮಾನವನ್ನು ಕೆಎಂಎಪ್​ ತೆಗೆದುಕೊಂಡಿದೆ.

ಸದ್ಯಕ್ಕೆ ಕರ್ನಾಟಕದಲ್ಲಿ ನಂದಿನಿ ಹಾಲಿಗೆ ಲೀಟರ್​ಗೆ 37 ರೂಪಾಯಿ. ಹಾಲು ಒಕ್ಕೂಟಗಳ ಪ್ರಕಾರ ಅಕ್ಕಪಕ್ಕದ ರಾಜ್ಯಗಳಲ್ಲಿ ಒಂದು ಲೀಟರ್​ ಹಾಲಿನ ವೆಚ್ಚ 50 ರೂಪಾಯಿ. ಹೈನುಗಾರಿಕೆ ವೆಚ್ಚದಿಂದ ಹಾಲು ಉತ್ಪಾದಕರಿಗೂ ಹೊರೆಯಾಗುತ್ತಿದೆ.

14 ಹಾಲು ಒಕ್ಕೂಟಗಳು ಹಾಲಿನ ಬೆಲೆ ಏರಿಕೆಗೆ ಕೆಎಂಎಫ್​ ಮೇಲೆ ಒತ್ತಡ ಹೇರಿದ್ದವು. ಅಲ್ಲದೇ ಹಾಲಿನ ಬೆಲೆಯನ್ನು ಲೀಟರ್​ಗೆ 5 ರೂಪಾಯಿಯಷ್ಟು ಹೆಚ್ಚಳ ಮಾಡುವಂತೆ ಆಗ್ರಹಿಸಿ ಸೆಪ್ಟೆಂಬರ್​ 22ರಂದು ಬೆಂಗಳೂರಲ್ಲಿ ಬೃಹತ್​ ಜಾಥಾ ಮಾಡುವ ಬಗ್ಗೆ ಮಂಡ್ಯ, ಕೋಲಾರ, ರಾಮನಗರ, ಬೆಂಗಳೂರು ನಗರ ಮತ್ತು ಬೆಂಗಳೂರು ಗ್ರಾಮಾಂತರ ಹಾಲು ಒಕ್ಕೂಟಗಳು ಎಚ್ಚರಿಕೆ ನೀಡಿದ್ದವು.