ಕಿಕ್ ಬಾಕ್ಸಿಂಗ್ : ಒಂದೇ ಏಟಿಗೆ ಬಾಕ್ಸರ್ ಸಾವು – ವಿಡಿಯೋ ನೋಡಿ

ಬೆಂಗಳುರಿನ ಕೆಂಗೇರಿಯಲ್ಲಿ ನಡೆದಿದ್ದ ಬಾಕ್ಸಿಂಗ್​ನಲ್ಲಿ ಒಂದೇ ಏಟಿಗೆ ಬಾಕ್ಸರ್ ಸಾವನ್ನಪ್ಪಿರುವ ದುರಂತ ಪ್ರಕರಣ ವರದಿಯಾಗಿದೆ.

ಮೈಸೂರಿನ ಹೊಸಕೇರಿ ನಿವಾಸಿ ಬಾಕ್ಸರ್ ನಿಖೀಲ್ (23) ಸಾವನ್ನಪ್ಪಿದ್ದಾರೆ.

ಜುಲೈ 10 ರಂದು ಬೆಂಗಳುರಿನ ಕೆಂಗೇರಿಯಲ್ಲಿ ಬಾಕ್ಸಿಂಗ್ ಕಿಕ್ ಬಾಕ್ಸಿಂಗ್ ಸ್ಪರ್ಧೆ ನಡೆದಿತ್ತು. ಬಾಕ್ಸರ್​ ನಿಖಿಲ್ ಎದುರಾಳಿಯೊಂದಿಗೆ ರಿಂಗ್​ನಲ್ಲಿ ಸೆಣಸಾಟ ನಡೆಸಿದ್ದರು. ಈ ವೇಳೆ ಎದುರಾಳಿ ನೀಡಿದ ಒಂದೇ ಏಟಿಗೆ ಬಾಕ್ಸರ್ ನಿಖಿಲ್ ರಿಂಗ್​ನಲ್ಲಿಯೇ ಕುಸಿದು ಬಿದ್ದಿದ್ದಾರೆ.

ಕುಸಿದು ಬಿದ್ದ ಬಾಕ್ಸರ್​​ ನಿಖಿಲ್​​ರನ್ನು ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಶ್ವಾಸಕೋಶ ಭಾಗಕ್ಕೆ ತೀವ್ರ ಪೆಟ್ಟಾಗಿದೆ ಎಂದು ವೈದ್ಯರು ತಿಳಿಸಿದ್ದರು. 2 ದಿನಗಳ ಕಾಲ ಕೋಮಾದಲ್ಲಿದ್ದ ಬಾಕ್ಸರ್ ನಿಖಿಲ್ ಚಿಕಿತ್ಸೆ ಫಲಿಸದೇ ಸಾವನ್ನಪ್ಪಿದ್ದಾರೆ.

ಕಿಕ್ ಬಾಕ್ಸಿಂಗ್ ಸ್ಪರ್ಧೆಯ ಆಯೋಜಕರ ವಿರುದ್ಧ ನಿಖಿಲ್ ಕುಟುಂಬಸ್ಥರು ದೂರು ನೀಡಿದ್ದಾರೆ. ಜ್ಞಾನ ಭಾರತಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.